الدرس التاسع والعشرين من دورة تعليم الحلويات

islam1aya · 2012-06-23, 00:13

السلام عليكن اخواتي

انشاء الله تكن في احسن حال

سنواصل دروس الدورة

مع الدرس التاسع والعشرين

حلوة تقليدية جزائرية

وهي الشاراك

رايحة نقدملكم الشاراك قلاصي والشراك مسكر
مقادير العجينة
3

كيلات فرينة
1
كيلة ليدام سمن وزيت
ويكون السمن اكثر من الزيت
يعني فوق النصف سمن والباقي زيت

ربع كيلة سكر قلاص

كيلة ماء زهر مخلوطة مع 2ملاعق كبار حليب غبرة

قرصة ملح وفاني بودرة

طريقة التحضير
نخلط السكر والفرينة والفاني ورشة الملح ونبسسها مليح براحة اليدين

نضيف ليدام يكون بارد

ونلم العجينة بكيلة الماء الزهر مخلوطة بالحليب باودرومانعجنش ابدا العجينة فقط نستعمل الاصابع باش ندخل الماء الزهر في العجينة ونتركها ترتاح

مقادير الحشوة
2
كيلات لوز اوكاوكاو معالج هنا الرابط
https://www.djelfa.info/vb/showthread.php?t=1001609
1
كيلة سكر عادي
ناقصة شوية
فاني

قطرات عطر اللوز اذا استعملت الكاوكاو معالج

ملعقة زبدة ذايبة

ماءزهر

نقسم العجينة الى كريات حجم الواحدة 32غ واذا ماعندكش ميزان استعملي علبة الفاني الصغيرة في الحجم عمريها بالعجينة تكون بومبي وكيلي بها باش اجوك الحبات حجم واحد

نشكل حرابش صغار من الحشوة وزن الواحد 13 غ ويكونو بهذا الشكل

نخذ الكرة من العجينة ونشكل حفرة بالاصابع ونحط الحشوة والصورة توضح

نقفل العجينة

نتركها بومبي في الوسط ونحلها شوية في الطراف

نعطيها شكل الهلال ونوقفها جيدا باليد

نتحصل على هذا الشكل

نحطهم في سنيةونطيبهم في فرن مسخن 180 درجة

نحضر ورود التزيين بعجينة اللوز التي تباع في الاسواق ونتركهم ينشفو في الثلاجة

مقادير الطلية

بياض بيضة
1
كيس سكر قلاص

كاس شاي ماء الزهر

نصف كاس شاي عصير ليمون

طريقة التحضير نحط السكر مع بياض البيضة وقليل من الليمون وقليل نمن الماء الزهر ونتحصل على عجينة من السكر نعجنها جيدا كاي عجينة نعجنها لبضعة دقائق

هاهي عجينة السكر

ثم نبدا نضيف الليمون والماء الزهر ونخلط باليد ابدا لانستعمل الخلاط

رايحة تتشكل فقاعات يعني تدخلي الهواء في الطلية الشيء الي يخليها طرية لمدة طويلة

تلونها باملون مخلوط بماء الزهر
واذا شفتها جارية شوية زيدلها السكر حتى تحكم مليح روحها وتطلي الحبات وتزيني بالورود
وتحطي الحبات ينشفو فوق الشبك

بعد ماينشفو امسحيهم باناكري بواسطة اسفنجة

بالنسبة للشراك مسكر تغربلي في جفنة كمية من السكر وتحطي حبات الشراك بعد ماتكوني غطستهم في الماء الزهر وقطرتهم ثم غربلي عليهم كمية اخرى من السكر وتعملي شكل قبة من السكر فوق الحبات ثم تجبدي بالحبة وتسكرهم بعدها تمسحي الحبات بقفاز او بكيس بلاستيكي

طريقة التقديم

تقدم الحبات في كيسات المادلان حجم كبير ودونتال حجم كبير

انشاء الله اجربوه وينال اعجابكم راه مبسس ويذوب في الفم
لاتنسوني بدعواتكم راني محتجتها في هذه الايام
واسمحولي اذا غبت عليكم لان النات مقطوعة في بيتي
تحيات اختكم ام اسلام واية ويوسف

lyna38 · 2012-06-23, 00:47

ررررررررررررراااااااااااائع عزيزتي
بارك الله فيك
و الله انولك لي في بارك
الله يعطيك ما تتمناي
امين

sabahs · 2012-06-23, 01:03

الله يعطيك الصحة
ربي يسهلك في لبالك ياربي

manoula23 · 2012-06-23, 07:10

يعطيك الصجة

salima 1984 · 2012-06-23, 07:15

جزاك الله خيرااااااااااااااااااااا

بشرى2008 · 2012-06-23, 07:45

بارك الله فيك

رفيدة08 · 2012-06-23, 08:05

يعطيك الف عافية

faizarbh · 2012-06-23, 08:33

بارك الله فبك ام اية روووووعة الله يبارك ما عندي ما نقول ربي يشدلك الاولاد و يحفظهم من كل سوء

meriama13 · 2012-06-23, 08:39

الله يبارك الوصفة جات في الوقت
نجربها ان شاء الله

yousra26 · 2012-06-23, 08:52

omchifa · 2012-06-23, 10:57

يعطيك الصحة هايل لم افهم مامعنى امسحيهم باناكري

amel1994 · 2012-06-23, 12:01

thanks

أم التوأم · 2012-06-23, 12:02

الله يبارك ربي يخليلك الأولاد والله تعرفي علاء نجح وكنت حايرة واش نديرلو باش نشجع وهو يحي حلويات الشكلاطة والتشاراك رايحة نديرها بذن الله ربي يعطيك ما تتمناي يا العزيزة ويفرحك باسلام وأية ويوسف قبلاتي الحارة

mimi53 · 2012-06-23, 13:25

الله يبارك يعتيك الصحة حبيبتي ربي يخيك

الواثقة بالله 23 · 2012-06-23, 14:57

الله يبارك روعة يسخفو

ديت من عندك عدة أفكار رح نعتمدها كي نجي نخدم التشاراك في المستقبل

بارك الله فيك و ربي يحلي أيامك