موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 231

حمومان عزالدين · 2012-11-25, 13:33

يد بيد
..........
يا خويا واش نقولك والله اليوم 7 ايام او اكثر وكل يوم انا نروح بصح اليوم رحت علي 3.00 تاع الصبح قعدت قدام الباب من 4 الي 9 صباحا والله عذاب كبير

bilal-31 · 2012-11-25, 13:36

لمن زار هذا المكان .........هل من جديد ؟؟؟

https://im20.gulfup.com/rkMl1.jpg

حمومان عزالدين · 2012-11-25, 13:41

الملف رقم 20 الذي اذفعه
.......................................
* 3 ملفات تاع الجيش الوطني الشعبي
* 3 ملفات تاع الدرك الوطني
* 2 ملفات تاع الحماية المدنية
* 2 تاع الجمارك
* 2 تاع وزارة التربية الاكادمية
* 2 الشبه العسكري
* 2 ادارة السجون
* 1 حراس الغابات في جيجل
2. التوضيف العمومي اجون سكريتي
..........
ومزال و اقفين الله غالب المعريفة مكاش برغم اني جوزت العسكر في تمراست في الحدود مع مالي

issamfbm · 2012-11-25, 15:22

خاوتي ناس تبسة و خنشلة و ام البواقي لي يدفعوا ملفات مسابقة ظباط الفرق لا حظتوا بلي الناس لي حاطينهم يستقبلوا
الملفات يحاولوا يخلقوا مشاكل غير موجودة باش يرفضوا الملفات و يقبلوا غير عدد قليل والناس لي يقبلوا ملفاتهم من معارفهم و لي وصاو عليهم و زيادة على هذا ضمنوا 300 دج لي فارسيناهالهم كي لي الملف تاعوا مقبول كي
لي الملف تاعوا غير مقبول
نحكيلكم حاجة صرات و انا عندهم واحد صاحبي هاذي رابع مرة و هوما يرجعوا فيه مرة الشهادة الطبية تاع العيون ناقصة ملاحظة من الطبيب و مرة شهادة الميلاد و الاقامة و مرة كشف النقاط المهم سبة وفرات
كيما انا رحت لمديرية الجمارك تاع تبسة الاربعاء لي فات و الملف كامل ورجعلي الدوسي على جال الشهادة الطبية تاع
اليون قالك ناقصة ملاحظة الطبيب ' دون نظارات و دون عدسات طبية ' مكتوبة باللغة الفرنسية
انا قلت ما عليش هاذي خدمتهم و رجعت لام البواقي عند الطبيب زادلي الملاحظة انا وجماعة اخرين و اليوم رحت الصباح بكري للمديرية باش ندفع الملف بعدما عدلت الشهادة الطبية دخلت جات دالتي لقيت لي يحكموا الدواسا تاع المرة لي فاتت
باين عليهم اعوان حكموا عليا الملف عاودوا شافوه مليح و شفاو عليا و لقاو الشهادة عدلتها و مشات نورمال عمرولي بطاقة المعلومات تاعي عادي و كي سقدوا قالولي روح استنى حتى نعيطولك تدي البطاقة و تفوت البسيكوتيكنيك انا قلت راهي فرات ما راحش تعبي باطل لكن لم تدم الفرحة كي عيطوا على اسمي رحت تخيلوا واش قالي واحد اخر باين اكبر منهم فالرتبة ..قالي فالاول كلمة lunette ما هيش باينة قتلوا راك علابالك بالكتيبة تاع الطبا ما هيش باينة زاد سكت و اش قالي مرة اخرى روح ارجع للطبيب لا زم يكتبلك sans correction, المهم يا خاوتي يحاولوا يخلقوا صعوبات باش يردلك الملف و تروح و هاذي قداش من واحد ردولوا الدوسي و روح كاين لي يرجع قداش من مرة كاين لي قالي ما نرجعش القسم يا خي في يد ربي حس بلي راهم يخترعوا الاسباب.كيما انا روحت اليوم وما ندفعش بزايد علينا من الرخس و الخسارة و بزايد من السعي ورا الاوهام لي راهم شبعونا بيهم

issamfbm · 2012-11-25, 15:35

اقتباس:

المشاركة الأصلية كتبت بواسطة adnan23

والله الديفو راهو فيك اذا كنت تارك صلاة فالتزم بها او كنت غاق لوالديك فوقرهم ام هذا تكفير عن الذنوب و اعلم لو اجتمعن الانس و الجن على ان تضرك فلن تضرك الا بشيئ قدره الله لك ما اخطا ما اصابك و ما اصابك من اخطاك رفعت الاقلام وجفت الصخف
بالتوفيق وان شاء اللله هذا حد الشر بصح حبس الشكوى راك راجل والسلام

hالمعريفة و الرشوة خويا راهي حاجة اصبت عادية عند الشعب الجزائري كيفاه حاب يبارك ربي لهاذ البلاد و هي غارقة فالفساد و باعتراف رجال الدولة بنفسهم و المثال اويحي قالهم الجزائر حاكمتها مافيا المال

يد بيد · 2012-11-25, 15:45

والله الحمد لله دفعت عون رقابة ماليقيت حتى صعوبات حمد لله

حمومان عزالدين · 2012-11-25, 15:51

الحمد لله يارب محافض علي الصلوات الخمس وفي وقتها طاعي لوالدي والحمد لله من وين نجي خارج من الدار يما تقولي راك رابح ان شاء الله وحتي ابي والله الحمد لله ماني داي حتي دعوة شر
والحمد لله في حياتي ولا دخنت او شربت خمر او درت حاجة ماهيش مليحة وربي شاهد علي ما اقول

حمومان عزالدين · 2012-11-25, 15:54

اقتباس:

المشاركة الأصلية كتبت بواسطة adnan23

والله الديفو راهو فيك اذا كنت تارك صلاة فالتزم بها او كنت غاق لوالديك فوقرهم ام هذا تكفير عن الذنوب و اعلم لو اجتمعن الانس و الجن على ان تضرك فلن تضرك الا بشيئ قدره الله لك ما اخطا ما اصابك و ما اصابك من اخطاك رفعت الاقلام وجفت الصخف
بالتوفيق وان شاء اللله هذا حد الشر بصح حبس الشكوى راك راجل والسلام

...............
بارك الله فيك اخي العزيز علي كلامك الجميل والمقنع بصح لوكان راك في بلاستي تحس مليح دير في بالك انا صلاتي جامي خليتها وجامي دخنت او شربت كحول ا درت حاجة تغضب ربي سبحان وانا راني مسؤول علي دارنا انا لكبير في داري و والديا عطيني دعوة الخير بصح المشكل راه في بلدنا بسبب المحسوبية والمعريفة والرشوة وولد فلان وفلان
بصح انتما متحبوش لي يهدر الصح ربي خير هدا واش نقوللكم انا

حمومان عزالدين · 2012-11-25, 15:56

اقتباس:

المشاركة الأصلية كتبت بواسطة issamfbm

hالمعريفة و الرشوة خويا راهي حاجة اصبت عادية عند الشعب الجزائري كيفاه حاب يبارك ربي لهاذ البلاد و هي غارقة فالفساد و باعتراف رجال الدولة بنفسهم و المثال اويحي قالهم الجزائر حاكمتها مافيا المال

...............
بارك الله فيك واخيرا لقيت وحدي جاء معايا يا خوتي لوكان راكم في بلاستي و تشوف رواحكم مسئؤولين علي دار كاملة وهدرو

شعيب الجيجلي · 2012-11-25, 15:57

الحمد لله اليوم دفعت الملف في سطيف رتبة ضباط الفرق رقم التيكي كان 90

حمومان عزالدين · 2012-11-25, 15:57

اقتباس:

المشاركة الأصلية كتبت بواسطة يد بيد

والله الحمد لله دفعت عون رقابة ماليقيت حتى صعوبات حمد لله

.........
والله حنا في مديرة الشلف كارثة كارثة كارثة بكل ما للكلمة من معني ماجي تدفع ملف حتي تكره حياتك انا اسبوع كامل باش تمكنت من اداع الملف والله العضيم.

bilal-31 · 2012-11-25, 16:03

هناك من سبق وقال........ الجمارك .......خيطانها طوال.....أوافقه الرأي ....وربما أضيف وأقول......
خيطانها ..... .........طوال.....طوال....طوال......طوال......ياسر ....قاوي...وبزاف...
......على العموم .......
...هذه ليست سوى مسابقة......كغيرها من المسابقات........هي لعبة قد لا نعرف ........بدايتها من نهايتها........
.........كثيرون.......من هم متعلقون .......بآمال ووعود يظنونها صادقة .........وقليلون من يمكنهم.......أن يلعبوا ........فقط.... لمجرد اللعب.......
......و النجاح في الجمارك ....لا يعني النجاح في الدنيا.......وعكس هذا .....أيضا صحيح.....
....في الأخير.....وفي أسوأ الأحوال ......لن نخسر الكثير....وتذكروا أن الضربة التي لا تقسم الضهر .....لا بد أن تجعله أقوى.......

بالتوفيق إلى كل الاخوة

النداء الخافت · 2012-11-25, 16:17

وقتاش اخر اجل لدفع ملف مفتش رئيسي

LAKEHAL1987 · 2012-11-25, 16:32

السلام عليكم دفعت اليوم الدوسي الحمد لله

LAKEHAL1987 · 2012-11-25, 16:38

شكر خاص للجمارك الاغواط علي حسن الاستقبال والترحيب المميز
بارك الله فيهم
والله غير حطونا فوق روؤسهم