طريقتــــــــــــــي السحرية في حفظ التواريخ وداعا لعقدة التواريخ...؟

نتــــــــــاشا · 2012-04-02, 21:13

السلام عليكم ورحمة الله وبركاتــ÷
شوفوا نمدلكم طريقة لحفظ التواريخ بسهولة مي ماتضحكوش عليـــا ،انا مهبولة شوية وعندي تخمام مهبول كيما انا مي والله وراني نحلفلكم غير التواريخ حفضت اغلبيتهم وكل مانحفظ تاريخ ما جامي راحلي من بالي .
والطريقــة هي : كل تــــاريخ ديرولو حكاية معينـة وضرك نمدلكم مثال
زعمــا 19 جــــــوان 1965 :الاطــاحة بنظام احمد بن بله ( التصحيح الثوري)

شوفو زعما انـا عمري 19 وختي زايدة في جاون وعمتي عمرها 65 سنة ، زعما نقول انا وختي طيحنا عمتي ههههههههه والله غير بقاتلي مرسخة في بالي.
ومثلا 22 اكتـــوبر 1956 : القرصنة الجوية ( اختطاف طائرة الوفد الجزائري ال5 )
خويا عمرو 22 سن وبنت خالي زايدة في اكتوبر وباباها زايد في 1956
نقول مثلا خويا وبنت خاتي وباباها راحو يحوسو في طائرة .

مثال آخر ياسيدي : 23-10-1958 : سلــــــم الشجعان
ختي عمرها 23 وبنت خالتي زايدة في اكتوبر وبابا عمرو 58 سنة نقول اختي وبنت خالتي وبابا شجعان يا محاينك.

مثال أخيـــر باش مانصمطش عليكم
04-10-1958 :مشــــــروع قسنطينة
انا زايدة في يوم 4 وبنت خالتي اكتوبر وبابا عمرو 58 سنة معنتها انا وبنت خالتي وبابا رحنا نحوسو في قسنطينة
ههههههههههههه ماتضحكوش بزااااااااااف مي والله والله هاذي الطريقة الامثل وراهي عاجبتني بزااااااااااف وكل مانشوف تاريخ ما نربطو بلحكاية ونسترجعو وصباح لعبنا لعبة التواريخ انا وصحاباتي والاغلبية انا لقيتهم والله قولو ماشاء الله

ايــــــــــــــــا بون نوي وماتنساوش تستخدمو الطريقة السحرية ديالي

الزير سالم · 2012-04-03, 10:16

مبادرة مليحة اختي

amine 2012 · 2012-04-03, 13:19

هادي صالحا مع تاع الثورة بصح وتاع الاتحاد السوفيياتس

نتــــــــــاشا · 2012-04-03, 17:18

اقتباس:

المشاركة الأصلية كتبت بواسطة amine 2012

هادي صالحا مع تاع الثورة بصح وتاع الاتحاد السوفيياتس

شوف التواريخ اللي ينطبقو مع فاميلتك و وطبقهم على التواريخ

~~سياف 100~~ · 2012-04-03, 17:52

ههههههههههههههههههههههههههههه
والله غير عند الحق رايحة نهبل من التواريخ

الزهرة البيضا · 2012-04-03, 18:20

ننصحك نصيحة
التاريخ الصعيب عليك اربطيه بيوم غالي عليك

مثلا عيد ميلاد والدتك او والدك .. هذا مجرد مثال باش تقدري نبعد ف الامتحان تتفكريه اذا جاك

وشكرا ع الموضوع

ka_ak1000 · 2012-04-03, 19:58

هدي الطريقـــــــــة صعيبـــــــــة بزاف بـــــــــزاف

barrca1980 · 2012-04-04, 07:33

صباح الخي طريقة مليحة بصح تخليك تركزي وتحوسي على كل الفاميلا فاش زايدة خاصة كيما قال الأخ
الاتحاد السوفييتي في الحقيقة أنا ربحت الباك منذ1999 وعاودته في 2006 وربحته الله يوفقكم أنتوما تاني

وباش تحفدوا التواريخ نودو بكري صلوا الفجرو احفدو

سليمان23 · 2012-04-04, 10:01

الله يخليكم

نتــــــــــاشا · 2012-04-04, 19:37

ميـــــرسي على المرور ديالكم معلاباليش علاش جاتكم صعيبة طريقة ديالي مي معليش بالنسبة ليا والله فادتني بزاااااااااااااااااااااااااف وراني حافضة 70 بمية من التواريخ مشاء الله واللي خلاهم يترسخوا في بالي هي هاذ الطريقة

تحياتي...

اميرة زماني · 2012-04-05, 08:02

فعلا من الطرق الجيدة للحفظ
نك تربطي الصعب بالاشياء لطريفة والسهلة
الله يوفق

crvmj · 2012-04-05, 11:33

بارك الله فيك

صفا الروح ايمانوو · 2012-04-05, 13:12

هههههههه فكرة حلوة غلاتي نتاشا ماشاء الله عليك
ههههههه انا مشكلتي ماشي مع التواريخ المشكل في الشخصيات يا لطيف سرتو تاع الاتحاد السوفياتي وامريكا يتلفوا هههه لازم لهم حكاية تاع جد جدي زايد نهار زاد ايزنهاور (:
الله يوفقك وينجحك يارب انا طالبة شعبة تسيير واقتصاد (:

momob113 · 2012-04-05, 22:35

هادي أحدث ما يحدث في علم الحفظ

الامير شوقي · 2012-04-06, 12:14

ممكن طريقة لا تنطبق على الكثير من الطلبة نعطيك طريقة اخرى اكتبهم في البروطابل و كل مرة اضرب طلة خفيفة و ركز على التواريخ المهمة و حاول تحفظ التواريخ المشتركة مثل 1947-1949-1956-1958 احفظ السنة ومن بعد الشهر و اليوم هذه الطريقة مفيدة بالتوفيق للجميع