همزة وصل بين المعلم والولي : في طبعته الثالثة - الصفحة 214

yacidani · 2014-12-18, 10:00

اقتباس:

المشاركة الأصلية كتبت بواسطة serine alger

السلام عليكم ورحمة الله وبركاته
أرحب بكل الوافدات الجدد فأهلا وسهلا بكم في بيتكم الثاني.ومبارك لكل الأطفال اجتهادهم والعطلة.
اليوم اخر يوم للدراسة في هذا الفصل وبداية العطلة لأنه غدا ان شاء الله لا توجد دراسة.الأبواب مفتوحة للأولياء لزيارة المعلمين.
اليوم وأنا فرحانة على يومين نروحو لأهلي لقضاء العطلة.للأسف حدث مالم يكن في الحسبان /
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.

طهور ان شاء الله أخت سرين

قدر الله ما شاء فعل و كل عطلة فيها خير ..هكذا كي تروحي عند أهلك تقعدي برك و هوما يخدموا عليك:d

أمزح أختي ربي يشافيك
[

yacidani · 2014-12-18, 10:09

اقتباس:

المشاركة الأصلية كتبت بواسطة أبو ياسين29

السلام عليكم
أقدم لجميع أعضاء همزة وصل أول ـ وضعية إدماجية ـ لإبني ياسين
و ها نحن نلتحق بالركب و كم أتمنى أن تعلق النجيبة خوخة على هذا الأمر

ياسين يسميها قصة يمليها علي من خياله و بعد طباعتها يتعلم كتابتها و تعلم أيضا أن يعنونها و هكذا أشجعه على التعبير الشفوي و الكتابة

عليكم السلام أخي الكريم

ما شاء الله على ياسين ربي يفرحوا و ينجحوا هكذا منا حتى السنة الخامسة يكتب روايات ربي يحفظوا هذا ثمرة جهد الذي تبذله لنجاح ابنك تحية كبيرة لك و لأمه و الوالدة ربي يخليكم مع بعض

kahinab · 2014-12-18, 10:29

اقتباس:

المشاركة الأصلية كتبت بواسطة serine alger

السلام عليكم ورحمة الله وبركاته
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.

طهور إن شاء الله قدر الله و ما شاء فعل
أبروفيتي و تفششي شوية

kahinab · 2014-12-18, 10:31

اقتباس:

المشاركة الأصلية كتبت بواسطة أبو ياسين29

السلام عليكم
أقدم لجميع أعضاء همزة وصل أول ـ وضعية إدماجية ـ لإبني ياسين
و ها نحن نلتحق بالركب و كم أتمنى أن تعلق النجيبة خوخة على هذا الأمر

ياسين يسميها قصة يمليها علي من خياله و بعد طباعتها يتعلم كتابتها و تعلم أيضا أن يعنونها و هكذا أشجعه على التعبير الشفوي و الكتابة

ما شاء الله ربي يحفضو
أخي خبيلو هذ الوضعيات الأولي كذكريات في كراس خاص سيفرح بهذا الإعتبار
هكذا فعلت مع محمد

أبو ياسين29 · 2014-12-18, 10:33

أرفع لكم اليوم آخر تعلمات إبني في هذا الفصل الأول،
ـ نتائج درس الأحاد و العشار

ـ نتائج الأعداد الناقصة

أبو ياسين29 · 2014-12-18, 10:36

اقتباس:

المشاركة الأصلية كتبت بواسطة yacidani

عليكم السلام أخي الكريم

ما شاء الله على ياسين ربي يفرحوا و ينجحوا هكذا منا حتى السنة الخامسة يكتب روايات ربي يحفظوا هذا ثمرة جهد الذي تبذله لنجاح ابنك تحية كبيرة لك و لأمه و الوالدة ربي يخليكم مع بعض

-------------------------------------------------------------------

شكرا لك أم ياسين و إن شاء الله مثل هذا اليوم نقرأ وضعية دانية فقط قوليلها زيري روحك

أبو ياسين29 · 2014-12-18, 10:43

اقتباس:

المشاركة الأصلية كتبت بواسطة kahinab

ما شاء الله ربي يحفضو
أخي خبيلو هذ الوضعيات الأولي كذكريات في كراس خاص سيفرح بهذا الإعتبار
هكذا فعلت مع محمد

----------------------------------------------------------

مشكورة أم محمد و إن شاء الله يتميز سي محمد و يحمل مشعل همزة وصل

و نخبرك إبني راه داير كراس الأفكار و يكتب فيه مواضيع مثل هذه و هو جد متحمس للتجارب الكيميائية
لأني سبق و أن حدثته عن تجربتي يوم حاولت فصل الهيدروجين عن الأوكسجين مستعملا تجربة Electrolyse
و وقع إنفجار بالبيت و ديت فيها طريحة من عند الوالدة لا زلت أتذكرها و منعت من البقاء لوحدي في المطبخ

ombouchra · 2014-12-18, 11:05

اخي ابو ياسين
ما شاء الله على ياسين ربي يفرحك بيه ويخليه ذخر للامة (قولو خير عالم ولا اديب_)
هههه ضحكتني اخي وخليتني نتفكر صغري ااااه كنت نموت على التجارب الكيميائية .......حتى درست بيولوجيا و درت تخصصBiochimie
لكني ما خدمتش .....مكتوب ان شاء الله نعوضوها في اولادنا

yacidani · 2014-12-18, 11:09

اقتباس:

المشاركة الأصلية كتبت بواسطة أبو ياسين29

----------------------------------------------------------

مشكورة أم محمد و إن شاء الله يتميز سي محمد و يحمل مشعل همزة وصل

و نخبرك إبني راه داير كراس الأفكار و يكتب فيه مواضيع مثل هذه و هو جد متحمس للتجارب الكيميائية
لأني سبق و أن حدثته عن تجربتي يوم حاولت فصل الهيدروجين عن الأوكسجين مستعملا تجربة Electrolyse
و وقع إنفجار بالبيت و ديت فيها طريحة من عند الوالدة لا زلت أتذكرها و منعت من البقاء لوحدي في المطبخ

و الله غير فكرتني في أخي الذي يكبرني بــ3 سنوات كي كان صغير حوالي 8 سنوات كان يخترع أشياء مبهرة سواء كيميائيا أو بالأشياء الالكترونية...كي نتفكر يوجعني قلبي نقول لوكان قرى الأن يصباح كاش عالم أنذاك كانت أمي مريضة و عايلة كبيرة ..لذلك ماكن ليلاحظ قدراتوا و الن راهو يعمل مجال أخر

و لكن كي تكون في البيت la panne تلفاز أو ميكرو أي شيء الكتروني هو ليصلحها

ombouchra · 2014-12-18, 11:14

اخي ابا ياسين
ممكن توضحلي طريقتك بالنسبة لنتائج الاعداد الناقصة (كيفاه فهم يرجع العملية من الطرح للجمع)ربي يخليك قدوة لاولادك

~ حراير ~ · 2014-12-18, 11:33

ام كوثر بارك الله فيك على البرنامج خلاص اعتمدناه
سلميلي على سيرين و قلها يكثر خيرك بنيتي و ربي يوفقك و ماعليهش عطلة الشتا تفوت معظمها امطار و برد الي يشد الدار خيرلو

و اريج ثاني تشكر فيها بزاف

...........................................

هاد وين جيت من عند المعلمات افنان نقطتها كارثية و ملاحظات المعلمة خلات دموعي يشرشرو مش يطيحو برك حتان مسكينة صارت تبكي معايا
و تصبر فيا
جابت معدل 7.92 و اعلى معدل عندها 8.80
لكن الكارثة في المواد الاساسية نقاط التقويم المستمر طيحوها بزاف خاصة لفرونسي و الرياضيات
معدلها 7.13 في المواد الاساسية
و قاتلي المعلمة انها متقوقعة على نفسها و انها تخاف في الامتحان
و لا تطلب المشاركة ابدا ابدا قاتلي و كي نقلها جاوبي نلقى عندها الجواب
قاتلي نهار الامتحان يبان خوفها بزاف
على هك بكيت اني مش عارفة هاد كله على بنتي هي في الدار كي نقلها تشاركي تقولي ايه جاك الامتحان ساهل تقولي ايه
المهم اني طلبت من المعلمة توجهني
قاتلي خليها عليا انا نشوف كيفاش ندير معاها في الفصل الثاني
مكان مني غير اني بينتلها عقلية افنان و وش يحبسها لانها قاتلي نعاقبهم بطريقة التجاهل و انا نعرف بنتي فم وين تحبس

الشيخ عبد الناصر والله جاية و طامعة في فضلك انك تساعدني و توجهني
اكيد بخبرتك راه مرو عليك تلاميذ هك
انا من جيهة غاضتني بنتي انه ماتجيش حتى تشكيلي او تقولي راني خفت من الامتحان و من جهة اخرى زعفت منها انها تخبي عليا مشاعرها

افنان بالذات نتعامل معاها بملاحة يعني ماهوش ابدا عامل الخوف الي يخليها ماتهدرليش
شوف وش هو الحاجز الي بيني و بينها خلاها تخبي عليا

لا حول و لا قوة الا بالله

.................................................. .....
باش مانكونش سوداوية في نظرتي و نشكي بزاف
حبيت نقلكم على اريج من الي رحت و معلميها راح يهزوني على روسهم من اعجابهم باريج و اخلاق اريج حتى انه استاذ الرياضيات قالي نفضلها على كل التلاميذ و كان والد التلميذ الاول فم ماعجبوش الحال من هاد الهدرة
اما استاذة الرياضيات و العلوم اشادو برزانتها و بطريقة طرحها للسؤال او كيما قاتلي معلمة اللغة من طرحها للتساؤلات نحسها بلي فاهمة صح و الحمدلله

سلسلبيل الي كنت خايفة منه لقيتو
باختصار وصفتها معلمة الفرنسية بالعجوز عقلية عجايز نقراشين مش عجايز عاقلين
تقحر في التلاميذ و حاطة روحها هي افضل منهم و ما تسكتش
و استاذة اللغة قاتلي ماتجاوب غير كي يسكت القسم و من بعد تديرهم الضحكة نتاعها انهم ماعرفوش و هي عرفت
تبهدلت و روحت و خلاص جات في الرتبة 3

..........................
ننتظرو ام سرمد وش تقولنا على المعلمة تاع سرمد نتمنى انه ما يكون غير الخير

استاذة الحركاتية ثان عندها مدة و هي غايبة نتمنى تكون بخير

عطلة سعيدة للجميع

ام محمد و ملاك · 2014-12-18, 11:34

نعم ابو ياسين من فضلك طريقتك في الجمع و الضرب و بالتفصيل الملل نحن نحب التفاصيل و بسم الله ما شاء الله على ياسين ربي يفرحك بيه ان شاء الله و يكون لك سند في المستقبل,

~ حراير ~ · 2014-12-18, 11:40

اقتباس:

المشاركة الأصلية كتبت بواسطة أبو ياسين29

السلام عليكم
أقدم لجميع أعضاء همزة وصل أول ـ وضعية إدماجية ـ لإبني ياسين
و ها نحن نلتحق بالركب و كم أتمنى أن تعلق النجيبة خوخة على هذا الأمر

ياسين يسميها قصة يمليها علي من خياله و بعد طباعتها يتعلم كتابتها و تعلم أيضا أن يعنونها و هكذا أشجعه على التعبير الشفوي و الكتابة

ياسين يا بابا راح نهدر معاك و كانك تلميذ كبير لانه تعبيرك تاع واحد كبير
على هك راح نقلك اكيد عجبني التعبير و عجبتني القصة و حسيت روحي راني نتفرج مش نقرا تخيلتها مليح مليح في راسي
على هك حبيتك كون تدير نقاط بين الجمل و فواصل باش كي نعود نقرا مانتعبش ساع على ساع نحبس نريح و نتنفس

انا من اشد المعجبين بيك يا ياسين و اذا درت قصة منا و جاي و طبعتها راح نكون اول من يشريها و يقراهالك

لاني حاسة روحي نهدر مع كاتب ، و الا وش حاب تكون في المستقبل؟؟؟

هندة 74 · 2014-12-18, 11:53

بارك الله فيك اخي ابو ياسين على التوضيح اخي في ميزان حسناتك وربي يكقر من امثالك راك وضحتلي الامر ازحت عني تساؤلات كانت تدور في داخلي راحاعمل بنصايحك ربي يباركلك في ياسين

الف مبروك للاعضاء على نجاح اولادكم لان نعتبر نجاح بالنسيةليكم انتم لانكم كنت تادوا في الرسالة معاهم وربي يوفقكم دايما وربي ينجح اولادكم جميعا شي يشرف حقا الله يبارك

مقدسية · 2014-12-18, 12:57

اكيد ساقف عند الصفحة الاخيرة وابدا بحرة لحراير
ماشاء الله على جواهرك اعتبر كل واحدة منهن جوهرة ثمينة يجب المحافظة عليها
اسعدتني اريج باخلاقها قبل معدلها وملاحظات اساتذتها تجعلك نرفعين راسك عاليا حراير فبارك الله فيها وفي خلقها وعلمها
اما المعدل فجيد جدا ومع مزيد من المثابرة وبرنامج جيد اثناء العطلة وبعدها سيسعد قلبها باذن الله بمعدل اعلى 17 او 18 لما لا
افنان معدلها مقبول ولايستدعي كل هذه المخاوف خاصة اذا قارنته مع افضل معدل بالقسم
اما خوفها من الامتحان اراه طبيعيا حسسيها بالامان اكثر لتقرئي مابداخلها وتضعي يدك على موضع الداء
فالام اذا كانت شديدة المحاسبة تخلق لدى طفلها خوفا يؤثر على مردوده الدراسي لامحالة
سلسبيل نظن معدلها ورتبتها تشفعان لها وهذه الشقاوة طبيعية في هذه السن
ربي يحفظهم ويفرحك بيهم عزيزتي
نرجع للخلف للاطلاع على باقي المشاركات ولي عودة