رأيكم في هذا الشخص

[مشكلتي]

السلام عليكم

اخواني اخواتي انا فتاة عمري 23 سنة اتخرجت العام الماضي وماكثة في البيت ,منذ 6 اشهر تقريبا جاني تيليفون من عند واحد قرا معايا في ليسي وانا مكانش علابالي بيه هذاكا الوقت ,المهم سألني ان كنت مخطوبة قوتلو لا قالي خلاص نتعرفو شوي على بعضانا ووعد مني انجي نخطبك بعد العيد الصغير انا حكيت معاه غير في تيليفون برك ونعرف بلي هذا غالط مي الله غالب كنت انشوف فيها طريقة باش نتزوج وخلاص وزيد هو طوال هذ الفترة لم يسمعني ما يغضبني او يغضب الله شاب كان متدين يصلي في المسجد خدام حزام متخلق مشتفتش فيه العيب ,المهم فات رمضان وزيد العيد ويوم الخميس الماضي عيطلي قالي وينتا اتحبي انجوك هو مكانش حاكي لاهلو عليا غير كيف قوتلو انا خير البر عاجلة ارواح نهار الاحد هو راح قال لماماه قاتلو روح اتشوف اهلها قابلين بيك ول لا ,عيطلي وقالي سقسي ماماك انا مقدرتش بعثتلها مع وحدة قربتي المهم بحكم انا يتيمة الاب ماما وافقة قاتلي المهم نتهنو عليك وزيد سيرت عايلتهم مشاء الله ,ايا عاود عيطلي نهار الجمعة قالي بلي ماماه مشي حابة اتجي لانو معنديش سكن مستقر ومعنديش خدمة باينا قوتلو نورمال انا قابلة واهلي قابلين زيد حاول معاه ,زاد عيطلي نهار السبت في ليل قالي والو محبتشي انا تبلوكيت عيطت لقريبتيوقوتلها هي اخبرت امي واتقلقت قاتلي نحنا قابلين وعلاه يفرطو فينا بعد ما حضرنا ارواحنا والمهم حتى قريبتي قاتلي مشي راجل يدير معاك هكا ومعندوش شخصية قدام امو ,ومبعدا راحلو عمي الصغير بحكم هو قريب لعمرو وقالو بلي انا منقدرش نخرج على طوع امي وانا نويت الخير غير هي وقفت في وجهي انا عذرتو في هذ صح وكبر في عيني مي معاد حكا معااي ما حكيت معاه وانا صليت صلاة الاستخارة من قبل طبعا مي والله راني في حيرة كون يزيد يتقدم اسكو نقبل ول لا لاني اتبهدلت قدام العايلة وزيد عمي طلب منو يحكي مع ماما واتعيط لماما اتبرر الموقف لانهم مجاشوش محبتشي قاتلي مقتلش اربط قبل متحكي معااي اذا اتحمل مسؤليتك انا غاضتني حسيتها حقرتني وحقرت اهلي مي قلبي الي بقا متعلق بيه ,الله يخليلكم صحتكم اعطونو رايكم في شخص كيما هذا وش اندير معاه ول وش انقولو كان زاد عاودني وكان عاود اتقدم نقبل ول لا ؟؟؟؟؟؟؟؟؟؟؟ بزاف اسالة في راسي مشي لاقيتها حل عاونوني بارك الله فيكم

اجز من الادارة نشر موضوعي في اقرب وقت

[AMINA.Z]

باختصار السيد بدون شخصية

من الاول كان لازم يعرف راي دارهم اذا راح يوقفو معاه و يزوجوه
قبل ما يعلق بنت الناس فيه و يربطها معاه

كانت تجربة و ان شاء الله تكوني تعلمتي منها

[الصديق قروف]

عجيب امره يريد ازواج لاكنه توقف لانه علم من امه في الحضة الاخيرة انه ليس لديه بيت وعمل !! ام انا الذي لم افهم

طريقة اتقدم لخطبتك خاطئة وهي سبب المشكل
يروح للولي تاعك ماشي انتي لي تخطبي روحك يدبر راسو كيفاش يدير

في حالتك لم يتقدم لك
بل انتي التي تخطبي نفسك له
‏ احكمو قدركم هذا متقدمش اصلن علاش اطيحو بروحكم قدامو
متنسايش توبي

[daciismail]

ههههههههههههههههه هذي خطة الذئاب سبحان الله ربي يهدي ما خلق وانت غالطة كي حكيتي في تليفون معاه لي يحبك يجي يطبطب باب مش يحاول يعلقك بيه وخليك تتبعي فيه من اجل اهدافه السرية وش حال تغيضني كي نسمع هذي صارت بزاف بنات راحو ضحايا وزادو طيحو كرامتهم امام العائلة والافامي والناس الان يعرفو هذي طفلة لي يجي تحكي معاه في تليفون ودايرى الاف من ناس بالعربية ولو شاكين في طفلة لا عندها علاقات من قبل وشكرا

[daciismail]

وهذا كلام من واقع انا سمعت بيها بزاف لي راحو ضحايا ربي يهديكم اصلا حب ياتي بعد الزواج وليس قبل زواج لانو اي علاقة مع شخص تعبتر حرام وشحال واحد تتمسخر بنت ناس باسم الحب

[bennou28]

الراجل هو الغالط كان لازم يهدر مع يماه قبل ما يهدر معاك.. غير اخطيك أختي.. هذا يسمع بزاف ليماه.. حتى و إذا قدر يقنعها قادرة تولي تديرلك المشاكل.. انسايه وربي يبعثلك واحد خير منو ان شاء الله

[ranou gigi]

صليتي الاستخارة و ماصلحش فيها ربي في الامان عليه خيروا في غيروا

[كلمة مني]

وعليكم السلام ورحمة الله

من الاحسن أنك تنسي كلشي وتوبي لله كان حرام عليك تتحدثي مع شخص اجنبي هذا شيئ يغضب ربي وثاني شيئ هذه كامل ماهيش قصة زواج ، وزواج ماهوش لعبة أنا نعرف لي حب يخطب فتاة يستأذن اقاربها قبل كل شيئ ، أنا في نظري هذا مازالو صغير في عقليتو ماهوش نتاع مسؤولية
أختي متتسرعيش هذه مكاتيب ربي وان شاء الله يرزقك ربي الزوج الصالح

[nnihal]

نقولك يا اختي اخطيك منو راهو يتمسخر يعني قبل ب3 باه تفكرت امو بلي معندوش السكنة والخدمة توبي لربي ودعي يجيك ولد لحلال

[أريج الفردوس]

طيك منه الحمد لله لي بانت في الاول
هذا غادي تحصلي معاه في الاخر
تساعفيني خطيك من واحد كي منهاك
والله يرزقك بالزوج الصالح
لمعندهش عقليه وشخصية ماعندك ماديري بيه

[Zahra 30]

هذا مشي راجل عندي هذا
دوك ربي يجيبك سعد الهناء

[thmaster100]

ببساطة كان يكذب !

المشاركة الأصلية كتبت بواسطة amina.z

باختصار السيد بدون شخصية

من الاول كان لازم يعرف راي دارهم اذا راح يوقفو معاه و يزوجوه
قبل ما يعلق بنت الناس فيه و يربطها معاه

كانت تجربة و ان شاء الله تكوني تعلمتي منها

رد الاخت يكفي ويوفي

[رقة قلب]

من الاول نيتو ما كانتش في الزواج لانو لوكان كانت نيتو في الزواج يحكي لدارهم عليك قبل و كي يوافقو يجي يحكي معاك مع انه غلط كامل انه يحكي معك المهم اختي لكان تاخدي رايي بعدي عليه نهائيا ايلا كان مكتوبك يجي حتى و الكل يعارض و ايلا ماكانش مكتوبلك ماتديهش يالوكان الكل يوافق ربي معك المهم انت خوديها عبرة هادي الحكاية و خلي لي يحبك يجي من الباب ماشي من التاقة ...وأتوا البيوت من ابوابها