السلام عليكم و رحمة الله تعالى و بركاته
ام اسيل شكرا على سؤالك عزيزتي راني بخير دينا العطلة و راح تجي اختي و خويا و نتلمو من عامين ماتلميناش هاد اللمة بسبب الظروف الي مرينا بيها العام الماضي و الحمدلله مايدوم حال على حال
راني رايحة للمعلمين درك وش نقلك شادة يدي على كرشي تقول رايحة لامتحان مش نتلاقا بمعلمة
سيرتو معلمة سلسبيل رايحة و حشمانة منها من فعايل بنتي والله غير دارتلي التبهديل بخفتها و عدم رزانتها
................
اختي دلال والله كل كروشنا كبيرة لكني صرت نحب نقنع و نرضى و نستحمد لربي على حوايج بزاف
كنت انا ثان نوصل لدرجة البكا على نقاط بناتي لكن صدقيني عطوفة لحبيبة كان كلامها دواء ليا و كل كلمة قالتهالي وقفت عليها و لقتها صح
نتمنى انك ماتكونيش خلعتي الطفل باندهاشك 
[QUOTE=serine alger;3992285880]السلام عليكم ورحمة الله وبركاته
أرحب بكل الوافدات الجدد فأهلا وسهلا بكم في بيتكم الثاني.ومبارك لكل الأطفال اجتهادهم والعطلة.
اليوم اخر يوم للدراسة في هذا الفصل وبداية العطلة لأنه غدا ان شاء الله لا توجد دراسة.الأبواب مفتوحة للأولياء لزيارة المعلمين.
اليوم وأنا فرحانة على يومين نروحو لأهلي لقضاء العطلة.للأسف حدث مالم يكن في الحسبان /
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.[/QUOTE
طهور ان شاء الله و ماعندك شر
كيما نقولو كل تعطيلة فيها خيرة
فوتي يومين تريحي من الطيحة
و من بعد احجزي في الطيارة لانه المسافة بعيدة
او شدي لبلاصة الورانية في الطوموبيل و تكسلي فيها رجلك
راني حاسة بيك العام الي فات انا كي حسيت روحي راح نتعطل باش نروحو في الطائرة عاودت سافرت في الليل بايتين ليل كامل نمشو وصلت مع الصبح والله ماقدرت نرقد من الوحش تاع العايلة
ماعليهش عطلة سعيدة تلقاو فيها الصحة و الراحة و ليك انت الاجر و العافية اللهم امين
اقتباس:
المشاركة الأصلية كتبت بواسطة *أم كوثر*
السلام عليكم
كلمة لتلاميذ الاولى متوسط
الفصل التاثي راه بدى ماتقولوش راهي العطلة وفرصة للراحة والتجوال ووو العكس اغتنموها في تكثيف المراجعة لان الفصل التاني اصعب
سيرين بالامس تحصلت على نقطتين اضافيتين في الفيزياء لانها حضرت درس المحلول المائي عكس بقية التلاميذ اللي بداو عطلتهم على قول الاستاذة
ومن الاحسن ديروا برنامج حسب عدد ايام العطلة ولاضير في استراحة مدة يومين او ثلاث
|
و عليكم السلام و رحمة الله تعالى و بركاته
امس و انا نشكي هنا على الفصل الثاني و حسيت روحي راني نغرد خارج السرب
لكن لقيت من يشبهني الحمدلله زبت عيطت لاريج تقرا كلامك
اريج والدها الاسبوع الاول عطلة على هك راهم يتحلفو في زوج على الراحة لكن الاسبوع الثاني ان شاء الله نزيرو على الحالة للجميع
على هك راهي تسأل فيك اريج على البرنامج الي راح ديروه باش تهز من سيرين افكار
( تقرير عن مشاركة سيئة )، و الموجودة أسفل كل مشاركة .
2014-12-18, 07:38
العرض العادي
