دورة الاستعداد لفصل الشّتاء بيتي مشرق كفصل الرّبيع

[حياتي كلها امل]

ام شمسو تقريبا نفس النظام نمشي بيه انا وكيما قالت جهينة المهم يكون الواحد ماشي بي نظام ويكون شامل لكل المجالات تاع الاسرة

[الماسة النادرة]

سلام لبنات انا الوم باش شفت الموضوع الرائع انا صراحة ولادتي قربت وكنت درت من قبل دورة تنضيف بعد العيد بايام حواج الشتاء مزال مجبدتهمش لانو عندي مشكل في الخزانة تاعي انو رفوفها عالين وماشي بزاف اي نو اي ترتيب يفسد للاسف وزوجي محبش يديرلي روف لانو خزانتي مستوردة ممكن تمدولي فكرة كيفاش نضمهم اذا سمحتو طبعا

[ام شمسو محمد]

ماعلاباليش علاش مشاركاتي راهي تتكرر ...امية في التكنولوجيا...اشكاليتي مع البرنامج هي الانضباط والالتزام.بديت حملة التنظيفات الشتوية مع الدخول المدرسي ومزلت ماكملتش.والاعمال المنزلية كالليل والنهار لازم مايلحقوش بعصهم.هذا نظامهم وكيتراكمو ومع الالتزامات الاخرى يخلعو

[fatima zohraa]

السلام عليكم.كيف الاحوال يافراشات
بغيت ننبهكم لنقطة وهي صلاة الضحى نحاول نديروها روتين زوج ركعات مام كنتي تخدمي في شغالك تخطفي روحك وهي من8 ل12يعني عندك الوقت وهي تزكية على الاعضاء.حاولن الالتزام بها

[جهينة اليقين]

بارك الله فيك الاخت فاطمة والله انا تجيني ثقيلة ما على باليش علاه لازم تكون ما بين الروتينات

[omelbanin]

السلام عليكم، أختي فاطمة الزهراء، يعطيك الصحة، على اقتراحك بالنسبة لصلاة الضحى.
أنا والله غير نااادرا وين نصليها، إن شاءالله نواظب عليها ابتداء من الغد.

[omelbanin]

سبحانك اللهم وبحمدك اشهد ان لا إله إلا أنت استغفرك و اتوب إليك.

[ome sadji]

ابصحتك حبيبتي أم البنين،أنا انحب القهوة ونحب الحليب بصح عيني راهي أعلا فنجالك أو هاذوك حبات القاطو الله الله.

[ome sadji]

أم البنين ألف شكر على اهتمامك،أنا دايما اندير العشاء ونكثر اشوية حق مانتعشاو اويبقالي للغدوة نتغداوه بحكم انو راجلي ميجيش يتغدا وش كاين ناكلو أنا ووليداتي (سياسة تقشف ههههه ).

[omelbanin]

اللهم بك أصبحنا وبك أمسينا وبك نحيا ،وبك نموت واليك النشور.

[جهينة اليقين]

اصبحنا واصبح الملك لله وحده لا شريك له له الملك وله الحمد وهو على كل شيء قدير

[omelbanin]

صباحكم سعيد ،كل عام وانتم بخير.
ام ساجي كي ما يجيش زوجك في غدا تهنيتي.انت والاولاد ساهلين ههههه

[حياتي كلها امل]

اصبحنا واصبح الملك لله كل عام وانتم لله اقرب يااغلى اخوة واحبة اتمنى ان تكون السنة الهجرية الجديدة خيرا علينا وعلى بلدنا و المسلمين جميع وان يحقق ربي لكم كل امنية وكل حلم ويجعل الصحة والسعادة والامل هو عنوان حياتكم

[حياتي كلها امل]

راهي دخلت الاخت كرونو وطمنتنا على الغالية سمراء الي شخصيا تقلقت عليها بزاف وقالت معندهاش لكونكسيا و راح تدخل في اقرب وقت

[حياتي كلها امل]

شكرا لك اخت فاطمة على صلاة الضحى فركعتي الضحى خير من الدنيا ومافيها
تطبيقاتي المساءية غسلت اواني القهوة المساءية مع صلاة العصر واذكار المساء دورة على البيوت خملتهم عملت العشاء ثم بعد المغرب تعشينا غسلت الاواني ولمعت الحوض وخرجت القمامة وجدت سنيوة القهوة تاع الصباح وغطيتها وكنست المطبخ راجعت شوية لابني وفي المساء عندي قجور سىجتهم منطقة ساخنة والحمد لله