أبي يعاني من حبوب غزت كل جسده

[أثيلة]

السلام عليكم
خاوتي راه بابا دارلو وحد الحبوب في جيمو كامل و غطاتو وراها كل دقيقة تنتشر اكثر من قبل و دارتلو السخانة
راح للسبيطار صباح و دارولو سيروم برك و خرجوه تعيشو لي فاتت عليه هذه الحالة او يعرف علاج يقولهولي
اليوم طبيب الجلد مايخدمش اعطوني ولو حل يحبس من معانات ومن الحكاك و الحريق لي راه يحس بيه


هذه صورة للحبوب

[أثيلة]

خاوتي عاونوني ولو بدعاء

[بشـرى]

ربي يشفيه ان شاء الله
يا اختي باباك لازم يشوف طبيب مختص باه يعاينو سريريا ، الحبوب هذي عندها اسباب بزاف .
سؤال برك ، الوالد تاعك ميشربش في كاش دوا ، او عندو حساسية من حاجة معينة ، ولا كلا حاجة جديدة ماش موالف ياكلها؟

[soriaalg]

السلام عليكم ورحمة الله تعالى وبركاته
اسأل الله العظيم رب العرش العظيم ان يشفيه ويعافيه ويلبسه ثوب الصحة والعافية امين امين يارب والله كي شفت الصورة تفكرت معاناة اختي قبل اسبوعين تقريبا من لي شفيت من وحد الحب ايضا لا ادري الصورة مش تبان مليح لكن يبان لي مش نفسو اختي اصابها مرض بوشوكة او ما يسمى بالجذري هو مرض خطير ومعدي لكن عادة يصيب الصغار وقالنا الطبيب انو ممكن يصيب الكبار لازم يجي مرة في العمر وممكن حتى يولي كبير ممكن يجيه اذا ما جاهش في الصغر والله اعلم
عموما اختي ما دارلها والو الطبيب قالها كبري بالك وخلاص لازم يدي وقتو وهو يبدا تحت الجسم بالفشلة والتعب والسخانة ثم ينتشر فوق الجسم عطاها مخفضات حرارة وفيتامينات لانو يفشل ويفقد الشهية وكيما قلتي السخانة لا ادري كتبت قصة اختي للفايدة ربما تكون نفسها وربما لا مع العلم الحب لي جا لاختي كبير شوية وعندو راس تحسيه فيه الماء وكي تطفا الحبة تخلي اثر وينتشر في كامل الجسم حتى الشعر واللسان
الحمد لله اختي شفيت الحمد لله يارب واتمنى لوالدك وكل المرضى الشفاء التاموان شاء الله يكون مرض خفيف برك طهور ان شاء الله

[أثيلة]

المشاركة الأصلية كتبت بواسطة maya bouchra

ربي يشفيه ان شاء الله
يا اختي باباك لازم يشوف طبيب مختص باه يعاينو سريريا ، الحبوب هذي عندها اسباب بزاف .
سؤال برك ، الوالد تاعك ميشربش في كاش دوا ، او عندو حساسية من حاجة معينة ، ولا كلا حاجة جديدة ماش موالف ياكلها؟

والله اختي سالتو بزاف و مالقاش جواب قالي نتذكر اني شربت ماء فالمسجد وفقط ماكليت والو و المعلبات مايسربيهمش حتى الياوورت نخدمو فالدار


لالا ماعندوش حساسية


ابه غذا صباحا يروح للطبيب اليوم ماخدمش هذا طبيب عليها

[أثيلة]

المشاركة الأصلية كتبت بواسطة soriaalg

السلام عليكم ورحمة الله تعالى وبركاته
اسأل الله العظيم رب العرش العظيم ان يشفيه ويعافيه ويلبسه ثوب الصحة والعافية امين امين يارب والله كي شفت الصورة تفكرت معاناة اختي قبل اسبوعين تقريبا من لي شفيت من وحد الحب ايضا لا ادري الصورة مش تبان مليح لكن يبان لي مش نفسو اختي اصابها مرض بوشوكة او ما يسمى بالجذري هو مرض خطير ومعدي لكن عادة يصيب الصغار وقالنا الطبيب انو ممكن يصيب الكبار لازم يجي مرة في العمر وممكن حتى يولي كبير ممكن يجيه اذا ما جاهش في الصغر والله اعلم
عموما اختي ما دارلها والو الطبيب قالها كبري بالك وخلاص لازم يدي وقتو وهو يبدا تحت الجسم بالفشلة والتعب والسخانة ثم ينتشر فوق الجسم عطاها مخفضات حرارة وفيتامينات لانو يفشل ويفقد الشهية وكيما قلتي السخانة لا ادري كتبت قصة اختي للفايدة ربما تكون نفسها وربما لا مع العلم الحب لي جا لاختي كبير شوية وعندو راس تحسيه فيه الماء وكي تطفا الحبة تخلي اثر وينتشر في كامل الجسم حتى الشعر واللسان
الحمد لله اختي شفيت الحمد لله يارب واتمنى لوالدك وكل المرضى الشفاء التاموان شاء الله يكون مرض خفيف برك طهور ان شاء الله

امين يارب شكرا اختي


اظن انو مش هو تاع بابا ماعندوش رؤوس كيما تحكي اختي

شكرا للمرور

[بشـرى]

ربي يشفيه ان شاء الله ، وان شاء الله غير الخير
غدوة كي يروح للطبيب المختص طمنينا عليه

[أثيلة]

ان شاء الله شكرا اختي ربي يحققلك امنياتك

[david2011]

ربي يشافيه ...

[أثيلة]

آميييين يارب العالمين