مرحبـأً
جزاكي الله خيـرا على الموضوع المحـفز{ اكثـرو لنـا هذه المواضيـع حتى لو كانت تحمل نفس الافكار او حتـى مكررة
بالنسبـة ليـ تبدا الدراسة يـوم 7 سبتمبر من اقتناء الادوات والكتب والبحث عن المراجع والتعرف على الاساتذة ومكان الجلـوس + صديقة الجلـوس ...
فقط يوم 7 سبتمبر { مع ان عطلتيـ كانت راحة وفقط }
اقتباس:
المشاركة الأصلية كتبت بواسطة أَوْتَآرُ الأَمَلْ
|
سـلــــامٌ جميـــــلْ
بارك اله فيـك اختي على النصائـح القيـمة
كل نصيحة قدمتيها من ذهب وانا اوافقك الراي في كل كلمة
لديـا استفسارات كثيـرة وكنت ابحث عن الشخص المناسب اظنـهُ انتيـ ِ {لـا اقصد الاساءة الى اي احد ف كل عضو في الجلفة وفى وكفـى بالنصائح وما الـا دلك لكن ... }
اقتباس:
المشاركة الأصلية كتبت بواسطة lamismissa
سلام عليكم
انا بصراحة نجحت لباك هاد لعام الحمد للله جيت نطفل عليكم
اسمحولي "فت بلا عرضة "
راكم فكرتوني بروحي نشفى كيما لوقت هادا كنت متحمسة وقاتلني الفضول والله تبالي احساس مشترك
ومزال تشوفو حوايج عام الباك "خلعة فرحة ستراس" متتقلقوش كامل يفوت
ماتهملوش قرايتكم
نظمو وقتكم "ماديروش كيفي نقرى على هوايا "
استمتعو بوقتكم لازم ديرو شوي طوايش صغار باش يجيكم لعام حلو "مش كامل راح تفهموني غير لي جايبها نص نص قراية وتمسخير "
ماتنساوش تخليو دكريات مليحة مع زملائكم واصدقائكم والاساتدة تاعكم
راكم تتفرقو كي تروحو للجامعةكل واحد مكتوبو بجهة
تعلمو تصبرو ممكن تتعبو وماتنالوش في الثلاثيات """روحو لمواضيعي فيها شوي نبدة على البكالوريا """ مي في لباك ان شاء الله كامل تفرحو غير اللي ماحبش
حداري التكاسل والتاجيلات راهو يلحق لباك وماديرو والو
وحداري ماتفهموش حاجة في القسم تقول ومن بعد ف الدار نعاودها ولا ف ليكور لازم كلش في لقسم داااار خلوها للمراجعة برك
ايه قريب نسيت اهتمو بصحتكم وكولو مليح متخمموش بزاااف خليو لا بيتي مفتوحة باش تقدرو تاكلو وتقراو باسكو راكم تسهرو
ايه توكلو على ربي هو لول ولخر هو لي يعاونكم وهو لي ينجحكم بيانسور بعد ماتتعبو
بانسبة للقراية في المجموعات انا شخصيا ضدها كل واحد يقرى وحدو صح مليحة لمناقشة وتبادل الافكار بصح لوقت لي رانا فيه متقدر دير كونفيونس حتى في واحد (كاااامل يحبو الاستغلال كي تجي تقلرى يحب هو ولا هي الي تقرى معاه غير لحاجة الي ناقص هو ولا هي فيها ومايحطش بلي حتى انت عندك حاجة ولا زوج مافهمتهمش )
المهم هدا مجرد راي "اقبلوها مني " (كيما يقولو الي فاتك بليلة فاتك بحيلة ) ههههههه
حطو هدف حابين توصلولو وبداو قراو باش يتحقق وان شاء الله تقدرو ومكانش المستحيلة واصلا نزيدلكم حاجة لباك زي صدقوني غير حاجة خلاف الي مالفين بمعدلات كبيرة كاين اللي مالفين يديو مليح هبطو والي مسكين قدو قد روحو طلع ودار حاجة كبيرة
اواخير نوصيكم ماتتغيبوش على دروسكم في الثاناويات (ساعات تمارين ف لباك تجي حول ملاحظة قالهالك الاستاد في حصة من الحصص ) كل حصة وكل دقيقة في المؤسسة عندها قيمتها ) ونقسو من اسباب الغيابات (الامراض -التاخرات -المشاكل مع الاساتدة )
راني كثرت لهدرة علابالي بالمناسبة اي استفسارات انا في الخدمة وبالتوفيق
كانت معكم طالبة طب اسنان ادعيولي بالتوفيق
ا
|