هل يمكن أن يقع خطأ في تصحيح أوراق شهادة التعليم المتوسط أو في شهادة البكالوريا؟

[اسماء تيارت]

انا اعلم رمضان غلبهم و الاساتذة جدد على حسب ظني و ان بعض الظن اثم مي قلت واش في قلبي بسكوا ظلموني و الحمد الله

[اسماء تيارت]

سمحلي استاذي الفاضل لكن انا ظلمت و انا لا اتهم شخصا هكذا فقط لأنني مسؤولة عن كلامي زائد ليس كل الاساتذة وحاجة كي نخدم فيها نعرف روحي بلي خدمت ولا كنت مخدمتش يعني مخدمتش رياضيات كنت عارفة بلي مخدمتش ديت9 تاريخ خدمت ديت 17 مي العلوم لي حطيت كل طاقتي فيها و تاكدت 100/ 100 انو اخر علامة نديها فيها هي 16 لكن 8،5 مستحيل. اخر و اول شيئ قدر الله شاء فعل و الحمد الله. اضافة استاذ و عذرا. اساتذتي ربي يخليهم كانوا مزيرين و نقطة ما يزيدوهاش حتى نصف و الله ما تشوفها و انا متأكدة اني لم استعمل غير الازرق و بمنهجية رائعة. و تاكدت حتى في الاجابة النموذجية لكن صدمة. و معليش

[#Aya_bOok#]

المشاركة الأصلية كتبت بواسطة mohamedkarim

مخطئة بنيتي في هذا بنيتي ورقة تصحيح نقاط المصحح لايعلمها الا هو ويمنع منع باتا تسليم نقاطه لاي مصحح اخر واذا اكتشف امره سيعاقب قانونيا الا اذا كان هناك تواظئا بينهما خفية لايعلمها الا الله
هذا النوع لايسمى استاذ اصلا لانه يستعمل الغش وياكل السحت سيعاقب عاجلا لا اجلا لان الله يمهل ولا يهمل

المشكل ان القانون لا يعاقب لو كان يعاقب القانون راهو كل واحد عطوه حقه وماراناشي غاضبين تو
المشكل يكمن في القانووووون

[#Aya_bOok#]

المشاركة الأصلية كتبت بواسطة khaled2020

اتقو الله والله في التصحيح دائما نميل لمصلحة التلميذ مهما كان كلهم تلامذتنا وان حدث مثل ما تقولين هذه حالة شادة والشاد لا يقاس عليه

استاذ بالعكس تماما اصبح الشاذ من يصحح بعقلانية ويخاف من الله وهم امثالك استاذ الذين تفتقرهم الجزائر
اما الغالبية فهم الذين يستعملون هذه الطريقة

[طالبة رياضيات]

صح استاذ حقرونا بزااااف
بصح راح ندير طعن في بعض المواد

[#Aya_bOok#]

المشاركة الأصلية كتبت بواسطة أﻣ̲ـيےـږة

السلام عليكم
أنا حسب رأيي تبالي بعض التلاميذ يشوفو بلي ظلموهم باسكو والفو نقاط مليحة في الفصول
و كيما نعرفو كاين بعض الأساتذة يقولو مادام هذا تلميذ مجتهد نسمحولو باسكو علبالنا بلي يقرى *بمعنى آخر يغضو الطرف*
أنا العام الماضي و الحمد لله قروني نعم الأساتذة علموني منهجية الإجابة بش ندي العلامة الكاملة
تخيلو بلي أستاذة الفيزياء نقصتلي نقطة كاملة و حرمتني من 20 في الاختبار لهاد السبب:
التمرين كان من هاد النوع a=20 و b=10 و c مجهولة
و الهدف من التمرين انو نستنتجو c من العلاقة لي قريناها و كانت a=b*c
المهم انا كتبت العلاقة و عوضت بالارقام و مبعد استنتجت العلاقة *بمعنى آخر كتبت 20=10*c و منه c=20/10*
و مبعد في التصحيح قالتلي استنتجي العلاقة و مبعد عوضي ماشي العكس و بالتالي راحتلي نقطة رغم انو النتيجة صحيحة
نفس الشيء في مادة العلوم كانت الأستاذة تحاسبني كي مانوظفش السندات و كي ماندعمش اجابتي في الوضعية برسوم تخطيطية
يعني كاين سبب و هو انو التلاميذ مايعرفوش منهجية الاجابة
و في نفس الوقت كاين تلاميذ غلطولهم بصح يغلطولهم في عدة مواد غير معقول
فالتلميذ ملام من جهة و المصحح المقصر أيضا ملام

امييرة نفس ماقولتيه كانت تحاسبني به الاساتذة، منهجية الاجابة لم يعلمونا اياها فقط في السنة الرابعة متوسط بل من السنة الاولى والثانية والثالثة لانها كما تسمى شهادة التعليم المتوسط كاملة،لكن لم يعطولاجابتي اهتماما لسوء الحظ.

[اسماء تيارت]

الان بعض ليس كل الاساتذة اصبحوا لا يخافون من الله و خاصة الجدد لايعرفون حتى التصحيح. انا اعلم هاذا. حتى اعرف بعض تلاميذ. في تيارت حقروهم في العلوم خاصة انا. لست اتكبر لكني من بين المجتهدين في متوسطتي و قسمي رغم ان اساتذتي و الله لا يظلمون لكن في نقاط حسب خدمتك و قرايتك حتى لو كنت الاول في القسم. و هذه حقيقة من قسمي. لكن انا ادعو في كل صلاة و كل سجدة. ام ياخذ الله بهم لانهم قصروا في تادية عملهم و امانتهم التي وكلها لهم الله انا اقول كل هذا و لازال هناك كلام كثير اقوله لانو ذهب كل سهري و تعبي و حتى كنت ابكي دائما. و.جهدي في الريح. لكن عسى ان تكرهوا شيئا وهو خير لكم الحمد لله. لم اذق فرحة. النجاح رغم اني من الناجحين لكن الحمد لله على كل شيئ

[ايمانو الجزائرية 01]

حنا منهجية الاجابة م علموهالناش كاااامل
كنا نجاوبو بهمجية ماشي بمنهجية
+
اميرة ف لمدنية ف تعريف ليونيسكو اوليو لي نديرها تاسست ف 45 درتها ف 46
مع العلم انو التعريف لي درناه ف لكراس طووووويييييييل و الحمد لله كان صحيح ابار هذي السنة زعما ينقصوا بزاف
لقيت ابعلامة كاااااارثية !

[ريان2015]

الاخت التي اخذت 13.5 في الرياضيات رغم ان اجاباتها صحيحة ممكن يكونوا ضيعوا لك بعض الاوراق لان هذا الشئ حصل لتلميذين في تصحيح البكالوريا هذا العام حيث لم يجد المصححون سوى الاوراق الخارجية في مادة الرياضيات ومن شعبة اخرى هذا الشئ قد يحدث اثناء الكداج والله كارثة

[ام الاحباب]

انا ايضا ابنتي اجابت كل صحيح في الرياضيات اعطوها 18.5 وكانت تنتظر 20 ...فمستواها دائما 20 ...قالت ممكن -025 او 0.50 لكن 1.50 بزاف...
المسكينة كانت تنتظر علامة 20 تبعا للاجابة النودجية وكانت تامل ان توجه الى ثانوية الرياضات بالقبة ...لكن ...تجري الرياح بما لا تشتهي اللسفن...هل يمكنها الطعن ...

.قيل لها انه لا يمكنها الطعن بمانها ناجحة هل هدا صحيح ..

[ايمانو الجزائرية 01]

الله اعلم طاطا كلنا في نفس الحالة

[طالبة رياضيات]

أنا أيضا اريد الطعن في نتائج شهادة التعليم المتوسط

[اكرام براءة]

السلام عليكم و رحمة الله

حتى أنا مثلكم تحصلت على علامة كارثية في الاجتماعيات و لكن أحمد الله على كل شيء

+

أريد سؤال آمنة

هل وضعتِ أوراقا إضافية في مادة الرياضيات ؟
و إن كان نعم
هل أنت متأكدة أنك ألصقتها جيدا ؟

[ايمانو الجزائرية 01]

مكارم ممكن اسالك كم اخذتِ في الرياضيات من فضلكِ ؟؟؟

[المتـــواضــعة]

اكرام مش هي الي تلصق هذي مهمة الحارس