همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[أم الولدين]

اهلاااا بكلثوم المستغانمية ان شاء الله راح تكون احسن ومن الاوائل ومستوى رائع
خليييك معنا وراح تستفيدي من نصائح اعضاء و معلمي هدا التجمع بادن الله

[عبد الناصر أمازيغ]

المشاركة الأصلية كتبت بواسطة بريق الدجى

السلام عليكم و رحمة الله و بركاته
اولا اشكر كل الاخوة المشرفين على الموضوع الهادف و المفيد جدا للأولياء و التلاميذ
انا أم عبد الرؤوف سنة ثالثة ابتدائي و هو ابني البكر و الصراحة محتاجة لنصائح و توجيهات خاصة بهذه السنة لأني قاعدة نكتشف في البرنامج الدراسي مثلي مثله
اريد اضافة اسمه الى القائمة من فضلكم و ان تاخذوه بعين الاعتبار و بارك الله فيكم و جزاكم الله خيرا

و عليكم السلام و رحمة الله و بركاته

أنصحك أختي أن تراجعي مع ابنك أهم الدروس التي تلقاها في السنة الثانية خصوصا في الرياضيات و اللغة ، و هذا في هذه الأيام الأخيرة من العطلة ، حتى يسترجع الآليات قبل عودته للقسم .
أما برنامج السنة الثالثة ستكتشفينه رويدا رويدا مع مرور الأيام ، حاولي أن تساعدي ابنك و تسيري معه درسا بدرس و نحن هنا لتوضيح كل ما استعصى عليك .

[بريق الدجى]

إخواني أم الولدين و عبد الناصر أشكركما على الرد و سآخذ بنصاحكم
انا متابعة هذا التجمع الطيب و ان شاء الله يستفيد الجميع
بارك الله فيكم و سدد خطاكم

[~ حراير ~]

السلام عليكم و رحمة الله تعالى و بركاته

من العيد و انا حابة ندخل هنا
دخلت عدة مرات و لما ما يفوتليش الرد نزعف و نخرج

ردت اريج على قصة عطوفة و ما فاتش الرد
رديت و استحمدت الله على شفاء عبد المجيب و لم يفت الرد
رديت على الشيخ عبد الناصر لما قالي على المغارة في سوق الاثنين و حبيت نصلحلو انها في اوقاس و الا يدلني اين نجدها و لم يفت

..............
المهم اليوم راني ناوية اني نفوتو ذراع باذن الله طبعا
..................

اولا نقول اشتقنا بزاف بزاف لتدخلات حبيبة الجماهير "عطوفة" و الاخ الفاضل و المحترم اغيلاس و ابا ياسين
و طبعا سيرين العزيزة ... البقية راكم تدخلو ساع على ساع و طمنا عليكم"
و حابة نشكر الشيخ عبد الناصر فعلا هو دعامة الصفحة عمرو و لا يخليها تنام
ماشاء الله عليك يا الشيخ الله يعطيك صحتك و عينيك و ربي يبارك فيك اللهم امين

.....................

اكيد راح نرفع يدي في زوج
لكن يا الشيخ راك قلت تلاميذ الخامسة
و احنا وين نروحو رانا لاصقين لاصقين

طبعا سلسبيل الثالثة
و افنان الرابعة
كنت راح نحطلك صورة افنان في العيد لكني مالقيتهاش في الملفات هنا
لكن نحكيلك حكايتها
جابتلي اريج التيليفون و وراتلي وجه افنان و كانت رائعة الجمال و مبتسمة و هادئة "على غير العادة"
عجبتني بنتي بزاف و شكرتها ........... و من بعد تفكرت
قلتلها سبحان الله كيفاش قدرتو تصوروها كيما هك و تحكموها هك هادي لقطة نادرة.......
قاتلي اريج راني مدايرة الزوم استني نوريلك الصورة الحقيقية
اريج و سلسبيل حاكمينها من يدها باش تقدر تهدا و يصوروها
راني حايرة كيفاش نقريها هاد العام ربي يكون في عوني انا نحب الهدوء و متسلطة و ديكتاتورة بزاف و والفت باريج مطيعة و كي نعيط او نعاقبها تتقبل مسكينة
و افنان النقيض تماما تاعها

.................
فرغت قلبي
..........

الشيخ عبد الناصر راني قريتهم هاد الدروس في الرياضيات :
قراءة الأعداد ذات اربعة و خمسة أرقام و كتابتها بالحروف و الأرقام .
ــ معرفة قيمة رقم في كتابة عدد .
ــ التحكم في آليات الجمع و الطرح و الضرب .
ــ مقارنة عددين ، ترتيب أعداد ، حصر عدد ين عددين و إدراج عدد بين عددين .
ــ مضاعفات عدد : كتابة قائمة مضاعفات عدد معين ، كتابة عدد في شكل جداء .
في زوج مع بعضاهم "طبعا مش بتعمق غير من فوق لفوق" و راهم يراجعو في جدول الضرب
حفظو كل السور الي تخص الاسلامية
و في اللغة راجعتلهم انواع الكلمة و عناصر الجملة
و افنان راجعتلها الفعل الماض و المضارع

.............
انا نقول نكمل غير في هاد الدروس تمرينات باش يرسخولهم في راسهم ؟او نزيد اكثر من هك ما رأيك؟؟؟؟
يدرسو الصباح ساعة و القيلولة ساعة و المساء ساعة
الي ماعرفتش وش نقريهم هو اللغة
....
حق نسيت قريتهم مع بعض افنان و سلسبيل و لقيت تجاوب كبير و الحمدلله

[~ حراير ~]

ايام العيد دخلت و كتبت مشاركة طويلة و عريضة شكرت و حمدت فيها ربي انه العيد جاني بعدة فرحات
طبعا فرحة العيد و فرحة التواجد وسط اهلي
و الاكثر منه انه والدي ربي يحفظو سماني "العمارية" لانه عمرتلو الدار" قصدي دعاوي الخير شبعت بيها انا وبناتي
و الاكثر الاكثر .... انه والد اريج و الحمدلله تنقل في عمله لبسكرة و انا هاد اكبر شيئ كنت نطلبو من ربي الحنين الكريم و هو الاستقرار و اني نلقى دعم و من يتحمل معايا مسؤوليات الدراسة خصوصا

نطلب من ربي انه يدوم عليا هاد النعمة و يحفظها من الزوال اللهم امين

[عبد الناصر أمازيغ]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته

و عليكم السلام و رحمة الله و بركاته

الحمد لله على ظهورك سالمة ، و أنا اللي قلت واش بيها الأخت أم أريج عندها مدة ما بانتش ، ما تخافيش ماراكش وحدك في الهم مع المنتدى ، راه شيبنا تاع الصح .
أنا دايما لما نفتح المنتدى الميكرو يسجل دخولي آليا و اسمي يبان في الأعلى ، لكن لما نكتب مشاركة نحاول نعتمدها يطلب لي تسجيل الدخول ، و لما نسجل الدخول يروح الرد تاعي و ما يبانش خلاص حتى نعيا نرجع للوراء و ما نعرف .
لازم على التقنيين المعنيين يشوفونا الحل.

من العيد و انا حابة ندخل هنا
دخلت عدة مرات و لما ما يفوتليش الرد نزعف و نخرج
ردت اريج على قصة عطوفة و ما فاتش الرد
رديت و استحمدت الله على شفاء عبد المجيب و لم يفت الرد

المهم اليوم راكي فرغت قلبك .

رديت على الشيخ عبد الناصر لما قالي على المغارة في سوق الاثنين و حبيت نصلحلو انها في اوقاس و الا يدلني اين نجدها و لم يفت

و الله عندي بزاف ما روحتش لتلك المنطقة ، و أنا أصلا البحر خاطيني ، أحيانا نروح لبجاية لكن للمدينة ، المهم أوقاس أو سوق الاثنين متقاربين .

..............
المهم اليوم راني ناوية اني نفوتو ذراع باذن الله طبعا
..................
اولا نقول اشتقنا بزاف بزاف لتدخلات حبيبة الجماهير "عطوفة" و الاخ الفاضل و المحترم اغيلاس و ابا ياسين
و طبعا سيرين العزيزة ... البقية راكم تدخلو ساع على ساع و طمنا عليكم"
و حابة نشكر الشيخ عبد الناصر فعلا هو دعامة الصفحة عمرو و لا يخليها تنام
ماشاء الله عليك يا الشيخ الله يعطيك صحتك و عينيك و ربي يبارك فيك اللهم امين
.....................
اكيد راح نرفع يدي في زوج
لكن يا الشيخ راك قلت تلاميذ الخامسة
و احنا وين نروحو رانا لاصقين لاصقين

ما تخافيش ، ما رانيش نحاوز فيكم ، كل أطفال همزة الوصل أعتبرهم مثل أولادي ، قلت أطفال الخامسة لأنها سنة خاصة ، حبيت ننظمو شوية الأمور في تقديم الدروس و طرح التمارين و الاختبارات و في تقويمها ، يعني ما كانش اللي يحب يشارك و اللي ما يحبش ما يشاركش ، لما نحطو تمارين يجب عليهم أن يشاركوا جميعا ، و اللي يتفنين رايح نجبدو من وذنيه
أما المستويات الأخرى رايح نكمو كالعادة اللي عندو استفسار يطرحو و سنقوم بالرد المناسب ، أتمنى فقط أن أحضى بمساندة مطلقة من الزميلة عطوفة و بقية الأساتذة الذين شاركو سابقا . ( نسيت الأسماء فالمعذرة )

طبعا سلسبيل الثالثة
و افنان الرابعة
كنت راح نحطلك صورة افنان في العيد لكني مالقيتهاش في الملفات هنا
لكن نحكيلك حكايتها
جابتلي اريج التيليفون و وراتلي وجه افنان و كانت رائعة الجمال و مبتسمة و هادئة "على غير العادة"
عجبتني بنتي بزاف و شكرتها ........... و من بعد تفكرت
قلتلها سبحان الله كيفاش قدرتو تصوروها كيما هك و تحكموها هك هادي لقطة نادرة.......
قاتلي اريج راني مدايرة الزوم استني نوريلك الصورة الحقيقية
اريج و سلسبيل حاكمينها من يدها باش تقدر تهدا و يصوروها
راني حايرة كيفاش نقريها هاد العام ربي يكون في عوني انا نحب الهدوء و متسلطة و ديكتاتورة بزاف و والفت باريج مطيعة و كي نعيط او نعاقبها تتقبل مسكينة
و افنان النقيض تماما تاعها

أنا نقولك علاش راهي واعرة و كثيرة الحركة ، خاطر لما سميتوها اعطيتولها اسم جمع " أفنان" ، خلوها "فنن" و تشوفو كيفاش تهدا و تتعقل
أظن في هذه السنة ستلجأ إليك بمحض إرادتها ، لأن السنة الرابعة صعيبة و راح تلقى مشاكل كثيرة في الدروس و التمارين ، المهم شوية سياسة و شوية حزم ، و راكي مجربة التربية .

.................
فرغت قلبي
..........

الشيخ عبد الناصر راني قريتهم هاد الدروس في الرياضيات :
قراءة الأعداد ذات اربعة و خمسة أرقام و كتابتها بالحروف و الأرقام .
ــ معرفة قيمة رقم في كتابة عدد .
ــ التحكم في آليات الجمع و الطرح و الضرب .
ــ مقارنة عددين ، ترتيب أعداد ، حصر عدد ين عددين و إدراج عدد بين عددين .
ــ مضاعفات عدد : كتابة قائمة مضاعفات عدد معين ، كتابة عدد في شكل جداء .
في زوج مع بعضاهم "طبعا مش بتعمق غير من فوق لفوق" و راهم يراجعو في جدول الضرب
حفظو كل السور الي تخص الاسلامية
و في اللغة راجعتلهم انواع الكلمة و عناصر الجملة
و افنان راجعتلها الفعل الماض و المضارع
.............
انا نقول نكمل غير في هاد الدروس تمرينات باش يرسخولهم في راسهم ؟او نزيد اكثر من هك ما رأيك؟؟؟؟
يدرسو الصباح ساعة و القيلولة ساعة و المساء ساعة
الي ماعرفتش وش نقريهم هو اللغة
....
حق نسيت قريتهم مع بعض افنان و سلسبيل و لقيت تجاوب كبير و الحمدلله

المراجعة لازم تكون خفيفة ، من أجل استرجاع الآليات les automatismes ، هكذا لما يرجعو للمدرسة ما تجيهمش الانطلاقة صعيبة . على كل حال ، حتى لو لم يراجع الطفل في البيت فخلال الشهر الأول يستعيد المهارات التي سيحتاجها خلال السنة الجارية .

[~~ أغيلاس ~~]

السلام عليكم و رحمة الله و بركاته؛

أخي عبد الناصر ، أختي عطوفة، أبا ياسين و الجميع، إن شاء الله الجميع في أحسن حال،

إنني أدخل الموضوع باستمرار لكن لا جديد يذكر، غبت الأيام الماضية لكن لما رجعت لم أجد النشاط إلا من الاستاذ عبد الناصر،

ألف مبارك تحويل مقر عمل أبي أريج، الاستقرار و الراحة النفسية يلعبان دورا كبيرا في تحصيل الأبناء العلمي،

بالحديث عن أفنان و سلسبيل و كثرة الاطفال عموما أتذكر ما نعايشه حاليا من فوضى أبناء الإخوة الذين يقضون العطلة عندنا، نتوحشوهم لكن لما يطولوا نوليو نقولو : يا لطيف ،

أخي عبد الناصر؛ إحدى بنات الإخوة مقبلة على سنة أولى ابتدائي، قريتها كيفية رسم الألف، بدأت بالخط، و لما تحسنت بدأت بالهمزة فوقه، تحسنت في كتابته قليلا و إن شاء الله سأنتقل معها إلى حرف الباء،،،،،،،،،،،،،

سؤالي حول حرفي السين و الصاد ( س، ص )، ينزلان تحت السطر بفسحة واحدة، أليس كذلك ؟

أيضا الطاء و الظاء ( ط، ظ ) الإشالة تكون في نهاية نصف القرص مثل سَنّة الصاد أو فوقه من الوسط ؟

[صابر 2008]

السلام عليكم و رحمة الله تعالى و بركاته

كيف حالكم جميعاً

العام الماضي درست السنة الأولى وطبعا كانت أول سنة لي في التعليم، وبما أني كنت عملت تحويل إداري في بداية السنة الماضية فإضطررت للمشاركة في الحركة و أعطوني التعيين في مدرسة أخرى
المهم ربما هذا الموسم الدراسي ندرس إما سنة رابعة أو أولى _ إن شاء الله تعالى
خلال الدخول الإداري يوم الثلاثاء راح نعرف _ بإذن الله

سأحاول المشاركة معكم هنا مهما كانت السنة المسندة إلي أتعلم معكم ونتساعد مع الأولياء وبنصائح وتوجيهات الأساتذة الكرام
الذين نتعلم منهم دائما وبإستمرار جزاهم الله كل الخير، وعلى رأسهم الأستاذ عبد الناصر و الأستاذة عطوفة

[عبد الناصر أمازيغ]

المشاركة الأصلية كتبت بواسطة ~~ أغيلاس ~~

السلام عليكم و رحمة الله و بركاته؛
أخي عبد الناصر ، أختي عطوفة، أبا ياسين و الجميع، إن شاء الله الجميع في أحسن حال،
إنني أدخل الموضوع باستمرار لكن لا جديد يذكر، غبت الأيام الماضية لكن لما رجعت لم أجد النشاط إلا من الاستاذ عبد الناصر،
ألف مبارك تحويل مقر عمل أبي أريج، الاستقرار و الراحة النفسية يلعبان دورا كبيرا في تحصيل الأبناء العلمي،
بالحديث عن أفنان و سلسبيل و كثرة الاطفال عموما أتذكر ما نعايشه حاليا من فوضى أبناء الإخوة الذين يقضون العطلة عندنا، نتوحشوهم لكن لما يطولوا نوليو نقولو : يا لطيف ،
أخي عبد الناصر؛ إحدى بنات الإخوة مقبلة على سنة أولى ابتدائي، قريتها كيفية رسم الألف، بدأت بالخط، و لما تحسنت بدأت بالهمزة فوقه، تحسنت في كتابته قليلا و إن شاء الله سأنتقل معها إلى حرف الباء،،،،،،،،،،،،،
سؤالي حول حرفي السين و الصاد ( س، ص )، ينزلان تحت السطر بفسحة واحدة، أليس كذلك ؟
أيضا الطاء و الظاء ( ط، ظ ) الإشالة تكون في نهاية نصف القرص مثل سَنّة الصاد أو فوقه من الوسط ؟

و عليكم السلام و رحمة الله و بركاته

الله يسلم عليك أخي
نعم السين و الصاد ينزلان مسافة واحدة تحت السطر .
لمعرفة وضعية إشالة الطاء و الظاء ، أنصحك أن تفتح صفحة word تختار نوع الخط Times new roman بحجم الخط 72 ، ثم تكتب أحدهما ، و ستلاحظ الوضعية جيدا .
مكانها ليس مثل سنة الصاد ، هذه الأخيرة تكون على السطر ، أما الإشالة تسحب للوراء قليلا اتجاه نصف القرص لكن لا تصل لوسطه حتى لا تبدو مثل شخص مستلق و ماسكا عمودا بشكل شاقولي على بطنه .
عندي نظام التشغيل windows 7 ، و برنامج الرسام لست متحكما فيه في هذا النظام ، لذا لم أدرج الشرح باستعمال الرسم فالمعذرة .

[عبد الناصر أمازيغ]

المشاركة الأصلية كتبت بواسطة صابر 2008

السلام عليكم و رحمة الله تعالى و بركاته
كيف حالكم جميعاً
العام الماضي درست السنة الأولى وطبعا كانت أول سنة لي في التعليم، وبما أني كنت عملت تحويل إداري في بداية السنة الماضية فإضطررت للمشاركة في الحركة و أعطوني التعيين في مدرسة أخرى
المهم ربما هذا الموسم الدراسي ندرس إما سنة رابعة أو أولى _ إن شاء الله تعالى
خلال الدخول الإداري يوم الثلاثاء راح نعرف _ بإذن الله
سأحاول المشاركة معكم هنا مهما كانت السنة المسندة إلي أتعلم معكم ونتساعد مع الأولياء وبنصائح وتوجيهات الأساتذة الكرام
الذين نتعلم منهم دائما وبإستمرار جزاهم الله كل الخير، وعلى رأسهم الأستاذ عبد الناصر و الأستاذة عطوفة

و عليكم السلام و رحمة الله و بركاته

أهلا بك معنا أخي أو "بني" صابر ، اسمح لي على هذه المناداة ، نزعت الكلفة بيننا .
أكيد ستكون مشاركاتك مفيدة للأولياء و التلاميذ و لك ، حتى يطور المعلم إمكاناته يجب أن يحتك بغيره و يبدي آراءه .
لعملك ، في هذه السنة أسندت لي السنة الخامسة و القسم الثاني أسند لمعلمة كانت من تلميذاتي و ستنافسني على تحقيق أعلى نسبة نجاح .

[/زهرة عصفور الجنة/]

السلام عليكم جميعا
اساتذة اولياء ووليات ان شاء الله الكل بخير
مرت العطلة بسرعة البرق صراحة لم ارتح فيها
رمضان
وبعده العيد
المهم ان شاء الله تكون سنة دراسية موفقة للجميع
بكل اسف ما خططته للعطلة لم احقق منه شيئا
عدا حظ اولادي لبعض السور القرآنية
لانهم اضطروا للتغيب لذهابنا الى بيت العائلة الكبير
لكن سنخصص ما تبقى ان شاء الله لانحاز اعمال عكلة منى التي ببيت عالقة لحد اليوم
انا فيما بخص ابني الذي سينتقل الى الثالثة فبدأنا نراجع جدول الضرب
ولم يتعلم سيئا في الفرنسية
اظنها يتكون سنة متعبة
ربي يوفقنا ويوفق الجميع لما فيه خير وصلاح

[~ حراير ~]

المشاركة الأصلية كتبت بواسطة عبد الناصر أمازيغ

المراجعة لازم تكون خفيفة ، من أجل استرجاع الآليات les automatismes ، هكذا لما يرجعو للمدرسة ما تجيهمش الانطلاقة صعيبة . على كل حال ، حتى لو لم يراجع الطفل في البيت فخلال الشهر الأول يستعيد المهارات التي سيحتاجها خلال السنة الجارية .

السلام عليكم و رحمة الله تعالى و بركاته

شكرا جزيلا الشيخ على الرد المشجع

فعلا هاد وش راني ندير
راني نوجد فيهم للدخول المدرسي
خبيت كل اللعب في علبهم و "بالسكوتش"
و الالعاب اليدوية ثان خبيتهم
بقالهم الميكرو برك
راني نوجه فيهم باش يتسلو بحوايج مفيدة

الصباح نوضهم بكري
اريج ماعنديش مشكلة معاها لكن افنان و سلسبيل ............. مالقيتش الكلمة لكن كيما نقولو "شكارة تاع رقاد"
خصوصا اني ماقدرتش نتحكملهم في وقت نومهم راهم يفوتو الـ 11 تاع الليل

المراجعة الحمدلله لقيت تجاوب بيناتهم راني مدايرتهم و كانه منافسة و لعب اكثر
المهم اني طمنت انهم مانساوش

لاني بكل صراحة كنت خايفة عليهم لانهم عاشو العطلة بالطول و بالعرض
و الحمدلله

.................

خويا اغيلاس الله يبارك فيك و شكرا ليك الي فرحتلنا

خبرني على خولة وش راهي توجد ؟؟ اريج من رمضان مازادت قرات والو
راهي تقرا في الكوزينة


و يادرى راح ترجع تبدا من دارا و جديد راح ترجع درس السنة الاولى؟؟ او انه مؤقتا كي عادو ظياف عندكم؟؟؟

[~ حراير ~]

المشاركة الأصلية كتبت بواسطة صابر 2008

السلام عليكم و رحمة الله تعالى و بركاته

كيف حالكم جميعاً

العام الماضي درست السنة الأولى وطبعا كانت أول سنة لي في التعليم، وبما أني كنت عملت تحويل إداري في بداية السنة الماضية فإضطررت للمشاركة في الحركة و أعطوني التعيين في مدرسة أخرى
المهم ربما هذا الموسم الدراسي ندرس إما سنة رابعة أو أولى _ إن شاء الله تعالى
خلال الدخول الإداري يوم الثلاثاء راح نعرف _ بإذن الله

سأحاول المشاركة معكم هنا مهما كانت السنة المسندة إلي أتعلم معكم ونتساعد مع الأولياء وبنصائح وتوجيهات الأساتذة الكرام
الذين نتعلم منهم دائما وبإستمرار جزاهم الله كل الخير، وعلى رأسهم الأستاذ عبد الناصر و الأستاذة عطوفة

بارك الله فيك استاذ صابر
في ميزان حسناتك

و ان شاء الله تلقى اقامة طيبة بيننا نحن اولياء التلاميذ و زملائك المعلمين
انا عن نفسي لا استغني ابدا على همزة وصل
و لا استغني عن المشورة هنا

و في الحقيقة انه في المنتدى ككل
ناس معطائين و خدومين بزاف الله يثبت اجرهم و يبارك فيهم و في علمهم و في صحتهم اللهم امين

[أبو ياسين29]

السلام عليكم و تحية طيبة لجميع أعضاء همزة وصل و على رأسهم الأستاذ الفاضل عبد الناصر والأساتذة الكرام عطوفة و إنشراح، فأخي الفاضل آغيلاس و جميع أولياء همزة وصل بدون إستثناء
و أتمنى أنكم أمضيتم عطلة سعيدة، و إرتاح الجميع من عناء التدريس ومتابعة الأولاد

اليوم صباحا زرت مدينة وهران و إشتريت بعض الأدوات لياسين و فرح بها كثيرا لدرجة أنه طلب مني أن نعود للتدريس مجددا و بنشاط
و كما أنه عاد مؤخرا للرسم و التلوين و هذه بادرة خير إن شاء الله، و سننطلق الأسبوع القادم في مراجعة ما تعلمه عن طريق بعض الأسئلة و التمارين لنرى هل تغلبت فترة العطلة على أساسيات ما تعلمه في العام الدراسي ـ فقط كتجربة أولى ـ
كما أنتظر عودة الأساتذة إلى المدارس لمعرفة من ستكون معلمة إبني، أرى هذا الأمر جد مهم

وأخيرا عودة ميمونة للأخت أم أريج و الأستاذ الفاضل صابر الذي أتمنى له إقامة طيبة بيننا إن شاء الله

[~~ أغيلاس ~~]

السلام عليكم و رحمة الله و بركاته؛

أخي عبد الناصر؛ بارك الله فيك، أعتقد أنه الآن اتضح لي كيفية رسم ـ كتابة ـ كل الحروف إن وجدت إشكالا فسأطرحه لاحقا إن شاء الله،

أخي الأستاذ ناصر؛ إن شاء الله تفيد و تستفيد في هذا الموضوع المبارك،

أخي أبا ياسين؛ هل أرسلت لك الأخت كهينة ملفات السنة الأولى عبر البريد الإلكتروني ؟ إن كانت فعلت فسأرسل لك بريدي الإلكتروني أيضا لترسلها لي، و هنيئا لكم الأدوات و رائحتها الجميلة،

أم منى و ياسين؛ أرسلت لك رسالة قبل أكثر من أسبوع، أعتقد أنها وصلتك ؟

أم أريج؛ خولة من قبل العيد إلى الآن لم تحمل ورقة و لا كراسة، برنامج الأولى متوسط في المواد الاساسية مراجعة للخامسة مع بعض الإظافات و التوسعات، أما مواد الحفظ و العلوم الطبيعية و الفيزياء فمواد تتطلب المراجعة و الحفظ اليوميين، أعتقد مع الدخول المدرسي يبدا الجد، خلي يرتاحو هاذ الليام، التعب تع الشهادة النفسي بزاف عليهم، كلما أتذكره أتعب نفسيا إلى الآن !!!!!!!

أما تلميذة السنة الأولى فهي اللي تطلب مني نقريها، إن شاء الله سوف يرجعون لدارهم بعد اسبوع،،، راهم هرجونا !!!

لا ادري أبدأت تلميذات الاولى متوسط اقتناء المحافظ و المآزر أم لا ؟ ( هدى و أسماء، اريج، زينة و البقية )،

تناقشت مع خولة حول الحقيبة ـ المحفظة ـ و كانت تريد اقتناء حقيبة تشبه الساك، أي التي تضعها على كتف واحدة لكنني ذكرت لها معايبها حيث أنها في مرحلة النمو و قد تسهم في اعوجاج أحد كتفيها كما حصل لي في المتوسط،،، و عليه اقتنعت باقتناء حقيبة ظهر ـ ساك آ دو ـ و طلبت مني أن ابحث لها عن واحدة جيدة ـ تريدها بلون بنفسجي ! ـ،،، إن شاء الله أجد المناسب الأسبوع القادم .