الجزء 70 واش طيبتي اليوم سيدتي الفاضلة

[lilouchaf]

شوفي اولادي وجدي العجين تاع المسمن يعني سميد رطب ملح وماء شمخي العجين وديريه في الكيس المبلل راهو يساعدك بزاف
من بعد ادلكي العجين مليح حتى يطرى كل ما تتدلكي شمخي يديك بالماء وريدي حتى تشوفي فيه ولا مطلوق وبلاكي تجريه وابدا يدير فقاعات هنا خليه يريح شوية وابداي تقرصي قرصات صغيرونين وادهني يديك بالزيت كي تكوني تقرصيوديريهم في سنيوة مدهونة بالزيت
خليهم يرتاحو واحد ربع ساعة
ومن بعد حطي الطاجين تع الحديد يسخن مليح
ونقصي للنار
من بعد حلي كل وحدة كي شغل رايحة تديري المسمن لكن ما تغلقيهاش
وارفدي وطيبي
المرقة دوك نواصل

[oum ibrahim]

الحراير الي جربو قلب اللوز باللبن يحطو الصور هنايا فضلا لا امرا من بعد نقولكم علاه

[lyzzabel]

اييييه و السلاطة تاني نسيت ما حطيتهاش خخخخخخ




و الحمد لله على نعمه حمدا كثيرا

الله يسلمك ليلوشتي و البسطيلة ندير أوراق الديول فالمقلة ( طبعا فيها شوييييية زيت ) ساير داير و نزيد وحدة فالوسط و نحط الحشو و نغلق عليه بهاذوك الأوراق تاع الديول و كلما نطوي وحدة نمسحها بشوية زيت من فوق بالبانسو حتى نكملهم قاع و من بعد نزيد نمسح الوجه بالزيت و نطيبها على الجهتين

[R I A D]

ليلو الله يسلمك حبيبتي
اييييه الشخشوخة عجبتيني هبااااااال
و خفيفة و ابو رياض هبل عليها و سلم لي على راسي قالي هذي تاع اول مرة و جات هكا هباال
و الاولاد خفت منهم خاطر اول مرة يذوقوها مالا عجبتهم و خلصو الصحون الله يبارك
يا ختي هي اسهل من تاع الظفر الي ما نجي نشخشخ قيمة عشا نقعد فيه قداه نيوم...

ليزا عزيزتي الجاج جا يهبببل و الصوص تاع البصل و الطماطم طاارت في السمااا
يعطيك الصحة حنونتي

لا اله الا الله , محمد رسول الله

[بريق الامل&]

قولو والله الهام رجعت؟ كوزينتي مربوحة حق ربي هههههههه

[بريق الامل&]

روعة سلاطة رومنسية بقلوب بيضاء ووردية يعطيك الصحة

[lilouchaf]

المرقة انا ندير بصلة مكرفجة وسنينات توم مكرفجين وطماطم حب وملعقة طماطم تع الباط
وندير ملح فلفل اسود راس الحانوت تع المغاربة
وجاج وطرف لحم
تقلي من بعد مرقي وزيدي حمص
وهنا كاين الي يزيدلها الخضر بطاططا قرعة لفت
اوكاين الي ما يزدلهاش
كل واحدة وكيفاش
المهم كي تطيب لاصوص خليلها المرقة تاعها ماتنشفيهاش
الرقاق تاعك راكي كملتي طيبتيه لكن كي تطيبيه ما تحمريهش كما المسمن راهو ينشف برك خليه بيض
فتتيه كبير شوية وفوريه واسقيه بالمرقة وادا حبيتي ادهنيه بشوية زبدة من فوق
دورك نحوسلك لي فوتو ديالي















اولادي وادا ما فهمتيش راني هناي ماكانش مشكل اي سؤال راني هنايا ما تكسريش راسك
بيان سور هادي طريقتنا في الشخشوخة

[ام احمد وصال]

ليزا الله يبارك جاوك روعة الله يبارك حتى انا معولة على الجاج نتاعك للعشا ادا ماجابليش المرقاز سخفت عليه

ام ابراهيم تحوسي ديري شكون هو احسن تطبيق لقلب اللوز صح ولا لالا ادا صج رايحة تحطينا في ورطة لانو كامل حرجلكم روعة والشيكولا تاع النيقرو مشرية ولا هداك الكاس الي خليتيه من الخليط حللي بالتفصيل بلاك نديرو ونديه لدارنا غدوة

[بريق الامل&]

المشاركة الأصلية كتبت بواسطة oum ibrahim

الحراير الي جربو قلب اللوز باللبن يحطو الصور هنايا فضلا لا امرا من بعد نقولكم علاه

[lyzzabel]

بصحتكم حبيبتي ام رياض و الله فرحت يزاااااف كي عجبكم
و بالنسبة للتحمير بالاك ما كثرتيش الزيت فالأول مين درتيه يطيب خاطرش هذاك الزيت لي تقلي فيه هو لي يقعد مين تنشف لاصوص و يتحمر فيه الجاج بصح النار تكون قليلة باش ما ينحرقش ولا يلصق

ام برهوووووم فهميني يعني مام حطينا الصور غير يامس نعاودو نحطوهم اليوم ولا كيفاش

[lilouchaf]

ليزا هكداك انا تاني و واش درتي الحشو والسلاطة راهي منيونة كما انت ربي يحفظك

[سهومةج]

السلام على الجميع
أختي رياحين راهي وصلتني رسالتك ماتخمميش خلاص خلاص الدواء ساااهل ماهل و الله يا بنت عمتي سوفرات و عندما جرباتو الحمد لله نفع معاها كي تكوني هنا قوليلي نشرحلك

[lilouchaf]

صح ام رياض راهي في سويعة تاكليها تع الضفر انا نبات فيها يعني انديرها من قبل بيوم ولا يومين باه نوجدها و ناكلوها

[lyzzabel]

المشاركة الأصلية كتبت بواسطة بريق الامل&

روعة سلاطة رومنسية بقلوب بيضاء ووردية يعطيك الصحة

ههههه الله يسلمك بيني و بينك القلوب درتهم لزوجي ن ع مين رجع مالسفر تاع عجوزتي و تاع حمايا يعني أخو زوجي ما زينتهمش ههههههه

[oum ibrahim]

تفضلو يا الحراير اقل مكافاة لكن على مجهوداتكن و المجال مفتوح للبقة للانضمام
https://www.djelfa.info/vb/showthread...post1056206167