طبخة و بسمة: كفتة الحوت ياو بنينة تسخخخخخخخف

salii24 · 2015-03-10, 22:07

السلام عليكم و رحمة الله و بركاته
مرحبا حبيت نبدا معاكم في قسم الطبخ بطاجين بنييييين يمييي ان شاء الله نكون خفيفة عليكم و طيرنا شويا مع الحراير

و قبل ما نبدا حبيت نشكر كل حراير كوزينة الجلفة لأني ما وصلت تشارك بأطباقي الا من فضلهن و نصائحهن

( أخييييييرا فض الموشح )

طبقي الأول كفتة سمك عمري لا درتها قبل من هاد المرة

كيفاش جاتني الفكرة ؟ أيا كان عندي 4 حبات ميرلون في المجمد يستناو في دالتهم وقتاش يطيبو يتهناو من وجهي

الصباح يا سابح يا رابح حليت الكونجيلاتور و نخزر معاهم و هوما ماجابوهاش فيا خلاص

صحا اسيدي دوك نوريلكم ايا جبدتهم خليتهم ديكونجلاو غسلتهم و نقيتهم مليييييح مليح و راح نعمل الدرسة و الباقي تعرفوه ....الى بحر الزيت

زدت خزرت فيهم آواااااه ما كومش جايبينها البر أرواحو هنا
طحت فيهم اسلخ ونحي لعضم اسلخ و نحي لعضم ...دوك نعتلكم ما جايبينهاش فيا كنت راح نصورهم ...غلبني الغش و الله ما صورتوها

المهم ... رحيتهم و فوحتهم ملييييح ملييييح ( مبعد نحطلكم المقادير يعني خلوني سح نبرد قلبي) هدا كمون و هدا فلفل أحمر حلو و زدت شويتلهم يماهم بفلفل حار دريس و دبشتهم و حطيتلهم حفينة تاع روز نص طياب و ملحتهم واش نقولكم يا خواتاتي دخلت فيهم بالدبز حتى غاضوني ...باش تدرحو ..منا وجاي كي نحل الكونجيلاتور تضحكو و تسلمو

حطيت الخليط في ساشي اليمونتاغ و دخلتهم يتبردو شوية

حليت الخزانة و طليت على الكوكوت ...ارواحي و راسك نحتاجك اليوم ...هي مربية ماشي كيما اخرين

ايا حطيتها على نار هادية و زدتلها 2 مغارف كبار زيت زيتون، 3 سنينات ثوم و زوج صحاح بقشرتهم يطلقو البنة

خليتهم تقلاو و من جيهم اخرى رحيت 2 حبات طوماطيش كبار

و مقيرفة عشاء طوماطيش مصبرة حيلتها في قليل من الماء

خليت كلش يتجمر على نار قليييييييلة ممبعد زدتلهم اللفحات أو التوابل اللي حطيتهم في لبانديات تاع الحوتات معناها
الدبشة و الكمون الفلفل دريس حار و حلو و كويس ماء و خليتها تتسبك و تخثار يمييييييييي يميييييييي

جبدت الحوت المتبل من الفريجيدار فرغته في صفاية باش نحيلو كل السوائل الزايدة و أكيد ما رميتش السائل ضفتو في الكوكوت باش تجي البنة زايدة

كسرت بيضة حطيت الاصفرمع السمك و الابيض خلطتو شوية و خليته بجيه
ياو كيشفتهم تفكرت دمارهم زدت طحت فيهم بالدبز مساكن عذبتهم

كورت لعجينة و مررت الكرات في بياض البيض و مسحتهم بيه على طريقة حبيبتنا أم أماني الله يحفضها باش تجي الكرة رطبة و تبرق

و رميتهم في الكوكوت يتجمرو على نار هااااااادية كي لحتهم غاضوني نحرك فيهم غير بالحنانة صرا فيهم مساكن

خليتهم حوالي ربع ساعة على النار حتى طابو طيشت عليهم شوية دبشة

واش نقولكم درحو مساكن .....جاو واااااااااااااااااااااااااااااااااااااااااااو بنان أروع ما يكون هلا وش....الشبح يجيب القمح

طيبت كسييييرة رخسيس (كسرة قاطو على قولة زوجي ...احم حوحو )كاش نهار نحطلكم وصفتها

شوفو باش نتفاهمو راني حلفت عليهم ما صورتهمش هوما بعد
بصح لقيت صحاباتهم يسركلو في النت

ويلا حبيتو نحط المقادير وحدهم نحطهم قولولي برك

منشروا منشروا في أسلوبي لكان ما عجبكمش
نبدلو
يعني .... أنا مصرة نسمط في قسم الطبخ ..اني نموت ع الكوزينة استحملوني برك
بصح نبدل الاسلوب

و السلام ختاااااام
أ فو كلافييي منشرواااااااااااااا بالاما تكثروا

om romaissa · 2015-03-10, 22:20

وانا نقرا نحسب روحي في فيلم نتاع حرب ههههههههههههههههه تسلمييييييي

om romaissa · 2015-03-10, 22:21

شفتي. شفتي. انا اول وحدة رديت عليك

salii24 · 2015-03-10, 22:37

أهم شيء الضحكة يا حلوتي انت تسلملي رداتك و زياراتك

ان شاء الله ديما في الحدية لولا كيما تقول جدة ربي يدكرها بالخير و يطول عمرها ههههههه

om romaissa · 2015-03-10, 22:54

تسلميييييييييي ربي يخليك عجبتني خفة روحك

*وردة الشرق* · 2015-03-10, 23:02

ما شاء الله ربي يخليك روعة اممممممم تسلم ايديك

salii24 · 2015-03-10, 23:10

اقتباس:

المشاركة الأصلية كتبت بواسطة زينب66

ما شاء الله ربي يخليك روعة اممممممم تسلم ايديك

يا حبيبتي ...كل دا و كتما في قلبك على قولت عادل امام
مرورك اسعدني جدا

ام ايمان16 · 2015-03-11, 08:03

بارك الله فيك

اسمهان79 · 2015-03-11, 08:20

هاذا فيلم اكشن صرا عندك في الدار
انتي دابزتي مع الحوتيات ياو انا مع الماعن كي نكون نغسل تقول الحرب العالمية الثالثة ناضت
تهبلي حنونتي وكلامك عسل ربي يخليك
ويعطيك الصحة

بوضياف محمد زراري · 2015-03-11, 08:23

merciiiiiiiiiiiiiiiiiiiiiiiiiiiiiiiiiiiiiiiiiiiiii i

سيرين 5 · 2015-03-11, 09:09

جات الوصفة في وقتها ، عندي 4 طرونشات تاع ميغلان عندهم شحال و هوما في الفريجيدار يخزرو فيا ، واش ندير بيهم ؟ عادة ندير بيهم الروز نغليه و ندهنو بالزبدة و نخليه بجيه من جهة وحدوخرا نطيب صوص حمرة تكون عاقدة شوية و نرميلها الجلبانة طيب و مربعات تاع الميغلان يكونو كبار شوية باش ما يذوبوش كي يطيبو و نسقيو الروز بهديك لاصوص جي بزاف بنينة بصح اليوم نظن ندير الوصفة تاعك خير باش نوع و طبعا معاها الكسرة تاع القاطو مام أنا تجيني هايلة و ناس داري يموتو عليها اليوم نقتلهم بالريحة تاحها و نذوقلهم خبيزة صغيرة ههههههههه باش ما يشبعوهاش و يبقاو دايما يهدرو عليها هههههههه

saja hamed · 2015-03-11, 09:45

يشهو اختي تهبل

linda-b · 2015-03-11, 10:37

بارك الله فيك

ام رشدى · 2015-03-11, 12:08

والله اختي متعتيني عشت معاك اللحضات تقول انا الي طبختهم
شا على الوصفة

salii24 · 2015-03-11, 17:50

اقتباس:

المشاركة الأصلية كتبت بواسطة تفاحة12

بارك الله فيك

و فيك بارك المولى اخيتي نور ردك صفحتي