الى كل الاساتذة ومستشاري التربية

[كريمة1993]

الى اسير الندم :
سالفت نظرك الى شيء واحد وهو ان في بلادنا لا يوجد من لا يعاني البطالة الجميع يعانون هذا كيما العسكر لازم نجوزوه.
عندي اختي عندها 2 diplomeوعانات من البطالة يعني(...)
وثانيا انا بزاف متاسفة على انك مازال مالقيتش خدمتك بصح نصيحة ما تستسلمش خاطرش اذا قعدت هكدا توالف وتنسى كامل واش قريت صافي ما تستسلمش وانا ننصحك تحط كاش cv في الصحراء خاطرش يسحقو اطباء نفسانيين .
الى mistrio16 :
والله انت لازم تدبرلي خدمة جديدة كامل في العالم واش حتى حاجة ما عجباتك ههههههههههه على كل حال انا خلاص قررت راني رايحة ندير طب اسنان
خلوني نشوف علاش راكم كامل معارضين واذا كنتم على حق الدنيا مازالها طويلة ان شاء الله ونعاود الباك منملش كامل ههههههه
انا راني نستنى في le contacte تاعكم
bye bye a toute

[كريمة1993]

نسيت حاجة koukou معنتها مرحبا بالفرنسية العامية...

[mistrio16]

وش نقولك اختي

انا نصحتك
ممكن لما تتخرجي
ولا قبلها بشوي تعرفي وش كنت نهدر

وممكن متلحقيش وش راني قاصد كامل

ونتمنالك ربي رفقك اختي

ويوفق الجميع

&&&&&&&&&&&&&
على فكرة كلمة باي مش مليح نقولوها خلي نقول حرام
معناها في رعاية البابا والبابا هو الهة
وحنا عدنا رب واحد




نصيحة برك يا كريمة

مرة اخرى متتسرعيش في اخذ القرار


يلا سلام

[mistrio16]

اه علاه انا عارضتك

بويسكو حبيت ننصحك

وانا مش عادتي نرد على تساؤلات غيري


لكن فقط قلت باه متقولش مكاش لي نصحني


يعني لما تدي راي عن قناعة خير من لي تديه عن فراغ

[chat kader]

شعبة علوم تجريبية

[mistrio16]

هاذي هي ثانويتكم

صح ؟؟

[كريمة1993]

عندك الحق في كل واش قلت ونعاود نقوللك شكرا على النصيحة خاطرش درك كاين اللي ما ينصحش وما يحبش ينصح...
على فكرة صح هاديك صورة ثانويتي بصح يا خويا وقيلة راك صورتها في العصر الحجري الان راهي بزاف شابة ايه منين جبتها ؟؟؟؟؟؟؟
دمت في رعاية الله

[mistrio16]

اسف على التاخير في الرد
كنت مخطوف من طرف
fbi
ههههههههههههههه
معليش انا دايرك كي ختي
ومكانش لي ميحبش ينصح اختو وميحبلاهاش التوفيق


انا جبتها من عند مكتب الفيدرالي للتحقيق الامريكي
هههههههههه

الفوطو نتاع ثانويتكم كي كانت صغيرة
ذرك راها كبرت
ولات متقيمش

[كريمة1993]

الحمد لله على السلامة قريب امنت بلي خطفوك هههههههههههه
بصح ما جوبتنيش على السؤال منين جبت الصورة؟؟؟؟؟؟؟؟؟؟؟ راني نستنى و ما نخرجش حتى تقوللي منين جبتها
زرت بريان من قبل ام لا ؟؟؟؟؟

[mistrio16]

ايه قتلك خطفوني



ههههههههههههه

بالنسبة لبريان زرتها اكثر من 100 مرة

مي الصورة مش انا لي صورتها

ومذبيا متخرجيش يعني هاكي قاعدة


واش راكي كريمة صافا ؟؟

[mistrio16]

مي على حساب مراني نشوف خرجتي


اسف ما انتبهتش بكري على ردك

[كريمة1993]

راني مليحة و الحمد لله وانت ؟ ان شاء الله تكون خدمت مليح في الباك ؟
بصح ما فهمتش علاش راك حابني نقعد اذا تسحق حاجة راني هنا متخممش ختك ما عندها وين تروح
قللي اذا زرت بريان اكثر من 100 مرة معنتها عندك une famille هنا عند من راك تجي بالاك راني نعرفهم؟
على كل حال انا نحب كي نلقى الردور ديالك خاطرش يعجبوني بزاف بالتوفيق يا ربي اذا راك مشغول راني نستنى فيك مور الباك ok خويا ؟
ربي يوفق

[mistrio16]

او قتلك تارمينال على حساب العام الجاي

مش هذا
ياخاه درتيني باك قبل اوانو

نوضتيلي الخلعة كريمة

انا صااف

ههههههه
انتي لي قلتي راكي تستناي قتلك هك قاعدة

معليش مرسي كريمة

لالا بحكم اني نروح من غرداية لمسيلة
8 مرات رايح و8 جاي في العام

وساعات نحوسها

نعرف جماعة من ثم
لي زامي تاوعي

للاسف معنديش افامي

او انتي تعرفي بريان كامل

ههههههههههههههه

مرسي انا ايضا يعجوبني بزااااف كي نشوف ردودك

مي انتي قليل وين تدخلي

[كريمة1993]

بالعكس انا دائما ندخل بالاك الوقت اللي ندخلو فيه مختلف
على العموم انا اسفة على حساب واش فهمت انك باك بصح ما عليش ما شي مشكل العام الجاي ان شاء الله
انت مسيلي؟ ما كنتش على بالي خيار الناس صحاب المسيلة وكامل الجزائريين
واذا قلتلك ما نعرفش بريان نكون نكذب عليك هذي البلاد نحبها بزاف بصح تسمحلي خاطرش نحب تيزي وزو اكثر تبقى هي بلادي الحقيقية وانا راني نستنى فالعطلة نتاع papa باش نروح توحشتها بزاف وتوحشت كل زاوية فيها على الرغم اني غير كيما رحت المهم ما نشغلكش بحكاياتي نخليك
دمت في رعاية الله

[mistrio16]

اوه خسارة عليك كريمة

حكايات شرف ليا

ايه انا مسيلي


لالا انتي تدخلي فيت فيت وتخرجي


ان شاء الله تروحي اتيزي وزو
عندي صاحبي هنا من ثم
خلي نقول طفل وطفلة