موضوع مميز كوزينة حراير المنتدى - الصفحة 44

البدرية · 2018-09-11, 16:01

السلام عليكم ورحمة الله وبركاته

اخواتي ان شاء الله تكونو كلكم بافضل حال اللهم بارك على واش حطييتو كل واحدة باسمها النت راهي ضعيفة عندي ان شاء الله نرجع ونحط الصور

رزيقة مرحبا بك عودا حميدا اضن البلد هو المغرب والله اعلم بلاد امي الحبيبة ننتظر منك الاجابة

انا هي رزيقة · 2018-09-11, 17:47

مساء النور فحلاتي الطيبات ....وليت نشوف شحال وصل عدد المشاركات في المسابقة لقيت موصلتوش الكوطا باه نمد الاجابة ..... خخخخخ اختي البدرية سلميلي بزاف بزاف على ماماك و الله احسن و اطيب ناس .... دوك فهمت منين كنتي تسلتهمي تحفك المطبخية ذاك الشبل من ذاك الاسد ... ربي يحفظهالك يا رب و يحفظ كل الامهات الطيبات .... حيوتة بنت خالتي بصحتك البركوكس مسبقا متنسايش تصوريلنا ......ياك رايحة تديريه بالجاج ياي سخفت مسبقا.... خخخ خخخ مع اني كليتو في الفطور بصح بالقديد و سلامك يوصل لام حسام ان شاء الله... ريمة الريمات يا ريمة يادرا وش رايحة تحطيلنا عشا اليوم........ انا حضرت االصباح صوالح البوراك العنابي و رايحين نرافقوه بالشربة اذا حب ربي

انا هي رزيقة · 2018-09-11, 17:50

[size="5"]نزيد نحطلكم بعض الصور من تلبازي على قول ملوكتي الشاوية الانيقة و نخليكم في امان الله ... بصح متنساوش راني نستنا في مشاركتكم في المسابقة ..نبدا بتارت التفاح تاعي الغنية عن كل تعريف .....خخخخخخ[/size]طعام غني عن كل تعريف ايضا ....خخخخخخخ و حساء خضار و شكشوكة و بوراك يعني خفوفي في خفوفي كي العادة او لعوايد .....

انا هي رزيقة · 2018-09-11, 17:57

ااترككم في امان الله .... تهلاو في رواحتيكم و في حبابكم فحلاتي الطيبات ... غدوة اذاا حب ربي نعطيكم الاجابة ....... خخخخخخخخ حيوتة بلاكي لمن تبيعي .......خخخخخ

omhadil · 2018-09-11, 20:33

السلام عليكم ورحمه الله تعالي وبركاته
يعجز اللسان عن التعبير من كثرة شوقي ليكم والله توحشتكم اخواني الغاليات
وربي عالم سبب غيابي
مي كاين حاجه والله دايما كنتو فى بالي
جاني لا نسيتكم وراكي ننساكم
نحا حي ننسا هذا المنتدي الجميل لي تعلم منو الكثير وكان ولا يزال بيتي الثاني
تحيه للجميع
توحشتكم بزاف
ياغلي الإخوات

طيور الجنان · 2018-09-11, 21:10

[b]صح عشاكم حبيباتي.
حيوتة اشفاي عليها ماحبيتيش تحكي معايا المهم راني ديت بوزلوف زكارة فيك هههههه ربي يحفظ ريحان و ينجح وليداتنا كامل ان شاء الله.
رزيقة اممممم على الاطايب ماشاء الله و نظن البلد هو المغرب و الله اعلم.
[ ابتسامة معرفة خير اختي والف مباااارك الخطبة ربي يهنيك ان شاء الله.
ام يوسف ام هديل ام نورالدين فاتي نهال سحابتي ام هدول واللي نسيتها تسمخلي نخبكم كامل كامل /b]

فاتي 05 · 2018-09-11, 23:01

مساء الانوار على الجميع كلش يشهي كل وحدة باسمها الله الله عليكم يالفحلات
جبتلكم آخر اعمالي الفنية بريوش روسي Brioche Russe اقل ما يمكن القول عليه رائع بشهادة الجميع و الصورة تتحدث عن نفسها تفضلو
و اكيييييد مع شوية تحريفات مني

فاتي 05 · 2018-09-11, 23:03

اسمحولي لبنات مانيش نراجع هاذ ليامات ما عنديش وقت الله غالب بصح علابالي تكونو بدعتو كي عوايدكم الله يدوم النعمة على الجميع و حفظها من الزوال انشاء الله

حياة نور الدين · 2018-09-12, 00:24

السلام عليكن

سعسدة اسمحيلي اسمحسلس اسمحسلس وهدس بووووووسة على جبينك والله كنت متاكدة انه نسيت واحدة البارح والقاطوات رووووعة ربي يبارك فيك وتوحشششششششششششتك واش راكي واش راهم وليداتك والامور يا درا اخر مرة كان مريض والعفو منك مرة اخرى

البدرية مرحباااا بك جبيبتي هدي غيبة واش راكي

رزيقة امممم توحشت اطباقك والله مرة مرة نحلم انه دخلت ونلقاك حاطة حاجة مرة حلمت بالبيتزا حتى حطيتيها غدوة هههه وراني صورت البركوكس لعيونك

فاتي ابدعتي حبيبتي يعطيك الصحة وحطيلنا الوصفة حبيبتي وربي يقدرك

ام هديل اهلااا واش راكي حبيبتي لك وحششششة واش راهم وليداتك

حياة نور الدين · 2018-09-12, 00:36

رزيقة وكل محبي البركوكس تفضلن

انا هي رزيقة · 2018-09-12, 10:27

السلام عليكم ...نهاركم سعيد و مبارك فحلاتي الجميلات.......دخول سريع مقبل متتراكم عليا الخدمة.....جيت نحط نتائج المسابقة...... ريمة الريمات و البدرية و سعيدة ماشاء الله عليكم لجنة التحكيم عطاتكم العلامة الكاملة... فعلا الحصريات المطبخية من جارتنا الشقيقة المغرب المشهورة بشهيواتها الطيبة و المغرية و هي الحريرة و الله يا بنات ذوقها رائع فعلا و البريوات و السيغار كيما يقولو هما ....خخخخخخخ و طاجين الكفتة الغني عن كل تعريف ....استمتعنا فعلا ...هذا زيادة عن طيب ناسها و حسن ضيافتهم .......و هكذا انتهت مسابقتنا في انتظار مسابقات اخرى ان شاء الله ......خخخخخ حيوتة بنت خالتي يا كريمة يا بنت الكرام الف شكر على البركوكس ....ربي يباركلك في ذوك اليدين حبيبتي ..
الفين هلا ا اختي ام هديل على سلامتك حنونة

انا هي رزيقة · 2018-09-12, 10:33

الناجحات في المسابقة هيليك جائزتكم...... بوراكة بنينة لكل وحدة منكم ......خخخخخخخخخ

انا هي رزيقة · 2018-09-12, 10:37

حيوتة بنت خالتي منسيتكش راني خليتلك حقك تع البوراك فقط اصبري عليه كي يطيب نحيه من المقلة و استمتعي بيه انتي و الاولاد ......خخخخخخ

انا هي رزيقة · 2018-09-12, 10:38

نخليكم في امان الله يا بنات او متنساوش تتهلاو في ارواحتيكم و في احبابكم

RIMA.87 · 2018-09-12, 13:03

السلام عليكم ورحمة الله وبركاته
مشكووورة على الجايزة يا رزيقة ...اممممم بنينة هههههه
بصحتكم التحويسة و ممكن تقوليلي واش هاداك لي درت عليه دايرة بالاحمر ...خخخخ

حيووتة بصحتكم البركووكس ...شهيتينا راهو بالطبع و البنة تعيط ...خخخخخ

سعيدة( طيورالجنان )اسمحيلي نسيت نرحب بيك و نشكرك على حلوياتك و ان شاء الله الاولاد بخير و لا تحرمينا من اطايبك و مشاركاتك الطيبة.