السلام عليكم و رحمة الله تعالى و بركاته بقالنا 15 يوم و نرجعو للقراية و باش ننجحو لازم خطة و الخطة تحتاج هدف اولا
حددوا الهدف: وهو النجاح في شهادة الباكالوريا
ثانيا:
حددوا لماذا هذا الهدف اي لمن و الاسباب كل واحد اسبابو و انا هاهم اسبابي:
علاجال امي و الفرحة اللي نشوفها في عينيها كي ندي البا
باش يكون عندي مستقبل مليح
باش نولي استاذة المانية ان شاء الله
باش نبعث والديا للحج و نعاونهم بكلش عندي
هاذي هي الاسباب و واحد ما يزعزع الرؤيا نتاعكم كلش نقدروا نحققوه بالارادة
و ذوك الخطة
اول شيء التيليفون ديرو واحد سامبل فيه مسجل و مفيهش الويفي المسجل نحتاجوه اما الانترنت تفلسكم ههههه انا استغنيت على الهاتف باتش نوالف
ثانيا لازم تبعوا في القسم كلش تبعوا مليح و ركزوا و كي تخرجوا لعشية راجعوا كل المواد مثلا الرياضيات راجعوها و حلو تمارين و غدوة اديوهم للاستاذة باش تعرفوا الخطا و الاجتماعيات حضروا الدرس و شاركوا في القسم و كي تروحو راجعوه و سجلوا الدرس في الهاتف و كي تجو ترقدو عاودو عليه حتان تحفظوه و ثاني في الصباح راجعوه و في نهاية الاسبوع راجعوا و اذا نسيتو الدرس ارواحوا اضربوني الدرس راح يترسخ في الذهن و ماتقولوش مانقدروش لانو العقل تاعنما يقدر يهز 1000 معلومة في اليوم
و كي تكونو تراجعوا و تملو من مادة بدلوا المادة و اذا مليتو طول ديرو فاصل روحو اتفرجو ولا اخرجوا و ارجعو كملو و الانترنت استعملوها فب القراية فقط كتحضير الدروس و البحوث و اذا شفتو رواحكم تفلسوا نحيوها ههههههه و ان شاء الله ننجحواكامل و نفرحوا و نعاونوا بعضانا في هاد العام و نتعبوا عام صح و مبعد نرتحوا ا بقا غير نقولكم ان شاء الله عجبكم الموضوع و في اماني الله
( تقرير عن مشاركة سيئة )، و الموجودة أسفل كل مشاركة .
2015-08-23, 14:02
خطة للنجاح في الباكالوريا ان شاء الله
العرض العادي
