طفلي يسأل عن الله ماذا أجيبه

[عاشقة النبراس]

السلام عليكم . طفلي يسأل كثيرا عن الله والملائكة و الصلاة ووو عمره 4 سنوات يسألني وعلاه تصلي يا امي اقول له باش ربي يحبني ويدخلني في الجنة يقولي وعلاه صنعنا ربي نقولو باش نحبوه و نصلو وما نكدبوش ونبقاو مؤدبين يقولي ربي شكون خلقو نقولو ما علاباليش يقلق ويقولي عندو اسنان يا امي نقولو ما علاباليش يقولي وينو دروك وعلاه ما يجيش يجلس معانا نقولو راهو في السماء يقولي الطائرة توصلو نقولو لا يقولي عندو اخوه يتعارك معاه نقولو لا ما عندوش خوه يقولي وعلاه نقولو خاطر ربي وحدو عندو ملائكة يقولي واش يديرو نقولو ربي يبعثهم باش يحموك ويحفظوك ... يقولي الشيطان عندو اولاد نقولو ايه المهم انه يسأل كثيرا عن الله والملائكة والغيبيات وانا حبيت نحط عينة من أجوبتي لا اعرف ان كانت اجوبتي صحيحة ام لا المهم ارجو نصيحة من الأخوات من مرت بنفس التجربة ... كاين اخوات قالولي ما تجاوبيهش وحينما لا اجيبه يغضب و يسال خارج المنزل مرة سألني ماذا يأكل الشيطان قلت له لا اعرف فسال احد من خارج البيت فقال له اكرمكم الله الشيطان يأكل من المزبلة فهو يعتقد هذا وكي نقولو قول بسم الله كي لا يأكل الشيطان معك يقول لي لا الشيطام ياكل من المزبلة فقط