عندك استقبال reception ماذا ستقدمين لضيوفك؟

espoirdz · 2014-03-29, 11:27

السلام عليكم

عزيزاتي عضوات منتدنا الجميل

عندك مناسبة وتنتظرين ضيوف في بيتك

كيف ستكون تحضيراتك ، ماذا ستقدمين من حلويات قهوة لاتاي dessert الخ وكيف سيكون شكل مائدتك ديكور lمن سيرفيسات وأطقم,,,,, المهم كل واحدة تجود علينا بأفكارها و طريقتها في استقبال ضيافها لتعم الفائدة خصوصا بالنسبة للمقبلات على الزواج وأجر الجميع على الله

espoirdz · 2014-03-29, 12:36

كبداية بالنسبة لي ممكن أقدم عصير ولا قازوز مع قاطو رولي

في انتظار الصور الحقيقة هل من اقتراحات ؟؟؟؟
هل من تفاعل ؟؟؟

السحابة · 2014-03-29, 15:49

مشكورة اختي على هده الفكرة انا كدلك مقبلة على الزواج وكثيرا ما تراودني هده الفكرة ارجوا من الاخوات ان يفيدوننا

wissem zem · 2014-03-30, 20:02

شكرا أختي على أفكارك الحلوة

تغرينية · 2014-03-30, 21:40

شكراااااااااااااااا

espoirdz · 2014-03-31, 13:13

شكرا لكن أخواتي العزيزات

كفكرة جديدة نسبيا يمكن بدأ الإستقبال بالمملحات les salés

من ثم تقديم القهوة مع الحلويات أو الشاي مع الحلويات والمكسرات

مواطنة · 2014-03-31, 14:05

اذا كانو الضياف جايين على الغذاء و او العشاء من المفروض تبداي بالمقبلات و هنا كاين انواع
ميني بيتزا كيما لي وراتهم الاخت سابقا و تاني كوكا او مونشو او سوفلي من الافضل الحجم يكون صغير و تحطيهم في تباسا متشابهين بالطول او بشكل دائرة مع وضع الماء و عصير ليمون مصنوع في اليبت طراشن يكونو مرتبين في بورت تورشون و اذا كانو ضياف دراري تخلي الترتيبات في غرفة اخرى او المطبخ و تغطيهم و تاخذي فكرة على عدد الاطفال بدل ما يشربو عصير يشربو حليب بالشكولا او الفريزو لي يباع
اما فيما يخص القهوة
اكثر الحلويات لي تناسب القهوة هي تاع الفرينة مثلا بتي فور حلوى المربى حلوى الشكولاطة عرايش اوتشاراك كعيكعات المنقاش غريبية و هذو تقدري توجديهم ليلة من قبل في التباسا و تغلفيهم ببلاستيك شفاف باه ما تدخلش الغبرة و تربحي الوقت
مع لاتاي اما المقروط او قنيدلات او كورني او اسهل شي القطايف ما يخذوش الوقت حاولي تطيبيهم من الاول في قوالب الالمنيوم صغار هكذا يحافظو على الشكل ديالهم
اما على الغذاء او العشاء
لازمك تجنبي الاطباق لي يتطلبو القلي لانو يديلك الوقت بزاف وخصوصا اذا ماكاش مساعدة لانو الضياف كي يجو ضلي معاهم مشي في الكوزينة
لذلك ملاح الاطباق مثل الحريرة او الشربة معاهم كسرة تاع الكوشة لي تربحك الوقت و تفرح الضياف
البوراك مشي ضروري لانو كي ديري المقبلات من الاول خلاص
تقدري ديري اشي بارمونتي هذاك القراتان لي يتكون من طبقة من البيري تاع بطاطا اكيد بعدما تغليها تظيفيلها حليب و جبن طري زبدة وملح و ماتكونش بزاف جارية و الثانية من اللحم الفروم المقلي مع البصل و البهارات و في الخير ضيفيلو بيض ومعدنوس وشوية جبن و الطبقة الاخيرة بيري البطاطا تقدري تزينيها بلابوش اديون و تختميها بجبم مبشور
او لازانيا *رشتة * مثوم
اما السلاطة ديري سالاديي يكون على حساب الافراد الاغلب يديرو ماسيدوان و يفرشو في الطبق سلاطة خضراء من بعد ديري الماسدوان في قوالب صغيرة و تقلبيهم على السلاديي
بلا نا ننساو نبيسيات تاع الزيتون الاسود و الاخضر بالجزر و المخللات اذا الانسان يقدر و الفلفل الحا مرقد هذو اكيد ما يتطلبوشش اليد بل التنظيم فقط
اما الاواني على حساب التقاليد كين لي يكلو في ماعون واحد وكاين لي كل واحد وحدو

espoirdz · 2014-03-31, 18:18

شكرا لك عزيزتي على الأفكار المفيدة

madame ch · 2014-04-10, 18:47

شكرا على الموضوع المهم نرجو المزيد من الافكااااااار

zorba zorba · 2014-04-10, 20:30

اقتباس:

المشاركة الأصلية كتبت بواسطة مواطنة

اذا كانو الضياف جايين على الغذاء و او العشاء من المفروض تبداي بالمقبلات و هنا كاين انواع
ميني بيتزا كيما لي وراتهم الاخت سابقا و تاني كوكا او مونشو او سوفلي من الافضل الحجم يكون صغير و تحطيهم في تباسا متشابهين بالطول او بشكل دائرة مع وضع الماء و عصير ليمون مصنوع في اليبت طراشن يكونو مرتبين في بورت تورشون و اذا كانو ضياف دراري تخلي الترتيبات في غرفة اخرى او المطبخ و تغطيهم و تاخذي فكرة على عدد الاطفال بدل ما يشربو عصير يشربو حليب بالشكولا او الفريزو لي يباع
اما فيما يخص القهوة
اكثر الحلويات لي تناسب القهوة هي تاع الفرينة مثلا بتي فور حلوى المربى حلوى الشكولاطة عرايش اوتشاراك كعيكعات المنقاش غريبية و هذو تقدري توجديهم ليلة من قبل في التباسا و تغلفيهم ببلاستيك شفاف باه ما تدخلش الغبرة و تربحي الوقت
مع لاتاي اما المقروط او قنيدلات او كورني او اسهل شي القطايف ما يخذوش الوقت حاولي تطيبيهم من الاول في قوالب الالمنيوم صغار هكذا يحافظو على الشكل ديالهم
اما على الغذاء او العشاء
لازمك تجنبي الاطباق لي يتطلبو القلي لانو يديلك الوقت بزاف وخصوصا اذا ماكاش مساعدة لانو الضياف كي يجو ضلي معاهم مشي في الكوزينة
لذلك ملاح الاطباق مثل الحريرة او الشربة معاهم كسرة تاع الكوشة لي تربحك الوقت و تفرح الضياف
البوراك مشي ضروري لانو كي ديري المقبلات من الاول خلاص
تقدري ديري اشي بارمونتي هذاك القراتان لي يتكون من طبقة من البيري تاع بطاطا اكيد بعدما تغليها تظيفيلها حليب و جبن طري زبدة وملح و ماتكونش بزاف جارية و الثانية من اللحم الفروم المقلي مع البصل و البهارات و في الخير ضيفيلو بيض ومعدنوس وشوية جبن و الطبقة الاخيرة بيري البطاطا تقدري تزينيها بلابوش اديون و تختميها بجبم مبشور
او لازانيا *رشتة * مثوم
اما السلاطة ديري سالاديي يكون على حساب الافراد الاغلب يديرو ماسيدوان و يفرشو في الطبق سلاطة خضراء من بعد ديري الماسدوان في قوالب صغيرة و تقلبيهم على السلاديي
بلا نا ننساو نبيسيات تاع الزيتون الاسود و الاخضر بالجزر و المخللات اذا الانسان يقدر و الفلفل الحا مرقد هذو اكيد ما يتطلبوشش اليد بل التنظيم فقط
اما الاواني على حساب التقاليد كين لي يكلو في ماعون واحد وكاين لي كل واحد وحدو

ألف شكر ليك يا أختي، لقد استفدت منك كثيرا

iman dadou · 2014-04-14, 09:48

الف شكرا على الموضوع صراحة مفيد جدا خاصة للمقبلات على الزواج مثلي نتمنى من الاخوات يفيدونا

wissem zem · 2014-04-16, 23:51

شكرا على الموضوع أختي

kikimnarim2 · 2014-04-17, 18:33

موضوع رائع بارك الله فيكي

أم شروفة · 2014-04-19, 07:10

موضوع رائع