احترق الفطور

[naamane3]

تخيلي سيدتي وتخيل سيدي
ان الساعة الآن تشير الى انه بقي للمغرب حوالي ربع ساعة
واكتشفت أن فطورك قد احترق ولا يوجد وقت لأعداده مرة اخري
وجاء زوجك او ابوك ماهي ردة فعله نحوك
وتخيل سيدي ان دخلت بيتك فوجدت زوجتك او ابنتك قد احترق فطورها
فكيف تكون ردة فعلك
جاوبونا وبكل صراحة

[amouna18]

الحقيقة أقول ,,,

سأكون جد محرجة من الموقف ,,, لكن أبي لن يعاتبني ,,

باسكو راني غير نتعلم ,,, هههههههههه

[ladymillion]

الخييييييييييييييييبة ونولي كي ماروكو الحمد لله عمري ما تحرقلي الفطور هههههههههه معنديش راجلي نخاف منو ههههههه
كاين رجالا نساهم يطيبوا ماشاء الله كيما أختي متزوجة راجلها واش طيب يبقى يرجف وكل حاجة ليلقالها عيب مع أن اختي كلشي ديرو بالطبع
وكاين نسا حتى يتحرقلهم الفطور مايخافوش لان رجالتهم مسهلين معاهم هههههههه

[fille algerie]

هههههههههههههههه انلم كابتي ونهررررررررررررررب

[أم شيماءْ]

واععععععععععععععععععععععع نروح نهرب وما نبينش وجهي

[صفــاء]

نوصف لك حالتى بالتدقيق؟؟

ههههههه

تحكمنى السخانة والقشعريرة في جسمى هههه

ونعض صوابعى ويرجفوا ركايبى وتهبط لى لطانسيون وممكن نطيح نستغم ههههههه

ولا نحل الثلاجة ونحوس على الماكلة اللى بقات نسخنها وخلاص

بعيد شر ان شاء الله واحدة ميتحرق لها لفطور

[sandibal]

انا بعيد الشر اذا صراتلي عمري رح تخرج ونكره روحي والحشمة تقتلني قدام راجلي ومزية راني غير انا وياه نصح الحمد لله راجلي رح يزعف الدقيقة الاولي ويقولي ووييييييين كنتي وانا راح نتسبب بوليدي مسكين راح في طريقي وفي الاخير نخرجو نفطرو براا وماراحش ينساهالي كل يوم رح يفكرني بيهاا هههههههههه

[fatalim]

سيرتو اذا عندك ضيوف انا دايمن ندير ريزارف في الثلاجة ولا ندير بيون في الكوكوت ونزيدلو الفرماج ونرحيه سوب خير من والو

[أم الفرسان]

كـــــــــــــــــــــــــارثة .............................!!!!!!!!
الحمد لله أن هذا لم يحدث لي يوما .. ولا يمكن أن اتخيلها ... ولكن نتوقع أن الأمور ستكون بخير لأنى مش متعودة ... وأجمل شيء في رمضان أننا نعد دوما أكثر من طبق ومش معقول أن كل الأطباق ستحرق...
محبتي

[naamane3]

بارك الله فيكن واعلم ان الجزائرية طباخة ماهرة
ولا يمكن ان يحدث معها هذا ابدا
ولكن لم اري ردود الرجال اين هم

[fati57]

انا نبدا نبكي باش كيدخل و يصيبني نبكي نغيضو و ما يقول والو ههههههههه و نقليو البيض المنقذ الاخير

[hakim ahmede]

كي زوجت كان عندي 17 درت لحم مفور وتحرق ضربتني عزوجتي بكف على جال البرمة تاعها كي تحرقت .......اي كنت نخاف لعزوج وبعد 8سنوات صارت تسخف غير على ماكلتي وراجلي ياكل غير طيابي شوف الفرق

[لميس العلمية]

انا راجلي كلش كلش غير كرشو يعني لازم ندبر راسي قبل المغرب ولا خلات عليا
توصل حتى نشري جاجة محمرة من برة المهم يسكت عليا

[طهراوي ياسين]

التمر والحليب

[hanane220]

نطلق هذي حاج باينة