في 22 اوت نقفل سنة على زواجي ، و طلقت مشكلتي معندهاش حل
ام زوجي او المكتوب ماعرفتش كيفاش نسميها ....
دمرتني و دمرت ولدها اللي هو اصلا مشي ولدها مرابياته مجهول النسب ، هذا الشخص جاري و5 سنوات و احنا نستنو يزوجونا ومين تزوجنا مقدرتش نتهنى بيه نهار و لا بتهنى بيا لحد الساعة مارانيش عارفة شادرتالنا البعض يقول سحور البعض يقول كلام عمراتلو راسو......ياه يا ربي كنت عروسة نهار دخلت لبيت زوجي ماقدرتش نقعد ثانية في ديك الدار نحس راهم يجيفو فيا زوجي غير برا مايدخلش للدار و حنا عاد عرسان معندناش اسبوع ، يعيط عليا يبغي يضربني مادابيه مايشةفش وجهي ، اول صباح ليا معاهم تدخل لغرفتها هي و شيخي و يبلعو على رواحهم يفطرو يتقهوا يتعشو في غرفتهم و يبلعو الباب وانا عاد عروسة صباح و الله مالقيت مانشرب ، ماكانش واحد زارهم ملي تزوجت تحسب عائلة مقطوعة غير هوما و ابنهم الوحيد اللي هو زوجي كل يوم المشاكل و كل يوم زوجي يحوس غير على عاطفة نتاع امه والله ماداري بيا وكل يوم نحوس نروح لدارنا ، كان نحس مانشوفهومش ، هوا كي يخرج معايا ابرا رانا ملاح كي ندخلو للبيت دائما المشاكل من رغم انني شفت اثار نتاع شعوذة وهادوك تفيش ما أمنتش و ما قدرتش نظلمها كانت كل يوم تدخلي في غرفتي و تقلبهالي السافي عالى العافي و العيب ما يخرجش من فمها و الله ما تهدر نتي كي تشوفي تقولي هذا ما ندي ، عمرها و لازارت ناس ، حتى امها ماتزورهاش كانت تحب دير كيما ندير انا تشري كيفي تلبس كيفي ...يا ربي حشاكم حتى اذا قست الزبل تروح تحل البورسة و تفتش و لا مانعرف شاكانت دير الله اعلم ، وكي نروح لدارنا عمرها ما جاو يحوسو عليا مادابيها نقعد و الله ماتعرف الجاه نحسهم يريحو مني حتى راجلي كره هاذ العيشة ماقديتش نزيد نستحمل صبرت معاه حبيتو رفدت معاه حوستله على والديه والديا داروه كثر من ولدهم لكن جامي ضرب عليا الطابلة نحسو غير خايف منها حتى الكلام مانقدرش نحكي معاه يقولي توك يسمعونا و مايقدرش يدي قرار شخصيته ضعيفة وحاط زعما راه يرجعلهم الخير لي داروه فيه من تبناوه و مبغاوش يقولولو اصله منيم ....................................ماقديتش عين ما نصبر عيت مااستهلت والو ملي تزوجت وانا غير مريضة و مرضت والديا كي مقدرتش ناليا هادي اطلبت الطلاق قالهالي عادي روحي راكي مطلقة تقول عمري ما عرفته باعني عادي و نهار ديت قشي حسيت زوجي غادي يطرطق باغيني و مفورصي و هيا بالفرح و السرور في وجها ..... مارانيش قادرة حسبنا الله ونعم الوكيل .....
تفكرت حاجة كي تزوجته كان زوالي معندو والو يماه ورثت و شراتلو لوطو و سجلهم في الحج بلا ما يقولهم و فرحوا ايماجينو ملي تزوجنا و هو يستنى هاد الشهر لي غيبو فيه باه يريح معايا..................كان القدر اسبق ، و فالتالي كي جيت خارجة ضحكت قاتلي القط يعلم باباه النط ..... فهميها وحدك يعني..
و كان قاع يديرلي بيتي وحدي مانقدرش نوليلو علاخاطر امه علاهاذي فضلت انا نخسر حياتي و انا ف 23 سنة من عمري
آسفة عن التعبير الركيك و الدريجة لي تكلمت بيها و الله ماراني قادرة ربي راهو حاس بيا راني تقول الحمد لله فقط والله يصبرني ماقدرتش
( تقرير عن مشاركة سيئة )، و الموجودة أسفل كل مشاركة .
2015-08-14, 20:25
22 اوت عندي سنة من زواجي و طلقت
العرض العادي
