ادخلو شوفو ما احلا عاداتنا ***استقبال الحجاج*****

[الوهرانية 1]

السلام عليكن اخواتي الكريمات اليوم اردت ان اعرفكن عن عادة من عاداتنا الجميلة والرائعة وهي قصعة الحجاج
موجودة بمنطقتنا ومازالت العائلات ومن بينهن عائلتي تحافظ عليها ربما شوقتكن اكثر المهم تابعي الموضوع تفهمي اكثر
هي قصعة من الكسس باللحم والبيض والعسل هكدا كانت قديما لكن اليوم اصبحت تزين بانواع المكسرات وكل عائلة ومقدورها في التزين الكن الهدف الاول من كل هدا هو مشاركة فرحة عائلة الحاج رجوعه بالسلامة والمساهمة في تقديم المساعدة فا القصعة تتكون من 10 الى 25 كيلو من الكسكس وتكون العائلة قد اخدت موعدا افي الغداء او في العشاء تتولى بدلك اطعام المدعوين او المباركين للحاج مثلا السبت قصعةعايلة محمد في الغداء وقصعة عايلة عبد الله في العشاء الاحد قصعة فلان في الغداء و.......................لمدة سبعة ايام لا يخرج الحاج فيها الا بعد انقضاء المدة وتاخد الجفنة او القصعة الى بيت الحاج بابواق السيارات والزغاريد واول من ياكل منها هو الحاج او الحاجة وبعدها تقسم على المدعوين
هده السنة رجع من البقاع المقدسة جارنا وصديق الوالد رحمه الله وقمنا باحياء العادة وجهزنا قصعة طبعا ساضعها في موضوع مستقل لاني صورتها بالخطوات والشرح المفصل حتى يتمكن الجميع من الاستفادة منها عند الحاجة بما فيها المصاريف المستلزمة لكن اليوم لكم مني هده الصور الجميلة لبعض القصعات التي قدمت جعلها الله في ميزان حسنات اصحابها
على بركة الله








وهده هي قصعتنا





نتمنى يكونو عجبوكم
ومبروك لحجاجنا الميامين الرجوع بالسلامة
ملاحظة هده القصعة توزع في زلايف وتزين وهي عبارة عن سفة يعني الكسكس مدهون واللحم ينحط من فوق للزينة وترافق الزلايف او الصحون مرق و عسل وكل واحد واش يحب ياكل

[love zawji]

macha'Allah ya3tik saha okhti

[الوهرانية 1]

المشاركة الأصلية كتبت بواسطة love zawji

macha'allah ya3tik saha okhti

الله يحفظك شكرا على المرور الطيب

[ام ملاك.]

مشكورة موضوعك هايل مليح كي مازالكم محافظين على العادات انا والله تالمون نهار طول واحنا نرحلو من اللي كنت صغيرة مانعرف حتى عادة من كل بلاد ديت حاجة وفي اللخر راحلي كلشي تخلطو هههههههههه
بالبركةع لى الحاج وحج مبروك

[nawal29]

الله يرحم ابوك ......................وجعلها في ميزان حسانته الله يبارك

[أم أولادي*]

شكرا

[الصوامعية]

عادات جميلة جعلها الله في ميزان حسناتك
حنا في مدينة خميس مليانة عندنا هذي العادة بصح قليلة كاين ليحب يدي للحاج جفنة طعام وكاين لي يحب يديلهم كل حاجة خصراء وهوما يطيبوها لحم أو دجاج ..... اما سبعة أيام وهوما يدولو فالجفون هذي معندناش

[الأمنيات]

تبارك الله اختي فيه عادات مليحة بزاف في بلادنا خاصة مثل هاذي تاع المساعدة والتضامن الاسري
مبروك على الحجاجنا الكرام حج مبرور
وشكرالك على الصور الرائعة شوقتيني للباقي

[اية الرحمن1988]

ربي يبارك شهيتيني
والله عاداتكم هايلين
شكرا كل الشكر حقا نستفيد طثيرا بمواضيع مثل هاته
ربي يجازيك كل خير على الافادة

[الوهرانية 1]

شكرا ليكم اخواتي اثلجتن صدري بردودكن الرائعة

[أم فاطمة 27]

ما شاء الله ولا قوة إلا بالله
الله يبارك مرا و نص وان شاء الله نمشي للحج و تحضري لي واحدة
راني نخمم مين تمشي انتي للحج ان شاء الله و أخواتاتك و احباباتك في المنتدى ما شاء الله عام ويلا كملو القصع هههههههه أنا الأولى نجيب قصعتي بإذن الله
حج مبرور و ذنب مغفورو سعي مشكورلكل حجاجنا الميامين

[نسيم الإيمان]

ماشاء الله
عاداتكم هايلة
شكرااااااااااااااا

[*ام رامي*]

ماشاء الله
الله يبارك
حج مبرور لحجاجنا الميامين
ويعطيك الصحة

[حياتي نبع امل]

يعطيكم الصحة
حنا في الوسط ندو للعائلة اللي نباركولها بالحج سينية حلوى تقليدية او عصرية وتاني العشا بالصح للعائلة تاعو برك مثلا دجاجة كيلو كسكس او 2كغ رشتة مع الخضر والحمص وكاين اللي يزيدو سارفيس اما طباسا او سارفيس قهوة
بالصح عاداتكم ما اجملها الله يبارك ويخليكم لبعضكم بعض

[ام عبيدة]

تبارك الله ماشاء الله

حاجه مليح كي راكم محافضين علي العادات و التقاليد

حنا نعرضو الحجاج في البيت ونعرضو معاهم كبار العايله