باك 2013 حر من فضلكم

muslim girl rea bin · 2013-07-17, 10:45

السلام عليكم لاصحاب الخبرة كيفاش نسحب بكالرويا تاعي مع العلم اني تحصلت على بكالوريا 2012 درست بيها عام mi و نجحت العام و اعدت بكالوريا جبت معدل 15.44 سجلت بيه طب ان شاء الله يعطيوهالي
راني خايفة مايسمحوليش نقرا بيها كيفاش نسحب بكالوريا 2012
لازم نروح لعميد الكلية لانو عميد الطلية تاعنا شرير انا كي خترت اعلام الي ماعجبوش الحال لانو يدرس رياضيات خفت اذا قتلو نسحب باك يديرلي مشاكل من فضلكم اعينوني و حنا صحاب باك حر كي جينا نعقبو باك دارها بالعاني طاح باك مع كنترول و دخلت راتراباج و الحمدلله خرجت العام وقالناالي يعاود الباك راهو كاين قانون يمنع يقراو بالجديد حتى مرور 5 سنوات قبل مانعقبوا باش مانروحوش نعقبو الباك و صح كاين لي ماراحش .
لذا من فضلكم لي يعرف واحد يخدم في الجامعة يقولنا يقدرو يكشفونا ولا لالا
صحا فطوركم

mohamed brb · 2013-07-17, 11:37

nn tsejl bih normal makan hatta probleme

ki troh tsejel homa ygololek lazem te9ra bbac wahed donc tesmah f wahed menhom

mifi · 2013-07-17, 11:43

تقدري تسجلي بيه عااااااادي
صحبتي تقرى مدرسة عليا و mi
وعدي صحبتي اخرى تقرى طب و بيولوجي تاني بيزجي في باب الزوار علما ان قوانينه صارمة
شوفي اختي كاين جامعات تطلب تعهد او تصريح لعدم التحاق بجامعة اخرى لكن لا اضن ان التخصصات العلمية تطلبه والله اعلم
ان شاءالله ربي يسرلك

muslim girl rea bin · 2013-07-20, 13:39

شكرا جميعا ان شاء الله نقدر نسجل نورمال

لميس العلمية · 2013-07-20, 14:03

انا عندي باك 2012 ب 14,89 و عاوادتو هاد لعام جبت 15,66 سجلت طب انشاء الله على حساب واش سقسيت ماكانش مشكل كي تدخلي تسجلي يمدلك ورقة تعهد اذا كان عندك كتر من باك تسنيي عليها باه تتخلاي على واحد هاذا ماكان

khaled4 · 2013-07-20, 16:30

ولا سجلي المنحة والضمان في جامعة وحده برك ..................