السلام عليكم و رحمة الله
أختي لا تجهدي نفسك من الآن
دعي التحضير و المراجعة بعد الدخول المدرسي
إذا حابة تراجعي من دركا
تقدري تشوفي برنامج السنة الرابعة علاواش يهدر
يعني مثلا العلوم رح تقراو على جسم الانسان
و هكذا
و ثاني إذا مازال عندك كراس نتع اللغة العربية نتع العام الماضي يمكنك مراجعة دروس الظواهر اللغوية منه
لأنو رح تحتاجيها في السنة الرابعة
و كذلك راجعي المفاعيل يعني المفعول به و المفعول المطلق و المفعول فيه و غيرهم رانا قريناهم في السنة الثانية متوسط كلهم
و المنصوبات كذلك مثلا الحال و التمييز
و في الرياضيات راجعي حل معادلات لأنو تحتاجيها بزاف
في الفيزياء راجعي كيفية موازنة المعادلات الكيميائية لأنك رح تحتاجيهم هذ العام و كذلك رموز الذرات و الجزيئات
و الفرنسية راجعي الازمنة اللي قريتوهم يعني futur simple ، présent ، passé composé ، imparfait و غيرهم اللي قريتوهم
و في الانجليزية كذلك راجعي القواعد هذوك
التوزيعات السنوية سأوفرها لك إن شاء الله
وفقك الله