همزة وصل بين المعلم والولي : في طبعته الثالثة

[ام سوسو*]

المشاركة الأصلية كتبت بواسطة ام الاحباب

اهلا بك ام سوسو....الكل في الهمزة يتكلم عن الامتحان المشترك الا نحن عملوا اختبارات عادية في قسمهم والمراقبين هم معلموهم

اهلا بيك أم الاحباب احنا كانه فحص و لي يحرسوا ليسوا من المدرسة و حتى التصحيح كذلك
المهم خلي الاولاد يتعود ولي يخاف يتدرب حتى وقت الفحص الرسمي

[wahibaazel]

السلام عليكم اخواتي ،الحمد لله خلصنا الامتحانات ،اللهم فرج كروب المهمومين امين.بنتي هالة سنة خامسة نقطتها في اللغة ماعجبتنيش تحصلت علي 8
، حابة نعرف منكم اساتذتنا الكرام وكل الامهات الي عندهم تجربة علي كيفية تحسين مستوي ابنتي في اللغة والفرنسية وخاصة الوضعيات الادماجية ،هالة عندها افكار مليحة وتركيب الجمل جيد،لكن مع التسرع عملت أخطاء إملائية وهكذا ضاعولها النقاط .تتسرع بزاف .انا قلت في العطلة نعطيها وضعيات ادماجية وتعبر.

[ام الاحباب]

نفس المشكل....لكن اذا حابة تشاركي معانا رانا نعملو وضعيات في الفرنسية لاولادنا ...كما انه مؤخرا اقترح لنا الاستاذ عبد الناصر-جزاه الله خيرا- وضعيات بالعربية ويقوم هو بتصحيحها ...رانا نحاولو جميع الطرق من اجل تحسين مستواهم ...ربي يوفقهم

[*أم سارة*]

ام سوسو وام الاحباب وام هالة كيف هي احوالكن...ام اسماء شكرا على الامتحانات ....ام هالة راهم الاخوات ماشاء الله عاملين مشروع مليح خاص بوضعيات الفرنسية متماشي مع البرنامج الدراسي الان متوقفين فقط بسبب الامتحانات ومن بعد ان شاء الله يستأنفوا مع مشروع جديد هو وضعيات اللغة العربية تحت اشراف استاذنا الفاضل عبد الناصر......ربي يوفق يونس نظن اليوم عندو امتحانات .....وان شاء الله تدخل الاخوات ام حذيفة وام أريج يطمنونا على امتحانات الاولاد.....ام باسط وام منى رانا نستناو بشوق نتائج الامتحان التجريبي ان شاء الله تكون مفرحة...........ام الاحباب فيما يخص الامتحان التجريبي نظن من تنظيم المفتش كاين اللي يديروه في كل فصل مرة معناها 3 مرات وكاين اللي يكون مرة واحدة او اثنتين وانتم نظن في نهاية السنة يعملولهم

[نخله.]

سلام عليكم

اعذرو غيابي مزالنا مع الاختبارات


اختبار الرياضيات سنه 4

[IMG][/IMG]


احمد ما لحقش يكمل الجوابين الاخيرين بسبه انو استعمل المسودة لاول مرة ههههههههه مانزيدش ننصحو بيها للكن المعلمة اشتكت سوء تنظيمو وصح لما نشوف ورقة اجابتو نحتار من المكعلمات كيفاش يقدرو يفهموها




الفرنسيه غدا والعربيه بعد غد باذن الله

[*أم سارة*]

اهلا اختي نخلة وبالتوفيق لاحمد في بقية اختباراته .....وقوليلو كل ما تكمل تمرين انقله باه اذا شفت الوقت ماكفاش التمارين الباقيين اكتبهم مباشرة......شكرا على امتحان الرياضيات ولو اني مازال ماظهرتليش الصورة نظن بسبب بطء الانترنت .....في اللغة وصيه اذا جاوه اسئلة النص ساهلين يجاوب مباشرة والاعراب كذلك اذا كان سهل بصح الفقرة لازم المسودة وكي يكملها يقرا التعليمة من جديد ويشوف الفقرة تاعو هل وظف المطلوب ام لا ان كان نعم يبدأفي نقلها على ورقة الاجابة

[serine alger]

المشاركة الأصلية كتبت بواسطة عماد الدين 14

السم عليكم ورحمة الله تعالى وبركاته
أتمنى أن يكون جميع أهل الهمزة بخير من أبناء وأمهات وآباء وأساتذة
أولا أقدم اعتذاري إليكم عن هذا الغياب المفاجئ والطويل وخاصة أمهات السنة الثانية تتقدمهم الأخت أم ياسين التي كنت قد وعدتها ببعض النماذج للوضعيات الادماجية في الرياضيات

وعليكم السلام ورحمة الله وبركاته
أهلا بالأستاذ**عماد الدين** أظن أنك تقصد ب**أم ياسين** أنا **أم يونس الذي يدرس السنة الثانية وام عادل الذي يدرس السنة الخامسة** يعني تخلطولك ياسين ويونس:d:d:d
بالنسبة لطلبي فلا تقلق ولا تزعج نفسك الحمد لله وجدت عدة وضعيات جيدة في المستوى ويونس تحصل في الاختبار على العلامة الكاملة. وهم الان ينتظرون المعدل والرتبة فقط.
بالنسبة لمشكلتك فمفتاحها هو الصبر والصبر ويجب دائما أن نتذكر النعم لتي نحن فيها ونقولو**الحمد لله .هكا ولا أكثر**. و عليك يا أستاذي بالدعاء.

[serine alger]

السلام عليكم.
كيف حال الأمهات؟؟؟؟؟
بصراحة أنا تهنيت بكري من الاختبارات. ولكن النتيجة بالنسبة لعادل لم ترضني تماما.
يوم الخميس كنت خارج البيت وعندما رجعت قابلني عادل. قالي ماما الرتبة تاعي الثانية .قلتلو**معليش** .ماشي لازم دايما الأول.
أنا صح قلتلو هاد الكلام ولكن بصراحة نطلع ونهبط في راسي ماعلاباليش كيفاش طلع المعدل تاع زميلتو أعلى منه .مع أنها الاختبار الوحيد اللي أخذت علامة أحسن منه هم التاريخ والجغرافيا ولم تتحصل على العلامة الكاملة يعني الفارق بسيط.
معدل عادل الفصلي هو 8.85 و زميلتو 8.95. بصاح اللي صبرني أن المعلمة لما عملت معدل الاختبارات الثلاث كان ترتيب عادل هو الأول بمعدل9.50.وزميلتو في المرتبة الثالثة.
علابالي تقولو مايهمش الرتبة بصاح صدقوني كيما حسبت مالقيتش الحل.

[serine alger]

المشاركة الأصلية كتبت بواسطة ام الاحباب

هذه اختبارات الفصل الثاني تع اسماء ان شاء الله تقدرو تطبعوهم لاولادكم ويستفادوا منهم علا بالي راهم معوجين بصح معرفتش نعدلهم.

أهلا بأم أسماء. شكرا على الاختبارات. زيديلنا تاع الفرنسية:d:d:d

[serine alger]

الخوامس/
هل علمتم أن هذه السنة توجد دورة واحدة فقط للشهادة؟
عندي يومين فقط اللي عرفت.
ما رأيكن هل هذا لصالحنا أو لا ؟

[عماد الدين 14]

السلام عليكم ورحمة الله تعالى وبركاته
أخواتي في الهمزة عيدكن سعيد
بداية شكرا لجميع من همه أمري وتضامن معي
أمهات تلاميذ الثانية إليكم اختبار اللغة العربية والذي سيكون يوم غد إن شاء الله للأمانة لقد نقلت النص من النت لأنه يتماشى مع المحاور التي درست في هذا الفصل أعجبني فأخذته وعدلت الأسئلة

النص

في مساء يوم الخميس ذهبت سلمى عند عمها في الريف، وفي الصباح خرجت مع هدى إلى الحقول القريبة من منزل عمها،رأت سلمى فراشة جميلة ،فجرت وراءها لتمسكها، وفجأة نظرت أمامها وقالت غريب: حجر يتحرك، تعالي يا هدى . جاءت هدى فضحكت وقالت : هذا ليس حجرا، إنه حيوان اسمه السلحفاة .

الأسئلة

-متى ذهبت سلمى عند عمها؟

- إلى أين خرجت مع هدى؟

- ماذا حسبت سلمى السلحفاة؟

2-أبحث في النص وأكمل الجدول

اسم اشارة / حرف نفي /اسم منون/ ضمير متصل /تاء مربوطة

3-أكمل الجمل التالية حسب المثال "هي ذهبت عند عمها"

أنتَ....................

نحن.....................

أنتم.....................

هو.......................

أنتن......................

أنتما......................

الوضعية الادماجية: أضع ليس، لم ، مثل ، كأن في المكان المناسب

......أر في حياتي حيوانا ......الذي رأيته في الحقل، أنا مندهشة كالذي لم ير حيوانا في حياته ، إنه حيوان و.....حجرا إنه السلحفاة. والفراشات ملونة ....ـها أزهار تتطاير في السماء.
يوم غد إن شاء الله سأحاول إحضار كراس أو اثنين لأعرض عليكم الإجابة علما في هذا المستوى أكتب الأسئلة على السبورة.
سلام

[ام الزهراء]

المشاركة الأصلية كتبت بواسطة ام الاحباب

شكرا ام اسماء على مشاركتنا اختبارات اسماء ان شاء الله نمد لابتهال تحلهم في اقرب فرصة .....راكي عارفة خارجين من فترة اختبارات والمسكينة تعبت كثيرا ما نيش حابة نضغط عليها خليها ترتاح شويا

المشاركة الأصلية كتبت بواسطة ام الاحباب

هذه اختبارات الفصل الثاني تع اسماء ان شاء الله تقدرو تطبعوهم لاولادكم ويستفادوا منهم علا بالي راهم معوجين بصح معرفتش نعدلهم.

عدليهم في جهازك قبل ما ترفعيهم العملية سهلة جدا

المشاركة الأصلية كتبت بواسطة ام الاحباب

اه نسيت......عيدكم سعيد يا نساء الهمزة ..

وعيدك اسعد .......لوهلة بقيت نتفكر وش من عيد تحكي عليه هههههه حنا من جماعة العيد عيدين اما صغير او كبير

شكرا على اللفتة الطيبة اخية

المشاركة الأصلية كتبت بواسطة ام الاحباب

اهلا بك ام سوسو....الكل في الهمزة يتكلم عن الامتحان المشترك الا نحن عملوا اختبارات عادية في قسمهم والمراقبين هم معلموهم

احنا عادي كيما متعودين يعني اختبارات عادية

[ام الزهراء]

المشاركة الأصلية كتبت بواسطة serine alger

السلام عليكم.
كيف حال الأمهات؟؟؟؟؟
بصراحة أنا تهنيت بكري من الاختبارات. ولكن النتيجة بالنسبة لعادل لم ترضني تماما.
يوم الخميس كنت خارج البيت وعندما رجعت قابلني عادل. قالي ماما الرتبة تاعي الثانية .قلتلو**معليش** .ماشي لازم دايما الأول.
أنا صح قلتلو هاد الكلام ولكن بصراحة نطلع ونهبط في راسي ماعلاباليش كيفاش طلع المعدل تاع زميلتو أعلى منه .مع أنها الاختبار الوحيد اللي أخذت علامة أحسن منه هم التاريخ والجغرافيا ولم تتحصل على العلامة الكاملة يعني الفارق بسيط.
معدل عادل الفصلي هو 8.85 و زميلتو 8.95. بصاح اللي صبرني أن المعلمة لما عملت معدل الاختبارات الثلاث كان ترتيب عادل هو الأول بمعدل9.50.وزميلتو في المرتبة الثالثة.
علابالي تقولو مايهمش الرتبة بصاح صدقوني كيما حسبت مالقيتش الحل.

معليش ام عادل الفرق ما هوش كبير بينه وبين الاولى قوليلو كيما قلت لابتهال حنا نخدمو على الشهادة مش الرتبة وقبل الشهادة النيفو باش كي تطلع للمتوسط تلقى روحك مليح

ابتهال ايضا حاكمة كرشها النقاط بينها وبين زميلتيها الي متعودين يراجعوا مع بعض راهم تقريبا كيف كيف تبقى نقاط التقويم هي الفاصل

كاين وحد الحكمة دايما نقولهالها منذ ان كانت في السنة الاولى

من الصعب ان تصل الى القمة لكن الاصعب ان تحافظ عليها

[ام الزهراء]

المشاركة الأصلية كتبت بواسطة serine alger

الخوامس/
هل علمتم أن هذه السنة توجد دورة واحدة فقط للشهادة؟
عندي يومين فقط اللي عرفت.
ما رأيكن هل هذا لصالحنا أو لا ؟

هههههههههههه صباح الخير

الامر من وجهت نظري ما هوش في صالحنا ....قوليلي وعلاش ؟

لانه ولكي تكون نسبة النجاح عالية ويتباهو بها ككل عام لازم امر من اثنين

يا اما يكون ساهل ماء وبنتي واغلبية النجباء ما يلقاوش رواحهم في الساهل

يا اما يعاونوهم لكي ينجحوا كامل وايضا هوما ما يحبوش الي يعاونهم ويحبوا يخدموا بذراعهم وراح تلقاي الي متعود على معدل 6 قد يفوق معدله 9

[*أم سارة*]

ام عادل راني حاسة بيك بخصوص المعدل خاصة اذا تعود يكون دائما في الرتبة الاولى بصح نتي قوليلو انت تمتحن في المواد الثلاث الاساسية وهذي راك فيها الاول ماشاء الله وتخلفها في الفصل الثالث والشهادة اذا كتب ربي...اذا كان حصل على المرتبة الثانية من قبل راه ينسى بسرعة بصح اذا كانت اول مرة هنا يجي دورك باه ماتبقاش تحرق في قلبو قوليلو المهم معدل المواد الثلاث+انت طول عمرك متفوق كي تنزل مرتبة واحدة مافيها والو مازلت متفوق+انا فرحانة بيك وراضية على معدلك وبيناتكم فقط اجزاء....وفرحيه بهدية تشجعو ولا خرجة لمكان يحبو....بخصوص زميلتو صراتلي حكاية مثلها لكن مع زميلة لبنتي كانت معاها في القسم ومنافسة قوية وراحت للقسم الثاني الفصل اللي فات كانت هي وبنتي يحكو لبعضاهم على النقاط كانو مثل بعض لكن في الفرنسية الزميلة ادات نقطة ضعيفة وبنتي ادات 10 في الفرضين و9 في الاختبار ولما حسبو المعدلات كلاهما اداو 9 فاصل لكن زميلة بنتي تفوقت بالاجزاء وادات اعلى معدل في الروابع رغم ضعيفة جدا جدا جدا في الفرنسية ونقاطهم في العربية نفس الشئ واكتشفت ان المعلمة تاع قسمهم تمد 20 في التقويم بينما معلمة بنتي بين 16 و18 للمتفوق