البريد الجزائري كيف يتعامل مع السحب .

أحمد زابانة · 2015-12-25, 00:51

السلام عليكم إخواني أخواتي .
دون مقدمات و باختصار مفيد ، ما لاحظته على خدمات البريد الجزائري أنها تصطاد في المياه العكرة حقا ، ففي كل مرة يتم الخصم من الرصيد بدون أسباب واضحة .
فلو أمكن أحدكم يفيدنا بخصائص السحب و التعامل في البريد الجزائري

مثلا عند معرفة رصيدك يخصم 10 دج من رصيدك

مثلا عندما تسحب 10000 دج كم يخصم من حسابك . ؟؟؟؟؟؟؟؟

لانني صراحة أعاني من الخصومات المبالغ فيها ... كما يقول المثل الجزائري عمي مليح و زادو الهواء و الريح ، يعني 15000 دج و يزيدو ينقصولنا منها في كل مرة 200 إلى 300 دج ؟؟؟

فمن فضلكم أريد توضيحات من العالمين أو المطلعين على قوانين البريد الجزائري و بارك الله فيكم .

محمـد02 · 2015-12-25, 00:57

يتم الخصم على معرفة الرصيد و عند الإدخال

user75 · 2015-12-25, 01:05

السلام اخي
و الله حتى انا لا اعلم كيف يحسبون
يقولوا 10 دينار لفوار
مي ينقسوا 100 دينار
100 ديما تنقص على خاطرش نقصت منها 10 دينار
و كي دير لفوار خطرى الجاية تلق بقاو 30 دينار من 100 دينار لنقسوا منها 10 دينار
انا شكيتهم سراقين 10 دينار كي ينقسوها راهي بزاف كي تضربها في عدد الناس ليسحبوا راهم ييديرو لافير كل يوم ههه
اللي يرسل ينقسوولوا و لي ليسحب ينقسولوا يخي بلاد
يكلوا دراهم لبلاد كي يكملوهم يدوروا لدراهم الشعب (الخدامة و قيل ليسراقين)
ههه فيمن نحصلوها دوك هههههه

محمـد02 · 2015-12-25, 01:10

احنايا عندنا يخصمو 20 دينار

"أحمد المحمدي" · 2015-12-25, 01:13

اللهمن اخصم منهم ارواحهم

أحمد زابانة · 2015-12-25, 02:22

و الله غريبة قرأت أحد المواضيع يقول صاحب النص أنه يتم خصم 10 دج لافوار و على كل 1000 دج سحب يخصمون لك 14 دج .... يعني أحنا عقود ما قبل التشغيل 15000 يخصمون لنا 200 دج ؟؟؟ هكذا فهمت و الله أعلم

rachidsystem34 · 2015-12-25, 07:31

السلام عليكم
اريد ان ابين شيء وهو التسعرة الجديده لبريد الجزائر TAX
عندما تدير لفوار نحولك 10دينار اذا حبيت دير 10 افورات في ذاك اليوم نحول مرة وحدي اي 10 دينار
وعندما تهز من 100الى 18000نحولك20 دينار
واذا تهز من 18100الى مئة ملون نحولك في كل مليون 30دينار
يعني لكان تهز مئه مليون نحولك 3000دج
واذا تهز اكثر من مئة مليون يولوا يحسبولك ب 60 دينار
اذا قمت بسحب قم بطلب الورقة فيها المبلغ لي سحبتوا وفيها tax وفيها الباقي
لكن يجب على كل واحد يعرف كفاش دافع على حقوا باش يوليوا يخاوا
نسيت شيئ مهم وهو اذا قمت بسحب ورصيدة اقل من المبلغ المسحوب سيتم خصم ب 300دج
يعني واحد لازم يدير لفوار اولا
انا لا امثل لا البريد ولا اي شيئ انا كثير المعاملة مع بريد الجزائر

أمير دي زاد · 2015-12-25, 15:41

اقتباس:

المشاركة الأصلية كتبت بواسطة أحمد زابانة

السلام عليكم إخواني أخواتي .

دون مقدمات و باختصار مفيد ، ما لاحظته على خدمات البريد الجزائري أنها تصطاد في المياه العكرة حقا ، ففي كل مرة يتم الخصم من الرصيد بدون أسباب واضحة .
فلو أمكن أحدكم يفيدنا بخصائص السحب و التعامل في البريد الجزائري

مثلا عند معرفة رصيدك يخصم 10 دج من رصيدك

مثلا عندما تسحب 10000 دج كم يخصم من حسابك . ؟؟؟؟؟؟؟؟

لانني صراحة أعاني من الخصومات المبالغ فيها ... كما يقول المثل الجزائري عمي مليح و زادو الهواء و الريح ،

يعني 15000 دج و يزيدو ينقصولنا منها في كل مرة 200 إلى 300 دج ؟؟؟

فمن فضلكم أريد توضيحات من العالمين أو المطلعين على قوانين البريد الجزائري و بارك الله فيكم .

السلام أخ أحمد زبانة
أنا نجاوبك أنا نخدم لاداس كونطرا pid
كي دير لافوار ينحو 10 د.ج
كي تسحب مبلع 9000 د.ج يحو 50 د.ج
و لا تنسى كاين taxe كل عام يدوها تاع الحساب هذا العام نحاو 200 د.ج
نصيحة دير كشف الحساب لافوار بموبييليس او عبر الموقع تتهني تعرف قداه عندك و زيد عندك الحق في طلب كشف الحساب الصفحة الواحدة 40 د.ج كل صفحة تزيد تخلص 5 د.ج عن الصفحة بالتوفيق

أحمد زابانة · 2015-12-25, 21:30

بارك الله فيكم على الإفادة