اهتمام الاولياء بمساعدة المعلمين لاطفال السنة الاولى

[kakinova]

مرحبا بكل لي عطرو موضوعي و ان شاء الله نفيدو و نستفيدو

الاخوات لي عندهم نماذج امتحانات او فروض او تقويم او واجبات يحطوهم فالموضوع

و حتى لو مكتوبين و فيهم اجابة ممكن يغطيو الاسم و اللقب و لو وحدة حبة تستفاد منو ممكن تكتبو ولو بخط اليد لاطفالها

اختي متمنية المشكل انا بنتي قرات التحضيري لكن واش قرات و حفظت زوج كلمات اخرجوا راحة

كل يوم راحة صباح و عشية و اذا كان الجو ممطر يديرو بعض الحروف و يحطو روسهم على يديهم و دودووووووو و الله مرات تقولي رقدت بالنوم

المهم اينتي ابداي قريه بالتدريج

انا بنتي كنت نقريها بالحرف لقيت السياسة هاذي مش خارجة عليا

وليت نقريها بالكلمة منها تتعلم تهجي و منها تتعلم الحروف و في نفس الوقت تفرق بين الفتحة و الضمة المهم الحركات

و مرات نكتب حاجة كبيرة و نحطها في مكان و نقولها اقراي واش هاذي

او مثلا الكتابة لي فالعصير او الياؤورت او قاطو نقولها اقراي واش اسمو و هكذا

و تاني تعلمي وليدك الحروف بالاستعانة باسماء الخضر او الحيوانات

و لما ينسى الحرف مثلا نسى حرف القاف قوليلو شكون هداك لي يدير مياو يقول في بالو قط
و وحدو يعرف انو هادا حرف القاف

و ربي يعينك

اذا ما قريتيهش درك رح تجيه السنة الثانية صعيبة لانو عندهم نصوص كبيرة و الرياضيات فيها جمع و جمع بالاحتفاظ و طرح و طرح بالاعارة و فالاخير الضرب

و لما يطلع للثالثة و زيديلو الفرنسية رح تختلط عليه الامور اكثر و نتي رح تغرقي و تتعبي

معليش اتعبي معاه دركا بزيادة من بعد تلقاي روحك و هو يجيب روحو مليح

[قمر 77]

بارك الله فيك كاكي شوفي هذ الرابط فيه كلش من الابتدلئي للثانوي المستوى اللي تحبيه اكليكي عليه و الارشيف ايضا فيه خير و بركة ما كنتش نتصور المستوى عندهم هكذا و ان شاء الله تستفادو منهhttps://www.ets-salim.com/

[عازفة الناي]

المشاركة الأصلية كتبت بواسطة kakinova

الله يبارك كاكي
حبيت نقولك الصورة تاع الهمزة ماشي تاع السنة الاولى راهي السنة الرابعة فقط باه مايتخلطش الامر على الامهات

[وفاء سعاد]

lماشاء الله صفحة رائعة باتم معنى الكلمة وربي يجعلها في حسناتك وحسنات كل من يحاول ان يضع موضوع اويساعد بخبرته
انا ابني مدخلتوش للتحضيري قرا العام الماضي في المسجد والعام المقبل ان شاء الله سنة اولى بصح حابة نستفاد مع امهات السنة اولى عل الاقل تكون عندي فكرة

[متمنية]

شكرا ليك اختى ككينوفا والله رانى نقرى ونعاود لكن الله الغالب مادا بيك وربى يجزيك عطينى برنامج يومى ادا مافيهش احراج باش نبدا له ربى يخليك ويجزيك ومعروفك ما ننساهش خلاص

[kakinova]

شكرا لكل من زاروني شكرا لكل من وضعت رابط او افادت بكلمة

عازفة حنونة

هديك الصورة تاع جدول الضرب و القواعد الاملائية الخاصة بالهمزة درتهم كمعلومات للامهات لي مش حافظة جدول الضرب و حتى للاطفال كبداية يجيهم سهل

و الهمزة حتى الامهات ما يغلطوش كي يمليو على اطفالهم

و في نفس الوقت يبداو يعلمو اطفلاهم كيما تعرفي الاطفال اسفنجة

خخخخخخخخخخخخ و كيما تقول نانا علم و اترك يعني معلومة من و معلومة منهيك يجي يوم و يستعملوها او تنفعهم


اختي زينب حطي الشي لي قدرتي

معلومات

ممكن فيديو تعليمي


تمارين اكتبيها بنفسك

نماذج صوريها او حتى لو تلقايها فالنت

المهم نفيدو و نستفيدو ممكن معلومة تعرفها اخت انا ما نعرفهاش و هكذا

[kakinova]

المشاركة الأصلية كتبت بواسطة متمنية

شكرا ليك اختى ككينوفا والله رانى نقرى ونعاود لكن الله الغالب مادا بيك وربى يجزيك عطينى برنامج يومى ادا مافيهش احراج باش نبدا له ربى يخليك ويجزيك ومعروفك ما ننساهش خلاص

صباح الخير أختي

شوفي ديري كيما قتلك

ديريلو بطاقات باسماء الاشياء و الحيوانات و الخضار

اعطيلو يقرا واش مكتوب في شكارة فرينة او سكر او قرعة قازوز

مرة على مرة قوليلو يعطيك كلمة تبدا بحرف العين ولا السين

ديري معاه اللعبة تاع انسان حيوان جماد هكذا يتعلم يكتب و منها تسلية و املاء و في نفس الوقت صلحيلو و قوليلو يشكل

و مثلا أسماء اطفال يعرفهم كيما اخواتو و اخوانو و جيرانو اصحابو بالمدرسة

و لما يعرف اسم صفقيلو و ابتاسمي حتى حتى ضرسة لعقل تبان خخخخخخخخخخخخ

و لما يغلط في حرف ديري روحك حزينة و قوليلو ركز

و مرة على مرة قولو يقعد قدامك و يقرا اي حاجة من كتاب من قصة و نتي صلحيلو و لما يقرا مليح قوليلو ممتاز
و لما تقريه ما تخلي لا تلفاز قدامو شاعل لا العاب تشتت تفكيرو

و ما تخليه لا يلعب برجليه لا بيديه لازم يركز

و لما تشوفيه مل خليه يوم او يومين ينسا و من بعد عاودي راجعيلو واش قريتو او خلي العربية و ديريلو الرياضيات تاع اكبر و اصغر و فهميه كيفاش نقارنو نشوفو للعشرات اذا كيف كيف نشوفو للوحدات

و هكذا

[ام امجد14]

شكرااااااااااااااااااااااااااااااااااااااااااا ليك مرة ثانية حبيت نسالك سنة اولى يدرسون جدول الضرب

[*وردة الشرق*]

المشاركة الأصلية كتبت بواسطة ام امجد14

شكرااااااااااااااااااااااااااااااااااااااااااا ليك مرة ثانية حبيت نسالك سنة اولى يدرسون جدول الضرب

لالا اختي حتى السنة الثالثة باه يقراوه ويعودو مطالبين بيه

[عازفة الناي]

الضرب يقراوه في السنة الثالثة يعرفوه انه جمع مكرر يعني مثلا
3+3+3+3= 3 جداء 4 وهي عدد تكررارات العدد 3

[الاء هبة الرحمان]

السلام عليكم لقيت هذا النماذج فى النت قلت نحطهم لتعم الفائدة

[ام امجد14]

حبيت نطرح سؤال هيبة سنة اولى كتابة جيدة و قراءة تتجهد لكن تجيبها مليح البارح درستها الاختبار الى وضعتوه الى يخص التربية المدنية اخت امى اخت ابى

ما قدرتش تحفضهم و غلبتنى خاصة اختو ابى ما قدرتش تدخللها فى راس درتهالها تمرين بربط بالاسهم درهالها باكمل ما يلى
ما جابتهمش

اليوم سالتها قلتلها اخت ابى واش يقولولها قالتلى خالتى اووووف دوختنى

هل هى مستواها ناقص فى الدكاء خفت عليها

[oum radja]

السلام عليكم يعطيكم الصحة
بغيت نستفسر على حاجة للي ولادهم سنة اولى راهم يقولولهم احفظو النص تاع القراءة؟؟
انا هاذي لي مادخلتش راسي
و الحمد لله مااستعملتهاش مع رجاء حتى و المعلمة تطلب منهم هاذ الشي
انا علمتها تهجي النص و تعاوده شحال من مرة وكي نلقاها تمكنت منه نقول ليها اكتبيه هاكذا تكون عرفت تقراه مليح وتكتبه وتحفظه في نفس الوقت كيما طلبت منها المعلمة

[oum radja]

ام امجد مادام بنتك راها بدات الاختبارات الله يخليك حطيلنا المواضيع لي ديرهم

[كاتي حياة]

يا البنات ادخوا لهذا الموقع تلقاو وش تسحقوhttps://www.ency-education.com/1ap-exams.html








يا ريت تصوتو للمسة الذهبية فالتوقيع