قاطو البيمو بالفرماج والقوفريط بلمستي الخاصة ....

ouissamak · 2015-01-06, 22:13

اليوم جربت قاطو البيمو بالفرماج والقوفريط للاخت فهيمة اللي نشكرها بزاااااف على الوصفة خرجت هايلة

الوصفة ما غيرتش فيها لكن زدتلها حاجة تبعوني دوك تعرفو

نبداو

250 غ مارغارين لينة
4 ملاعق أكل زيت
2 قطع جبن مثلثات أنا إستخدمت لافاش كيري
150 غ بيمو مرحي
180غ قوفريط مطحون بودرة (من الأفضل ذوق الشوكولاطة هايل بيه)
60 غ نشاء
1 كيس خميرة حلوى
1 كيس فانيليا
فرينة حسب الحاجة

للتزيـــــــــــــــــــــــــــــــــن:
مربى المشمش مخفف بماء زهر او ماء سخون
قوفريط نوع شكولاطة مرحي

نوجد المقادير

نخلط المارغرين والزيت جيدا

ثم نضيف الفرماج ونخلط جيدا

ثم نضيف البيمو المطحون ونخلط

نضيف القوفريط

ونضيف النشاء ثم الفرينة والخميرة

مانزيدوش بزاف فرينة لازم تبقى العجينة طرية

واللمسة لي زدتها انا

حشيتها بالشكولة
وشكلت كريات واصابع

ودرتها في فرن مسخن على درجة 160 حوالي 20 الى 25 دقيقة

هاهي كيطابت

وبعدها نخلوها تبرد تماااااما ونجيبو المربى المخفف نغمسو الحبات فيه ثم في القوفريط المرحي

وهاهي مداخل كيفاش تخرج

وانا غير كملتها تقعدت نسقهوا خرجت تذوب في اليد قبل الفم هههههه هايلة بنييييينة

اتاسف على رداءة بعض ابصور كانو الخدامين يخدمو ماقدرتش نحل الطاقة هههههه
وفي الاخير اتمنى من كل من مر لموضوعي يدعولي بدعوة الخير ولصاحبة الوصفة

سلااااااااااااااام

tong2 · 2015-01-06, 22:41

الله يبارك ماشاء الله عليك يشهي

كاميلياس · 2015-01-07, 07:35

الله بارك يشهي يعطيك الصحة انت وصاحبة الوصفة

*أم ثازيري* · 2015-01-07, 08:23

امممممم يعطيك الصحة يبان بنييييين
انا نحب القاطو لي يتمرمد في الكونفيتير و النواه كوكو
بلاك هادا الشي يرجع طفولتي كانت ماما ربي يحفظها ديرلنا لي بول دو ناج اممممممم