أيهما تتزوج : فتاة جامعيـة أم منزليـة؟

[وهراني 31]

بسم الله والحمد لله

السلام عليكم

بدون لف ودروان

وبدون مقدمات ولا مؤخرات

أريد جوابا صريحا ولا رجعة فيه

سؤالي : أيهما تتزوج : فتاة جامعيـة أم منزليـة؟

و السؤالُ ناتجٌ عن حوار دار بيني وبين بعض الاخوة وكان الحوار جد ساخن

لهذا عدت اليكم لاطرح هذه الفكرة وهذا الحوار

اليكم الخط

[We Just Don't Care]

أدرس في الجامعة

وأرى العجب العجاب

وتسأل هذا السؤال

بالنسبة لي أبحت عن ماكثة بالبيت تكون متدينة وعلى اخلاق ومن عائلة محافضة

الجامعية تكثر عليك الجدال والمراء لانها تعتبر نفسها متفتحة ومتقفة وقد تتطاول عليك بما لديها من معرفة وتعتبرك ادنى منها تعلما

هده نصيحة لمن اراد النصيحة الزواج اياك تم اياك من الجامعية

[ولد حمد الباتني]

المهم متربية وبنت أصل
ولا يستلزم جامعية انها راح تخدم

[عفاف عفة]

المشاركة الأصلية كتبت بواسطة we just don't care

أدرس في الجامعة

وأرى العجب العجاب

وتسأل هذا السؤال

بالنسبة لي أبحت عن ماكثة بالبيت تكون متدينة وعلى اخلاق ومن عائلة محافضة

الجامعية تكثر عليك الجدال والمراء لانها تعتبر نفسها متفتحة ومتقفة وقد تتطاول عليك بما لديها من معرفة وتعتبرك ادنى منها تعلما

هده نصيحة لمن اراد النصيحة الزواج اياك تم اياك من الجامعية

السلام عليكم ....
أخي الوهراني موضوع جد ملفت بارك الله فيك .....بما أنو موضوع مخصص للرجال ...مي اسمحلي ندخل وما نزيدش نعاود
والله هذا الرد قاسني بزاف ....خويا علاه بنات الجامعة غوالا؟ ..والله غير راك غاااالط ....وبش نقلك الجامعيات برك متعودين على نمط عيش معين ....مي في تصرفاتها مع الناس ولا مع أي كان تلقاها صح متفتحة وماراهيش رايحة تبهدل بيك كي تكون مرتك ...ونعطيك معلومة على الماكثات في البيت((ماشي كامل)) صدقني كل الأعمال الشيطانية تعرفها و ديرها في حياتها لانو حياتها فراغ ماعندها حتى حاجة تقوم بيها ....أكيد ماكانش طفلة في الدنيا رايحة تقعد 24/24 ساعة تذكر وتقرا في القرآن ووووووو......وأنا علابالي بويسك نعرف شي بنات 《《《ماكثات في البيت》》》
الجامعية للي راكم تعايرو فيها .....من أكثر الناس للي يعرفو شرع ربي ويطبقوه ...ومن أكثر الناس حرصا على أخلاقها وتصرفاتها ...وكلامها ....والمظاهر خداعة إذا كنتو تشوفو للباس تعهم
وهذيك الفئة القليلة تع بنات الجامعةكيما تسموهم نتوما ...من عئلاتهم تعرفهم ....إذن أنصحك الأخ بمراجعة حساباتك ...ورح تلقا كلامي صح 100%
اسمحلي خويا الوهراني على التدخل
في أمان الله

[سآجدْ للهْ]

انا مفهمتش علاش تحكمو دائمـًـآ على الكل
راهو ما يصلحش راهي أعراض الناس مهوش تمسخير
وهذا الحكم على الكل يعبّر على طبيعة العقلية طبعًآ..
الرسول عليه الصلاة والسلام..قالك <<إظفر بذات الدين تربت يداك>>
تربح !
لا جامعية ولا منزلية مبقاتش حكاية اخرى
عطاك من لخّـر ذات الدين هي لي تعمر العين ,, نقطة .

[Adnou Eclypse]

اولا انا ضد عقلية التعميم مع انه صحيح و من الواقع ان 85 بالمئة من الجامعيات ما يصلحوش لراس بصلة ، لكن كل طفلة و دينها و عقليتها و مبادئها و ظروفها و قصتها ، سواء كانت جامعية او منزلية كيما قلتو ، ممكن جامعية تلقاها دير كلش و ممكن ايضا تلقاها محافظة و مدينة ، كيفها كيما المنزلية ، صح اكثرهم خطيهم المشاكل لكن كاين ايضا لي يديرو عجب العجاب ـ الخلاصة: جامعية ام لا ، ما هوش المعيار الوحيد لي نحكمو عليه بل كاين الدين و التربية و الاصل و الاخلاق

بالنسبة لسؤالك : أيهما تتزوج : فتاة جامعيـة أم منزليـة؟

نشا الله فتاة متدينة جامعية بعقلية فتاة منزلية لكن كل وقت و وقته ، حنا اليوم حايريين في مصروف جيبنا و انت تحكيلنا على الزواج ، ايييييييييه

[أم عابد]

السلام عليكم
اسمحولي حبيت نعطي ةجهة نظري ,كيما قالت الاخت من قبل وشبيهم الجامعيات الحمد لله انا و اعوذ من كلمت أنا متخرج من الجامعة و اﻵن راني حاكما داري و قبل منتزوج رفضت العمل في اماكن مش ملائمة للمراة من وجهة نظري
يا اخوتي جامعية او لا ماشي معيار , معيار الطفلة اخلاقها تربيتها اهلها كيفاش رباوها اما الجامعة عمرها مربات, تروحلها الطفلة و حتى الولد كبار مش صغار ,لي يعمل اشياء مش ملاح تكون نقصاتو تربية من الاساس ﻷنو حتى لي مراحتش للجامعة و تحب تنحرف ساهل الحال
السمحولي على التدخل ربي يثبتنا العقل و الدين

[راية الاسلام1]

السلاااااااااااام عليكم
فتاة جاامعية لكن تمكث بالبيت بعد الزواااج يعني بدوون عمل

استغرب حقا ربما هناك منكم من يعتبر الدين كاول شرط، لكن ما اراه حقا في وااقعي الذي اعيشه هو العكس تماما بنات الاصل عوانس بينما بنات الحراام متزوجاات؟؟

تعيبون الجامعيات، واخواتكن وبناتكن سيصبحن يوما ما جامعيات، بل وستتزوجون الجامعيات ؟؟؟

[Adnou Eclypse]

المشاركة الأصلية كتبت بواسطة راية الاسلام1

تعيبون الجامعيات، واخواتكن وبناتكن سيصبحن يوما ما جامعيات، بل وستتزوجون الجامعيات ؟؟؟

الاخت ، بشوية برك و راجعي نفسك و راجعي الردود ، من اعاب على الجامعيات ؟؟ ، راجعت كل الردود و لقيت مشاركة وحدة لي ضد البنت الجامعية ، بصح انت اك جمعتي و بديتي دخلي في الاخوات و البنات ...الخ ، درجة درجة برك

[aymen1992]

المهم عندي .......... الدين و الاخلاق

[محمد جديدي التبسي]

نريد فتاة يكون همها الآخرة ولا تهتم بالدنيا وزخارفها قد تكون جامعية لم لا؟!

[محمد جديدي التبسي]

المشاركة الأصلية كتبت بواسطة عفاف عفة

ونعطيك معلومة على الماكثات في البيت((ماشي كامل)) صدقني كل الأعمال الشيطانية تعرفها و ديرها في حياتها لانو حياتها فراغ ماعندها حتى حاجة تقوم بيها ....أكيد ماكانش طفلة في الدنيا رايحة تقعد 24/24 ساعة تذكر وتقرا في القرآن ووووووو......

عندي زميل متزوج منذ أزيد من عشر سنوات وزوجته ماكثة في البيت يخبرني أن زوجته لا تكاد تجد وقتا لتعتني بنفسها من كثرة أشغال البيت والاعتناء بالأبناء ..إذن كيف يكون لديها وقت وفراغ ربي يهديكم يا بنات ؟!!! يا ليتكم تلقوا وقت لتهتموا ببيوتكم قبل أن تتغنوا بالجامعة والدراسة والعمل في الاختلاط؟!!

[" أبو عبود"]

ماكثة ماكثة متكثة ولم تر الدامعة اقصد الجامعة. نحن لا نحكم لا على الجامعيات بالفساد ولا على الماكثات بالاخلاق لكني اريدها ماكثة

[mobilisoud]

pour moi, l'essentiel ce que elle doit avoir un certain niveau d''étude

[عفاف عفة]

المشاركة الأصلية كتبت بواسطة محمد جديدي التبسي

عندي زميل متزوج منذ أزيد من عشر سنوات وزوجته ماكثة في البيت يخبرني أن زوجته لا تكاد تجد وقتا لتعتني بنفسها من كثرة أشغال البيت والاعتناء بالأبناء ..إذن كيف يكون لديها وقت وفراغ ربي يهديكم يا بنات ؟!!! يا ليتكم تلقوا وقت لتهتموا ببيوتكم قبل أن تتغنوا بالجامعة والدراسة والعمل في الاختلاط؟!!

لا إله إلا الله محمد رسول الله ...يا أخي أولا أنا هدرت وأكدت أنو ماشي كامل لبنات للي في الدار يعني استثنيت البعض ....ثانيا مانيش نهدر على المرأة المتزوجة بل العزباء ...وكامل علابالنا بللي المتزوجة عندها بزاف الواجبات والاشغال عكس للي ماهيش متزوجة ........وكل كلمة هدرتها أنا متأكدة منها ومعايشتها ثاني مانيش نجيب من راسي ...
وأنا طالبة جامعية راني قريب نكمل عامي اللول ورايحة نكمل إن شاء الله عامين جايين وأنا فخوووورة جدا لأني لحد الآن مازالني ماخالفتش شرع ربي وما خالفت حتى مبدأ من المباديء للي رباوني عليها والديا والحمد لله ...وأيضا فخورة أنو عندي مستوى جامعي ......وهذيك الامور تع البيت وكلش راه يجي وقتها
دمت في رعاية الله أخي ....إحترامي لك ^_^