راني دور ننفجر من زملاء العمل

[rafik20799]

راني دور ننفجر من زملاء العمل
القيل والقال الحسد الغيرة فيما بينهم
غير يوقف واحد من الجماعة يبداو يمنشروا فيه والله العظيم غير كرهت
ومليت كون نجبد روحي من جماعتهم يمنشرو فيا وياكلوني
راني صابر حتى يفرجها ربي و نبدل مكان العمل ادعولي

[samirabahi]

السلام عليكم اخي هده الظاهرة راهي موجودة بزاف في مناطق العمل غير الحسد والهدرة من بعد يجي يضحك في وجهك والله منافقين لكن تقتقلهم بالصمت خسر عليهم كلمة برك السلام عليكم وروح تخدم .

[rafik20799]

المشاركة الأصلية كتبت بواسطة samirabahi

السلام عليكم اخي هده الظاهرة راهي موجودة بزاف في مناطق العمل غير الحسد والهدرة من بعد يجي يضحك في وجهك والله منافقين لكن تقتقلهم بالصمت خسر عليهم كلمة برك السلام عليكم وروح تخدم .

و عليكم السلام .شكرا على المرور

[ام قسوم]

اخى مادخلش روحك في متاهت معاهم وهذ مرض في كل مكان حتى اذا بدلت خدمتك رايح توجد نفس المشكل


خلا و نا سلبيين فى هذا العصر


اعانك الله عليهم

[rafik20799]

المشاركة الأصلية كتبت بواسطة ام قسوم

اخى مادخلش روحك في متاهت معاهم وهذ مرض في كل مكان حتى اذا بدلت خدمتك رايح توجد نفس المشكل


خلا و نا سلبيين فى هذا العصر


اعانك الله عليهم

بارك الله فيك ام قسوم
و لكن زملائي في العمل كما يقول المثل كون نشويلهم اللحم فوق اصابعي و ما يبطلوش التمنشير
حسبي الله و نعم الوكيل

[بلقيس الهدى]

المشاركة الأصلية كتبت بواسطة rafik20799

بارك الله فيك ام قسوم
و لكن زملائي في العمل كما يقول المثل كون نشويلهم اللحم فوق اصابعي و ما يبطلوش التمنشير
حسبي الله و نعم الوكيل

ما تشويلهم لحم ، ما تشويلهم الطرشي هههههه
كن مثالا لحسن الأخلاق ، وقابلهم دوما بتحية السلام و سيموتون بغيظهم.
وتمنشيرهم يزيد من حسناتك ، فاتركهم يمنشروووووووون

[oumhana]

السلام عليكم ورحمة الله وبركاته يا أخي للأسف هاذ الظاهره ولات كما الكونسار و اللي ميهدرش و ميدخلش فالجماعة تاعهم راهم يطيحو عليه.المهم الإنسان يسيي يجبد روحو غير بالعقل وحتى لو هدرو فيك دير روحك مسمعتش وبلعقل ينساوك المهم متدخلش في لعبهم والله الموفق

[أخيل_وائل2014]

المشاركة الأصلية كتبت بواسطة rafik20799

راني دور ننفجر من زملاء العمل
القيل والقال الحسد الغيرة فيما بينهم
غير يوقف واحد من الجماعة يبداو يمنشروا فيه والله العظيم غير كرهت
ومليت كون نجبد روحي من جماعتهم يمنشرو فيا وياكلوني
راني صابر حتى يفرجها ربي و نبدل مكان العمل ادعولي

يا خوياااااااااااا والله كيف كيف التمنشير والحسد والهدرة مور الظهر صح صح أنا تاني باغا نبدل ولازم نبدلو نشالله وماغلطش لي قال المرا مايليقلهاش bureau صح صح صح ندمت بزاف ورانس غير نستنى في مسابقة الأساتذة دعيييييييييييييلي

[مالك مقرة]

المشاركة الأصلية كتبت بواسطة nassima38

يا خوياااااااااااا والله كيف كيف التمنشير والحسد والهدرة مور الظهر صح صح أنا تاني باغا نبدل ولازم نبدلو نشالله وماغلطش لي قال المرا مايليقلهاش bureau صح صح صح ندمت بزاف ورانس غير نستنى في مسابقة الأساتذة دعيييييييييييييلي

يخي قتلك ربي يوفقك ان شاء الله

[knives66]

حلا سنكرس

[نجود اكرام]

السلام عليكم
هذه الظاهرة موجودة في أغلب اداراتنا وأماكن العمل المهم الانسان يكبر بالوا ويصبر على هذه الظاهرة
وربي يفرج عليك ان شاء الله

[nilly]

رجال اخر زمان راجل ليمنشر ماشي راجل يروح يلبس لروب خير

[رثاآء]

أخي كي يبداو يمنشرو جبد روحك وانسحب لأن هذا يعتبر مجلس نميمة
ومن بعد إيلا منشرو فيك؟ غادي يقلعولك رزقك ياخي ربي سبحانو هو الرزاق
على الاقل يقلعلولك شوية معاصي
والله لقراءة بضع آيات من الذكر الحكيم أو أدعية وكتب دينية أو أدبية خير من هذه المجالس
التي لا ينجر منها سوى كثرة الذنوب
أنههم يا اخي بالحسنى وذكرهم بأن لهم ربا لا تضيع عنده حقوق فهذا نهي عن منكر وستؤجر عنه بإذنه تعالى
وفقك الله لما يحب ويرضى ونسأله أن يسخرك لهداية زملائك الغافلين
ولا تحاول شوي أصابع يديك على قولتك فأولا وأخيرا أخي "إرضاء الناس غاية لا تدرك"
حاول إرضاء العلي القدير سبحانه جل وعلا
والسلام عليكم

[nawel zed]

اخي صحيييييييييييح كاينة عن نفسي كنت نحساب غير النساء فيهم مؤخرا اكتشفت الرجال اكثر و احترت و مخي وقف لكن هذا هو المجتمع فيه الصالح و الطالح ربي يسترنا و يهدي الصبر