في رأيكم ..هل أقبل .با و أشارك ......؟

امين83 · 2011-12-10, 00:59

السلام عليكم
سؤالي نفسه.....
1- هل أقبل با مشاركة في مسابقة خارجية لتوظيف لملــحق اداري با الرغم من انني حامل لشهادة اليسانس و الكفاءة المهنية و الخبرة ....
في الحقيقة تبين لي بان فيها فرصة خير من انتظار مسابقة متصرف اداري ...
2- و لمن له معرفة حول كم يبلغ راتب ملحق اداري ...؟

في رأيـــكم ....؟
أنتـــظر أرائــكم ربما تفيـــدني ..........

*تسنيم* · 2011-12-10, 08:37

لا تترك اي فرصة تفوتك ولو ان المنصب اقل من مستواك.بالتوفيق.

فرناس وهران · 2011-12-10, 09:03

السلام عليكم
اخي كما قال الاخ قبلي
دوروا في الجيب خير من عشرة كريدي
عندي عامين و انا نشارك كيما انت لكن هذا العام قلبت العقلية غادي بالتارمينال و نطلقش
اظمن النص و من بعد زيد

السَّحابة البيضاءْ · 2011-12-10, 10:13

من راي الشخصي اصبر وحوس على خدمة من مستواك ماتنساش المعيشة زايدة تغلا امالا فكر في الراتب انت راك راجل معناها راهي جاياتك مسؤوليات مادية كبيرة

نفرض انك شديت هاذ المنصب على امل انك تنجح في مسابقة اخرى

راك ظامن تربح فيها رايح يكون عندك الوقت باش تحضر وماتنساش نيفو التارمينال ماهوش قليل راهم اكثر من جماعة اليسانس يحوسوا على الخدمة

ملحق اداري صنف 9 والرقم الاستدلالي 418 معناها الراتب تقريبا 17138

على العموم هاذا راي وانت لك الاختيار

sarl02 · 2011-12-10, 13:22

يا حصراه انت زعمة طارتلك ملحق وراك ضامنها وراك تتشرط ...يا سيدي غير جوز وانجح اذا نجمت وامبعد يرحمها ربي..باين راك مزال جديد في ميدان المسابقات.

امين83 · 2011-12-10, 13:59

اقتباس:

المشاركة الأصلية كتبت بواسطة sarl02

يا حصراه انت زعمة طارتلك ملحق وراك ضامنها وراك تتشرط ...يا سيدي غير جوز وانجح اذا نجمت وامبعد يرحمها ربي..باين راك مزال جديد في ميدان المسابقات.

هههههههههههه
الضامن ربي سبحانه ...و نزيدك معلومة ربما راني متخرج قبلك ...لأني راني داخل في العام 7 منذ تخرجي .....و ربع المسابقات التي مررت بها راني متاكد بانك لم تجتزها لاني كون نحكيلك رايح نالف كتاب او انظر الى مشاركاتي لبما يتضح الامر
...تمنالي التوفيق

امين83 · 2011-12-10, 14:23

اقتباس:

المشاركة الأصلية كتبت بواسطة صافينيزا

لا تترك اي فرصة تفوتك ولو ان المنصب اقل من مستواك.بالتوفيق.

بارك الله فيك على وجهة نظرك ....

اقتباس:

المشاركة الأصلية كتبت بواسطة ضوء الخيال

من راي الشخصي اصبر وحوس على خدمة من مستواك ماتنساش المعيشة زايدة تغلا امالا فكر في الراتب انت راك راجل معناها راهي جاياتك مسؤوليات مادية كبيرة

نفرض انك شديت هاذ المنصب على امل انك تنجح في مسابقة اخرى

راك ظامن تربح فيها رايح يكون عندك الوقت باش تحضر وماتنساش نيفو التارمينال ماهوش قليل راهم اكثر من جماعة اليسانس يحوسوا على الخدمة

ملحق اداري صنف 9 والرقم الاستدلالي 418 معناها الراتب تقريبا 17138

على العموم هاذا راي وانت لك الاختيار

بارك الله فيك علو وجهة نظرك.....لكن فيما يخص الأجر لا أظن أنه 17138.....لان متصرف راهو في 29000 و ملحق رئيسي للأدارة راهو في 25000 أو دج 26000 لذى ملحق ادارة يكون با 24000 يكون الفارق با 2000 أو 300 دج كدح أقصى لأن عون معاينة أو عون استشارة راهو في 21000 دج با الرغم من أنه عندو الثالتة ثانوي ........و الله أعلم

اقتباس:

المشاركة الأصلية كتبت بواسطة فرناس وهران

السلام عليكم
اخي كما قال الاخ قبلي
دوروا في الجيب خير من عشرة كريدي
عندي عامين و انا نشارك كيما انت لكن هذا العام قلبت العقلية غادي بالتارمينال و نطلقش
اظمن النص و من بعد زيد

بارك الله فيك ...على وجهة نظرك
هي الحمد لله رانا في عقود الادماج و حاملي شهادات الهم لكن ماهيش طريقة لبناء مستقبل .....
و يبقى الامل ههه

ahmed45 · 2011-12-10, 14:55

ياخي انا اظن تقدر تشد بيها ايدك وتفوت المسابقات نتاع المستوى نتاعك
وربي يجيب الخير

السَّحابة البيضاءْ · 2011-12-10, 14:55

ملحق اداري صنف 9 والرقم الاستدلالي 418 معناها الراتب تقريبا 17138

هذا الراتب خام دون زيادات

السلام عليكم أخوكم في الله عبد القادر من ولاية ورقلة ليسانس فالاقتصاد أعمل حاليا ملحق ادارة وسأوافيكم بكل مايخصه من استفسارات :
_ مرتبه 2232000

_ في حال كان لدى ملحق اداري ليسانس قبل حصوله على على هذا المنصب فانه لن يستفيد من الترقيه بالشهادة

_ في حال صاحب هذا المنصب تحصل على الشهادة بعد دخوله وحصوله على هذا المنصب فانه من حقه الترقية ولايترقى الى متصرف بل يترقى الى الرتبة التي تكون بعد رتبة ملحق ادرة وهي ملحق اداري رئيسي

_ اما المهام التي يقوم بها ملحق الادارة او الموكلة اليه فهم غالبا يعمل في مصلحة المستخدمين او مصلحة المحاسبة

في الأخير نصيحة اليكم يا خاوتي الي متحصلين على شهادة الليسانس اياكم والمغامرة لأني أنا صراحة مندم على دخولي ملحق ادارة .......................................
في أمان الله

راتب ملحق إدارة رئيسي دون المردودية ، الصنف 10، الرقم الاستدلالي 453، الدرجة 00 :
الأجر القاعدي : 20385.00
الخبرة المهنية :0.00
تعويض الخدمات الإدارية المشتركة 25% = 25%*20385.00 = 5096.25
منحة جزافية تعويضية : 2000.00
الراتب الخام : = 27481.25
الضمان الاجتماعي 9% = 27481.25*9%= 2473.31
الضريبة على الدخل الاجمالي = 1800.00
المنح العائلية = 0.00
الصافي الدفع = 23207.94

فرناس وهران · 2011-12-10, 17:02

اخي عقود ما قبل التشغيل ليست حل
انت منذ سبعة سنوات تنتظر فرصة لكن العمر لا ينتظر اخي
فعلا الرزاق الله لكن اتخاذ الاسباب جيد
الى متى عن نفسي لا اريد ان ابقى عازبا هههههه

gomplayer · 2011-12-10, 17:19

لا تغامر اخي اصبر و سوف يرزقك الله
لا تتسرع

sarl02 · 2011-12-10, 17:25

اقتباس:

المشاركة الأصلية كتبت بواسطة امين83

هههههههههههه
الضامن ربي سبحانه ...و نزيدك معلومة ربما راني متخرج قبلك ...لأني راني داخل في العام 7 منذ تخرجي .....و ربع المسابقات التي مررت بها راني متاكد بانك لم تجتزها لاني كون نحكيلك رايح نالف كتاب او انظر الى مشاركاتي لبما يتضح الامر
...تمنالي التوفيق

والله غير نتمنالك التوفيق ولجميع الاخوة و من كل قلبي ...وانا قصدي ملحق ادارة افضل من عقد ادماج وافضل من الشوماج .....وانت بدورك اذا ربك سهلك فيها جوز مسابقات مما يتوافق واخصاصك وكيتسهلك فيما هو افضل منها اتركها ...العقل والمنطق اقول هكذا يا اخي ....اما بالنسبة لربع المسابقات الي جوزتهم انا ما جوزتهمش هذه انظن راك غالط فيها ...والحمد لله انا ثاني حتى للعام هذا باش سهلت والحمد لله في منصب يتوافق ومؤهلاتي...ا .وان شاء الله ابالتوفيق لك ولكل باحث عن رزق في الحلال

fouzidroit · 2011-12-13, 15:21

أخي رأيي أن تشارك في المسابقة
و اعتبرها مرحلة انتقالية لما هو أفضل
يعني درجة أولى ترقى من خلالها
المهم تحكم بيها يدك حتى يفرج ربي
و الله المستعان.

فرناس وهران · 2011-12-13, 17:32

كل العمل انا عندي مرحلة انتقالية حتى لو وصلت مدير الادارة نحاول باش نزيد
الطموح شيئ جميل تحقيق ذات الانسان مرحلة مرحلة
اذا الانسان حسب روحه وصل للي بغا و هو متصرف رئيسي او حتى مدير و قال هاذي بركة علي
هاذي قليلة خاصة اذا عرف بانه يقدر يعطي اكثر