نجرب بلاك تحكم

*سندوسة* · 2015-05-05, 15:23

اردت اليوم ان اضع هذا الموضوع لمعرفة ارائكم

مرات يضظر الشاب او الفتاة للبس خاتم الخطوبة وهو ليس خاطب وهي ليست مخطوبة هل هذا يبعد عنهم التحرشات؟

انا في الكثير من الاحيان نستعمل هذا الاسلوب لتفادي قلة الادب ومع ذلك اسمع . .... ..الكثير من الكلام والمعاكسات والاخر يتبع حتى للدار ومايكره مايمل من دورات فالطريق يخرجلك من كل بلاص وهو يدير في تصرفات طائشة "

هل اصبح من يرتدون خاتم الزواج لايسلمون من المضايقات واختلط الحابل بالنابل

واصبح يقولك المهم تقبل

ألهذا الحد لم يعد للزواج قيمة وللخاتم معنى ؟

وكثير من الشباب يقولك نجرب بلاك تحكم ولو حتى تكون متزوجة او الفتاة تقولك نجرب زهري بلاك تحكم معاه
ارهقني التفكير في هذا الموضوع فأردت ارائكم

~~ibtihal18~~ · 2015-05-05, 15:35

اهلا يسمين ..............الحقيقة هذي العفسة بزاف اللي يديروها و كاين بنات كي تسقسيهم يبررو الموقف هذا ب **راني اوكوبي ** هذا هو الجواب الشائع حتى ولاو الشباب هاذو ما يفرقوش بين اللي مخطوبة و اللي مش مخطوبة و ولاو يتمعكسو باي وحدة تفوت قدامهم حاطة الخاتم ولا مش حاطة و مخطوبة ولا لا و يزيدو يقولولك رانا فايقين بالعفسة هذي
المشكلة ان هؤلاء الاشخاص اللي يتبعو البنات و يلوحو فالكلام يسار و يمين فوجوههم مش تع زواج و مسؤولية راهم يعديو فالوقت برك و يتمسخرو بالبنات
هذا كي راحت قيمة الزواج و الخاتم ما ولاش عندو معنى واللي باغي صح يتزوج يروح من الباب مش من النافذة
شكرا ...موضوع جميل

*سندوسة* · 2015-05-05, 15:43

اقتباس:

المشاركة الأصلية كتبت بواسطة ibtihal18

اهلا يسمين ..............الحقيقة هذي العفسة بزاف اللي يديروها حتى ولاو الشباب هاذو ما يفرقوش بين اللي مخطوبة و اللي مش مخطوبة و ولاو يتمعكسو باي وحدة تفوت قدامهم حاطة الخاتم ولا مش حاطة و مخطوبة ولا لا و يزيدو يقولولك رانا فايقين بالعفسة هذي
المشكلة ان هؤلاء الاشخاص اللي يتبعو البنات و يلوحو فالكلام يسار و يمين فوجوههم مش تع زواج و مسؤولية راهم يعديو فالوقت برك و يتمسخرو بالبنات
هذا كي راحت قيمة الزواج و الخاتم ما ولاش عندو معنى واللي باغي صح يتزوج يروح من الباب مش من النافذة
شكرا ...موضوع جميل

اهلا بيك اختي ابتهال

يعني راهم فايقين وانا نقول خاتم قداه في صبعي وهو ماراهش يشوف وانا نتعمد نبينها باش يبعدوني

والله يا اختي ابتهال مرات تشوفي شخص يبان محترم شكلا يعني لابس طقم او كلاسيك ولكن تلقايه يتبع ويحوس يلصق فيك الرقم نتاعه انا وصلو حتى خلاو سياراتهم بالمفتاح لاصق فيها والباب مفتوح وينزلو يحوسو يلصقو فيا ارقام هواتفهم بسيف
ملاحظة "انا مارانيش نشكر في روحي بصح المواقف لي صراتلي خلاتني نقول هاد الهدرة" حتى تقولهم الوالدة مخطوبة مرة واحد قالها ان شاء الله تفسخ الخطبة ونديها انا والله حتى صرات صح وربي ماكملش

الله يهديهم

العفو اختي وبارك الله فيك

موسى عبد الله · 2015-05-05, 15:47

حين سمعت مثل هذا الكلام ما كانت ردت فعك لتتحاشي مثل هذه المعاكسات مستقبلا

~~ibtihal18~~ · 2015-05-05, 15:50

اقتباس:

المشاركة الأصلية كتبت بواسطة سندوسة يسمين";3993359134][b][i][font="arial

اهلا بيك اختي ابتهال

يعني راهم فايقين وانا نقول خاتم قداه في صبعي وهو ماراهش يشوف وانا نتعمد نبينها باش يبعدوني

والله يا اختي ابتهال مرات تشوفي شخص يبان محترم شكلا يعني لابس طقم او كلاسيك ولكن تلقايه يتبع ويحوس يلصق فيك الرقم نتاعه انا وصلو حتى خلاو سياراتهم بالمفتاح لاصق فيها والباب مفتوح وينزلو يحوسو يلصقو فيا ارقام هواتفهم بسيف
ملاحظة "انا مارانيش نشكر في روحي بصح المواقف لي صراتلي خلاتني نقول هاد الهدرة" حتى تقولهم الوالدة مخطوبة مرة واحد قالها ان شاء الله تفسخ الخطبة ونديها انا والله حتى صرات صح وربي ماكملش

الله يهديهم

العفو اختي وبارك الله فيك
[/font][/i][/b]

ضحكتيني يسمين صح راهم فايقين و مام الشباب كاين اللي يديروها من منطلق انو راه اوكوبي
راهي تصرا بزاف انا تاني صراتلي و انا مخطوبة و يقولولي رانا فايقين علابالنا بلي حاطتها برك ..........يعني ماولاتش للخاتم قيمة

*سندوسة* · 2015-05-05, 16:00

اقتباس:

المشاركة الأصلية كتبت بواسطة موسى عبد الله

حين سمعت مثل هذا الكلام ما كانت ردت فعك لتتحاشي مثل هذه المعاكسات مستقبلا

نتزوج بواحد لي يعرف قيمتي لي نخليله دار جنة ومانحتاجش نخرج برا نبقى غير لزوجي واي حاجة نحتاجها يجيبهالي هو على خاطرش عندي الثقة في ذوقه فيكفي انه اختارني انا فذوقه بالنسبة ليا شيء مميز
ربي يرزقنا على حساب قلوبنا

*سندوسة* · 2015-05-05, 16:02

اقتباس:

المشاركة الأصلية كتبت بواسطة ibtihal18

ضحكتيني يسمين صح راهم فايقين و مام الشباب كاين اللي يديروها من منطلق انو راه اوكوبي
راهي تصرا بزاف انا تاني صراتلي و انا مخطوبة و يقولولي رانا فايقين علابالنا بلي حاطتها برك ..........يعني ماولاتش للخاتم قيمة

الله يدوم ضحكتك اختي
الله يجيب لخير والله كل حاجة فقدت المعنى نتاعها حنا لجزايريين خلاو كل حاجة بمعناها الحقيقي ياك كل حاجة جردوها من حقيقتها

..بسمة أمل .. · 2015-05-05, 17:38

السلام عليكم يسمين

ان شاء الله تكوني بخير

ظرك والله وكان تلبسي لعجااار

ومتسلكيش من التحرش

لا من صغير و لا من كبير

شاب و لا شايب

الخاتم اصلا ميستعرفووش بيه

الا القليل

شكرا على الطرح

سحابة مسافرة · 2015-05-05, 18:44

المعاكسات و لات حاجة عادي عند بعض الشباب و ميهمش دايرة خاتم او لا لنا مرة شفت وحدة كانت تمشي قدامي و هي بالحمل بدا و حد الشاب يضايق فيها و هو مشافش كرشها مليح كي قدم ليها مليح فاق ضحك مع صاحبو و قالها ربي يخلص وحلك و تحسابو سكت والووووو كامل حلان الفم حتى راحت ؟؟

خديجة إحسان · 2015-05-05, 20:35

سلام أختي أصبح هذا هو الوضع السائد,طبعا نستثي الرجال إلي هم صح رجال,بصح بعض الشباب هداهم الله ما يخلو حتى طفلة في حالها,وأنا في رأيي أي شاب يعاكسك ما ترديش عليه خليه يهدر وحدو حتى يمل ويروح لأنو غي تمديلوا فرصة باه تردي عليه يتمادى,هذي وصفة مجربة أنا جربتها ونفعت.شكرا

الأرض المقدسة · 2015-05-05, 23:29

هل يتحرشون بالمتجلببة ؟ - طبعا أقصد الجلباب الشرعي وما يقدمه من ستر كامل - مضاف إليه عدم تزين الفتاة بالمساحيق وتعطرها !! - مضاف اليهما - حشمتها في مشيتها وغض بصرها عن الرجال !!؟

" أبو عبود" · 2015-05-05, 23:59

صبية جميلة أنيقة وغير محجبة لو مررت على إمام مسجد لما سلمت من لسانه ويده فكيف فبغيره؟
جربي اخرجي رثة الملابس منفوشة الشعر ملابسك قديمة لا تحاكي الموضة واتحداك ان كلمك شخص

موسى عبد الله · 2015-05-06, 07:33

كلنا يعلم بأن مكمن الفتنة هو الوجه ،لذا كي تسلم من الفتنة وجب عليها ستر كامل جسدها ،كذلك وجهها كي تسلم من هذا البلاء ،أما أن تلبس حجابا ،كالذي نراه في أيامنا هاته (حجاب عصري)، فوالله لو نطق الحجاب لتبرئ منه،خلاصة القول أن معظم الفتيات هي من فتحت النار على نفسها

موسى عبد الله · 2015-05-06, 07:35

اقتباس:

المشاركة الأصلية كتبت بواسطة الأرض المقدسة

هل يتحرشون بالمتجلببة ؟ - طبعا أقصد الجلباب الشرعي وما يقدمه من ستر كامل - مضاف إليه عدم تزين الفتاة بالمساحيق وتعطرها !! - مضاف اليهما - حشمتها في مشيتها وغض بصرها عن الرجال !!؟

جواب في محله ،كذلك لو سترت وجهها بستار أو نقاب لكان خيرا لها ،

Simassim · 2015-05-06, 08:05

اقتباس:

المشاركة الأصلية كتبت بواسطة الأرض المقدسة

هل يتحرشون بالمتجلببة ؟ - طبعا أقصد الجلباب الشرعي وما يقدمه من ستر كامل - مضاف إليه عدم تزين الفتاة بالمساحيق وتعطرها !! - مضاف اليهما - حشمتها في مشيتها وغض بصرها عن الرجال !!؟

يبدو انك تعيش في عالم اخر. بحضوري حدث فتاة متجلببة لاتستر وجهها ولكن حجاب شرعي يكاد يغطي عينيها وبدون ماكياج وليست بصاحبة الجمال الخلاب وخارجة من مدرسة قرآنية ولم تسلم من تحرشات الشباب

الواحد يقول حسبنا الله ونعم الوكيل. في من كان السبب في انحلال الأخلاق لهده الدرجة