الجزء184 من واش طيبتي اليوم.... كوزينة التألق و النجاح

[أم رقية نسرين]

نهولة هديك بطاطا انا منحبش القرنون خخخخ

[سحابة باردة]

مساء النور فطورنا سباقيطي
الصورة من الأرشيف بصح فوطو كوبي
نراجع ونرجع

[mimi_belle]

يعطيكم الصحة يا لبنات وو شكر كبير لي حطتلنا و صفة الاجاص ( لا اذكر اسم صاحبتها اسمحولي ما زال ما حفظت اسماؤكم )كتبتها و في اقرب وقت نجربها ان شاء الله
بالنسبة للبلوط عمري ما كليته صراحة ما نكذبش ما يتباعش عندنا فالغرب انتوما على حساب الشوفة من بكري تاكلوه هههه جابوهلنا وحدة المرة من فرنسا بصح كونسارف تاع البواطة بصح ماكليتهش
نهال اختي من فظلك صوريلي الطابع تاع المقروض راني جد مهتمة به و صيامك في الجنة
نهاركم مبارك و سعيد

[nihal159]

ميمي بال تامني بربي لبارح صورتلك طابع المقروط؛ و حبيت نحطلك الصباح صورتو لكن للأسف النت عكستني؛ درك نزيد نحاول نحطهملك.
سحابة بصحتك السباغيتي تشهيييييييييييييييييي موووووووووووت

[nihal159]

هذا هو المقروط معشوق الجماهير ههههه

استعملت هذا الطابع، كل حبة تخرجلك برشام مختلف عن أختها متلا الشهدة، الوردة، القرنفلة، الاسطوانة يعني رايحة تتحصلي على صحن مشكل من مختلف الرسوم في ضربة واحدة، سعر الطابع 120 دينار


بالنسبة لشكل المربع، خدمتو كما لبراج، يعتي طرحت لعجين و فوقو الغرس و عاودت غطيتو بالعجين، وطبعت بطابع الصابلي و ضغطت مليح باش خرجولي الرسومات، الطابع فيه جيهتين و كل جهة برشام مختلف، انا صورتلكم الجهة لي استعملتها، سعر الطابع60 دينار

بالنسبة للدائرة لي في وسط الصحن، خدمتها كما المعمول، خذيت كمية من العجين و حشيتها بالغرس و كورتها مليح و ذخلتها فالمول و ضغطت مليح باش يخرجلي الرشام، المول فيه جهتين و كل جهة برسم تاع زهرة مختلف، سعر المول 100 دينار

في الاخير طابع الشهدة.

نتمنى يكونو عجبوكم طوابعي ههههههه و تكونو استفدتو.

[أم رقية نسرين]

سحابة السباغيتي تسخففف يعطيك الصحة
نهولة الطابع يهبببل بصح كون نحب نديرو في مناسبة فرح يجي نورمال كل حبة زي ؟؟ راهو عجبني فور

[nihal159]

المشاركة الأصلية كتبت بواسطة طالبة تاريخ

سحابة السباغيتي تسخففف يعطيك الصحة
نهولة الطابع يهبببل بصح كون نحب نديرو في مناسبة فرح يجي نورمال كل حبة زي ؟؟ راهو عجبني فور

مريومة أنا عجبني بزاف كي عاد الصحن متنوّع، بانتلي عادي أنك في مناسبة تحطي صحن مشكّل

[محتاجة لعفو الله]

السلام عليكم و رحمة الله و بركاته


أم فاطمة شهيتك في الجنة الله يبارك على فاطمة مرا و نص و خمسة و عشرين اطباقها كلها روووووعة



الهامو الخبيزات و البريوش الله يبارك يعطيك الصحة راهم يسخفو بصحتكم


توبة يعطيك الصحة على الشخشوخة تحفة و التشاراااااك ممممممم رووووعة


طالبة التاريخ طبق البطاطا راهو يشهي ربي يعطيك صحيحتك و بالنسبة للمورانغ معتمدة طريقة أم أماني (( نوزن بياض البيض و نحط معاه ضعف وزنو سكر عادي و نخلطهم فوق حمام مائي حتان يدوب السكر حوالي 4دقائق ممبعد نطلعهم بالخلاط الكهربائي حتان يتقال الخليط و يولي يلمع و في الاخير نضيف لفاني ونخلط دورة خفيفة و نشكلهم و الطهي نسخن الكوشة مليح على نار قاوية ممبعد كي ندخلهم نقصلها خلاص على أقل درجة ممكنة و نخليهم حوالي ساعة او أكثر نجبد حبة و نشوفها كي نلقاها نشفت انحيهم يجوو روووعة ))


سحابة بصحتكم السباكيتي راهي تشهي مممممممم


نهال المقروط تحفة و بارك الله فيك على صورة الرابط ربي يحفظك

[محتاجة لعفو الله]

طالبة التاريخ أنا تبانلي عادي انك تنوعي في اشكال المقروط في مناسبة

[محتاجة لعفو الله]

غدايا كان طبق باتنجال مع سلطة فلفل و الحمد و الشكر لله

[nihal159]

محتاجة عفو الله غذاك يهبل؛ بصحتكم خفيف ظريف؛ هذا مانحبو ههههههههه

[محتاجة لعفو الله]

الله يسلمك نهال صح و الله هادا واش يوالم حاجة خفيفة و سريعة في التحضير و الأهم تكون بنينة هههههههه تخمامنا كامل واش نطيب للفطور و اش نطيب للعشا

[RIMA.87]

السلام عليكم اخواتي في الله،
مبارك افتتاح الجزء الجديد من الكوزينة اختي نهال ،ما شاء الله حلوياتك رائعة ربي يبارك فيك و ربي يبارك لكل الاخوات لي متعونا باطباقهم المتنوعة و ابداعاتهم في التقديم،
اللهم ادمها لنا نعمة و احفظها من الزوال،
تفظلوا فطورنا اليوم محاجبو هدذا قريوش و بتي فوور درتهم في نهاية الاسبوع





اللهم لك الحمد حتى ترضى و لك الحمد اذا رضيت و لك الحمد بعد الرضى.

[سحابة باردة]

راني رجعت
أم هدول طول تبدينا الصبحة بالكلام الجميل كلو بركة الله يحفظك
حيوتة قاطوهات الصباح نشطونا شكرا
نهولة الباني جاك علامة وراكي تعرفي تسلكيها ههه
أم فا طمة أهلا بعودتك طهورا وربي يتمم الشفاء توحشنا أطباقك المتنوعة وطيبات فاطمة علامة ربي يحفظهالك
إلهام عجبني فطاير العشر دقايق بلاك نعاندك في العشا والبريوش باين بنين تسلم الأيادي
توبة شخشوخة الرزام حاجة فور يعطيك الصحة بصحة الوالد وتشارك علامة راني رفدت حبة
محتاجة لعفو ربيها شفت غداك سباب بصحةوالهنا نموت على الدنجال أمممممممم ههه حقا المورانق يهوس راني نقرمش
مريومة فطورك روعة بصح مميزتش أسكو بطاط محشية ولا ميني بيتزا هيا خبرينا هههه بصحتكم

[RIMA.87]

محتاجة لعفو الله ،بصحتكم الخفيف الظريف و طبق الباذنجان يشهي ما شاء الله .
نهولة النشيطة باين كوزينتك تخلاص تم تم من نشاطك يا نحووولة ههههههه
و من تدعييم الاخوات الشافات ربي يبارك فيهم ان شاء الله و في ارزاقهم ،
مشكوووورة على الطوابع و المقروط راهو يعيط ....خخخخخ