نكت جزائرية كلها بالدراجة
مزطول سايق تاكسي
ركب معاه شيخ متشدد(سلفي)
فالطريق قال الشيخ: بعهد الرسول (صلى الله عليه وسلم ) كان كاين راديو؟ قال المزطول : لا
قال الشيخ: إذن طفيه
...بعد شوية قال: في عهد الرسول (صلى الله عليه وسلم )كان كاين مكيف؟ قال المزطول: لا
......قال الشيخ: إذن طفيه
أيا المزطول كره وسأل الشيخ: بعهد الرسول (صلى الله عليه وسلم ) كان في شي اسمه سيارة؟ قال الشيخ: لا
قال المزطول: إذن إنزل وشوف كاش قافله من قوافل قريش توصلّك
واحد ربح في لوطو(الرهان يعني) قال نشرجيها(يعني نفليكسيها) كاملة في
التيليفون فليكساها كي كمّل ردت عليه خدمة الزبائن قاتلوا : رصيدك الى يوم
القيامة
واحد
زاطل راح للطبيب يشكي بلي كلما يرقد يحلم بقطط يلعبو في الكرة . قالو
الطبيب : مترقدش يومين .. قال المزطول: ما نجمش على خاطرغدوة La Final
واحد
مزطول رافد علبة نتاع مسامير و طاح منهم مسمار قالو يا ولدي أرجع يرحم بوك
ارجع.... المسمارمحبش يرجع.... فرّغ علبة المسامير كلها و قالهم :
جيبوووووووووووووه
سأل
ولد أبوه : بابا كيفاش نعرفوا بلي واحد راه سكران. قالوا أبوه : شوف يا
ولدي ..هذوك الزوج شجرات يشوفهم السكران أربعة شجرات. دار الولد و شاف بصح
شاف غير شجرة وحدة !!!!!
زوج مسيحيين واحد اسمه جورج و الثاني اسمه ميشيل تاهوا فى الصحراء وقتلهم الجوع والعطش فجأه لقوا جامع قال ميشيل لجورج: انا نقوللهم ان اسمي محمد باش يعطوني أكل وماء و يكرموني... جورج قال: لا انا نقول اسمي جورج و لي صار يصير شافهم شيخ المسجد وسألهم عن اساميهم قال ميشيل انا اسمي محمد وسأل جورج : قال اسمي جورج ...فقال الشيخ احضروا الطعام لجورج وانت يا محمد علابالك بلي رانا في شهر رمضان
واحد راح لطبيب باش ينحيلو مسمار دخلو في رجلو كي قالو ب 2500 دينار جاوبو وقال عوجو وخليه
واحد الحلاق شاد مغناطيس على راس زبون معمّر بالشعر تعجب الزبون و قالو: واش راك دير ؟ قالو الحلاق: راني نحوّس على المقص طاحلي
قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
قالك جماعة ....... لعبوا لعبة الاختفاء من 1962مازادوش ظهروا
قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟
قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات
قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)
قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "
واحد ماعندوش الزهر، راح عند عراف لقاه مات ouuuf كيجا مروح حكموه فوباراج، قالهم الأمير لييديري عفسة شابة مانقتلوش، السيد تفكر بلي عندو 2 سرات،
قالو الأمير (كان في bus) : أنا و صاحبي قداه من سرة عندنا؟ رد عليه:2، قالو و لوكان تلقاهم 3؟ رد الأمير مانقتلكش!!! قالو السيد لي ماعندوش الزهر oki و
نعتلو لقاه عندو 2 سرات زاد اللي راكب معاه نعتلو لقا ماعندو حتى سرة!!!!!!!!!!!!!! ياخي زهر ياخي
قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله
هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف
روحو في لمرايا وقال: هيه... قلتلها نوضيني نوضت خويا
واحد دخل للملعب وهاز في يدو مغرف علاه؟..............................حاب يحرك اللعب
كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)
قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح
الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
قالك راح للبحر لقي ليوناردو ديكابريو قالو واش يا روج مازلت ماشهمتش
خابط واقف قدام داره سالو شرطي
انت من اهل البيت ؟
رد عليه الخابط(السكران)
لا انا من كفار قريش
و في الأخير تقبلوا تحياتي الصباحية و المسائية
( تقرير عن مشاركة سيئة )، و الموجودة أسفل كل مشاركة .
2011-06-19, 10:41
نكت بالدارجة الجزائرية
العرض العادي
