مازال ما بديتش .......... يكفيني الوقت ؟؟؟

[Help_Me]

السلام عليكم
مازال ما بديتش .......... يكفيني الوقت ؟؟؟

[asma-forever]

السلام عليكم اختي الكريمة يكفيك الوقت عادي راهي فاتت عليك هاد التجربة ماراكيش جديدة في الباك تقدري تقريلو غير من الان زيري روحك برك

[bouchera-lili]

راكي كيما انا لازم نتحركوا بزاااااااايد

[ابتسام smile &hope]

rana kif kif nhar l7ad nebda

[Help_Me]

إن شاء الله
بالتوفيق لنا جميعا

[volcanos]

aya b1 manich lmahboul lw7id li mazel ma bdach Lool

[Help_Me]

المشاركة الأصلية كتبت بواسطة volcanos

aya b1 manich lmahboul lw7id li mazel ma bdach Lool

Ghi men drwkk w ma3lich 5ouya, chahi lazem chwiya les efforts

[فريال العلمية]

يا خويا ابدا دوكا مزال الحال سورتو لا كنت مجمد العام راهو الوقت الله يبارك

[Help_Me]

المشاركة الأصلية كتبت بواسطة فريال العلمية

يا خويا ابدا دوكا مزال الحال سورتو لا كنت مجمد العام راهو الوقت الله يبارك

ما جمّدتوش، غي البارح كنت عندهم قالولي فات الديلي، تسمى راني غير مْأبوندوني و صايي و مانيش نروح راني ليبر

[فريال العلمية]

المشاركة الأصلية كتبت بواسطة help_me

ما جمّدتوش، غي البارح كنت عندهم قالولي فات الديلي، تسمى راني غير مْأبوندوني و صايي و مانيش نروح راني ليبر

انا مجمدتش تاني و راني نقرا بيولوجيا صعيبة بزااف مي الله غالب
ان شاء الله تكون فيها خير مزالك مبديت واالو ؟

[Help_Me]

أنا نقرا طبيب بيطري، هذا العام الزاوج تاعي باسكو ربحت باك 2013، و راني مازلت غي 1ère année ههههههههه.
القراية شا نقولك، العلوم وصلت حتّى للإنزيمات و حبّست، مازال ما دخلتش المناعة، والرياضيات les limites كمّلت، الاشتقاقية ثاني كمّلت، و الأسية واللوغاريتمية كمّلت و هذا مكّان باسكو باغي ندخل في الجداء السلمي مي ما قدرتش نقراه وحدي، صعيب.... والفيزياء ما بديتش قع ههههههه، والمواد لوخرين ما نهدرش خير هههههه.
نتي وين راكي واصلة؟

[اريج اريج]

نعم بامكانك ذلك عزيزتي راكي قدها كيما نقولوا مي لازمك تبداي بقوة والا رايحة تضيعي فرصتك تمنياتي للجميع بالنجاح
بامكانك الانظمام الى التحديات اليومية صدقيني سوف تدفعك ان كنت جدية معها ^^ موفقة عزيزتي

[فريال العلمية]

المشاركة الأصلية كتبت بواسطة help_me

أنا نقرا طبيب بيطري، هذا العام الزاوج تاعي باسكو ربحت باك 2013، و راني مازلت غي 1ère année ههههههههه.
القراية شا نقولك، العلوم وصلت حتّى للإنزيمات و حبّست، مازال ما دخلتش المناعة، والرياضيات les limites كمّلت، الاشتقاقية ثاني كمّلت، و الأسية واللوغاريتمية كمّلت و هذا مكّان باسكو باغي ندخل في الجداء السلمي مي ما قدرتش نقراه وحدي، صعيب.... والفيزياء ما بديتش قع ههههههه، والمواد لوخرين ما نهدرش خير هههههه.
نتي وين راكي واصلة؟

نصيحة خودها بعين الاعتبار باش تقرا و يكون عندك دافع لازم تصيب زميل ولا زميلة يجوز الباك و اقراو مع بعضاكم انا تاني كنت ماشي قادرة مي كي لقيت صحبتي عاودت معايا الباك الحمد لله رانا معاونين بعضانا و كل ما تطيح معنويات وحدة فينا نرفعوها بعضانا
ربي يفتحلك باب من ابوابو فارس حوس قبل ما يفوت الاوان شوف فالجاميعة راهي ناس بزاااف رح تعاود الباك في كل ميترة واحد
ربي معاك متياسش

[Help_Me]

المشاركة الأصلية كتبت بواسطة فريال العلمية

نصيحة خودها بعين الاعتبار باش تقرا و يكون عندك دافع لازم تصيب زميل ولا زميلة يجوز الباك و اقراو مع بعضاكم انا تاني كنت ماشي قادرة مي كي لقيت صحبتي عاودت معايا الباك الحمد لله رانا معاونين بعضانا و كل ما تطيح معنويات وحدة فينا نرفعوها بعضانا
ربي يفتحلك باب من ابوابو فارس حوس قبل ما يفوت الاوان شوف فالجاميعة راهي ناس بزاااف رح تعاود الباك في كل ميترة واحد
ربي معاك متياسش

mrc 5ti Feryal.................kount na9ra m3a wa7ed mé ya9ra f lycée, mahouch libre kima ana tt le temps

[ninjatao]

أرجوكم من أين يحصل المترشحين الأحرار على استدعاء امتحان الرياضة ومتى يكون ذلك