أول موضوع لي تحفة فنية من انامل طالبة بكالوريا

~ مي ~ · 2015-06-24, 16:28

السلام عليكم رحمة الله و بركاته
كما في العنوان هذا اول موضوع لي و ان شاء الله راح يعجبكم و تشجعوني
و بما ان الباك خلاص بقالي الوقت للاعمال الفنية بعد صبر طويل خلال السنة الدراسية

سنبدأ بسم الله
الموضوع حول طريقة عمل فانوس رمضان بطريقة انيقة و مبتكرة

اذن سنحتاج الى
2 علب نتاع la creme مع غطائها
قارورة كبيرة تاع Ifruit
مصباح صغير نتاع porte clés
اوراق جرائد
la colle blanche و اخرى عادية انا استعمل UHU
أغلفة قديمة تاع كراريس من الوان مختلفة
peinture noire لي تتباع ف la quincallerie
peinture ذهبية و الوان اخرى حمراء خضراء و زرقاء ( انا استعملت pebeo)
مختلف اشكال و احجام نتاع العقاش

و طبعا cutter ,مقص pinceau feutre

طريقة العمل
المرحلة 1
اولا نقوم بقطع الجزء الكروي العلوي من قارورة افروي
و نقوم بتعليم اماكن فتحات في علب la creme و كذلك في الجزء المقطوع من القارورة بال feutre
و ذلك بفطع شكل الفتحة في ورق يعني تديرو بيه patron باش تخرجلكم كامل الفتحات كيف كيف
و بعد ذلك تأتي مرحلة القطع بواسطة ال cutter و هي اصعب و اخطر مرحلة قصو غير بلعقل مع ال cutter لان كلاستيك العلب شوية قاسي و تقدرو تستعينو بالمقص

نقوم كذلك بفتحة صغيييرة في le bouchon نتاع القارورة بش نجيو نثبتو فيه المصباح

و فتحة اخرى في غطاء علبة la creme قد فتحة القارورة

المرحلة 2
فيها نقوم بجعل الفانوس ديالنا متين شوية و ذلك بتغطيته مع ما يسمى ب papier maché
و لذلك نقوم بقص اوراق الجرنان شرائط صغيرة و نغمسها في la colle blanche و نغطي بها الاجزاء الثلاث في كل الاماكن ثم نخليها تنشف مليح و نزيد طبقة اخرى

و العفسة ديالي لما عندهاش la colle blanche
ناخذ كيلة صغيييرة من الفارينة و نفس الكيلة نتاع الماء مع شوييية سكر و نخلط مليح و نضع الخليط على نار هادية خلاص ما لازمش تطيب الفارينة و من بعد ناخذ كمية قليلة من الخليط نزيدولو شوية ماء و يستعمل تماما مثل la colle blanche
و هي مضمونة من عندي انا استعملتها في هذا العمل

بعد ما تكون الطبقة الاخيرة نشفت مليح نطلي الاجزاء الثلاث ب la peinture noire و نخليها برا تنشف و كذلك نطليو le bouchon نتاع القرعة ifruit

المرحلة 3
مرحلة التزيين و هي امتع مرحلة صراحة
ناخذ الجزء الكروي نتاع الفانوس و بواسطة pinceau نمرو عليه la peinture pebeo هاديك الذهبية بطريقة سريعة و خفيفة ما لازمش يتغطى هاداك اللون الاسود باش يبان كانو نحاس

و ندير نفس الشئ بالنسبة للاجزاء الاخرى
نقطع قطع صغار قد الفتحات تاع الاغلفة الملونة و نلصقها من الداخل

ناخذ العقاش ديالنا و نكسرو انصاف بواسطة الكلاب كما انو يتباع حاليا في الاسواق انصاف تقدرو تخدمو بيه
انا استعملت حجمين من العقاش واحد صغير و واحد كبير عليه و نوع اخر يبان في الصور

نلصقو هذيك الانصاف في الجزء الكروي بطريقة مليحة و فنية و نصبغوهم بالذهبي و ال strass هاداك نصبغو بالوان اخرى احمر و ازرق و اخضر

المرحلة الاخيرة
نقوم بلصق احدى العلبتين للجزء الكروي ب la colle uhu
و نقوم بقص اطراف غطاء العلبة بطريقة تخليه يدخل في هديك العلبة و ما يطيحش
بعد ذلك نقوم بتركيب الفانوس بحيث نمرر فتحة القارورة في غطاء العلبة ثم نغلقها بالسدادة التي تحتوي على المصباح

و من ثم نزيد عليه العلبة بحيث يدخل فيه هديك لغطا و يخرج لك فانووووووس من اجمل ما يكون ( كم انا متواضعة )

و ها قد انهينا
واذا عجبكم ما دبيكم تقولولي رايكم و تشجعوني
و الاهم تدعولي ندي الباك بالمعدل الذي اطمح اليه فنحن في شهر استجابة الدعاء

وصح فطوركم و صيام مقبول ان شاء الله