صباحكم .......مساءكم عطر بذكر الرحمن ، ها قد عدت اليكم مع هذه الحلوى الهشة والطيبة اليكم
المــــــــــــقايــــــــــــــــــر
06 عظمات
قرصة ملح
كاس ونصف سكر عادي
نصف كاس زيت
كاس حليب دافئ
02 مغرف كبار كاكاو اختياري
12 مغرف كبيرة فرينة معمرة
قشور حبة قارص
02 باكيات خميرة الحلوى
للشاربات
كاس سكر وكاس ماء
طريــــــــــــــقة التحضـــــــــــــــــير :
نضرب البيض مع السكر العادي جيدا بالضراب الكهربائي ونضيف قشور القارص مع نصف كاس زيت ونضرب جيدا بعدها نضيف الحليب الدافئ ثم الفرينة بعد ما نخلط معاها 02 باكيات خميرة
ملاحظة: يمكن ان تعملي الكيكة بالكاكاو هنا تنحي 2 مغارف فرينة وتضيفي 2 مغرف كبيرة كاكاو يفضل ان يكون نوعية جيدة تاع الميزان ولون بني مائل الى الاسود، انا عملتهم بالفرينة برك، بعدها تخيري المول لي تحبي والشكل ايضا ممكن تعمليها في لمول تاع المدلان او كيما عملت انا على طريقتين كما هو موضح
صدقوني طعم رائع جايين بين البابا والمادلان
تدهني المول بالزبدة و الفرينة او ماتعمريش المول بزاف لاخاطر راح يطلعو تضعيهم في الفرن على نار متوسطة حوالي 180° بعدها تخليهم يبردو شوية تسقي الوجه الامامي فقط يعني الكيكة من فوق فقط واذا عملتيهم كي المدلان الحبة من فوق فقط والله روعة نتمنى تجربوهم انا عملتهم البارح وعجبو زوجي بزاف او هاهم الصور بصحتكم يا عزيزاتي
( تقرير عن مشاركة سيئة )، و الموجودة أسفل كل مشاركة .
2014-03-14, 13:49
العرض العادي
