وفقكم الله ادخلوا هنا

O.o°• جُمَانَة •°o.O · 2014-06-10, 22:25

السلام عليكم

رغم انني لا املك اخوة اكبر مني

الى ان اخوتي هنا في المنتدى

لذا فانا ارجوا ممن اجتاز بكالوريا 2014 ان يزودني بكراريسه الذي استعملها خلال السنة في المادة التي يستطيع وذلك عن طريق تصويرها او نسخها فتكون صدقة جارية وعلما ينتفع به واجرا يزداد كل سنة

ارجوا الا اكون قد اتعبتكم اخوتي

وفقكم الله لما يحبه و يرضاه

وجعله في ميزان حسناتكم

شكرا مقدما

DjameLSecurity · 2014-06-10, 22:29

إذا كنت من المقبلين على الشهادة دورة 2015

نصيحة: روح دير دورة كبيررررررة حول الجزائر ... اتفرج كأس العالم واستمتع .........
ومن بعد أرجع ودير موضوع كيما هذا ..... :d :d

^^
والأفضل انك تصبري حتى النتائج باه يحطو الأعضاء لي يتحصلوا على علامات جيدة جدا في المواد كل على حدى ... باه تدي مصادر قوية ..
================================================== ===================

بالتوفيق إن شاء الله وتلقى لي يعاونك في طلبك ....

هاجر البرايجية · 2014-06-10, 22:36

يا اختي متفلقيش روحك العام راهو طويل و يكفيك
انا بعد النتيجة انشا الله نحط وثائقي اكل
بالتوفيق و ادعيلي نجيب 16 او 17

banouna · 2014-06-10, 23:06

يا أختي أصبري شوي برك حتى تخرج النتائج و نوعدك ندير موضوع خاص ب بكالوريا 2015 و نجاوبكم على كل واش تسحقو و زيد تمتعي بالعطلة امامك عام طويل و شاق و تأكدي الوقت كاف جدا

O.o°• جُمَانَة •°o.O · 2014-06-10, 23:53

شكرا على ردودكم

انا في حاجة الى الكراريس لانها تحتوي على التفاصيل التي لا يظهرها التوزيع السنوي كما انه ليس لدي من معارفي من يقدم لي كراريسه لذلك التجات اليكم عسى ان تفيدوني بكراريسكم لاحملها اما العمل بها فينطلق مع بداية العام كل ما في الامر انني خفت الا اجدكم بعد اعلان النتائج

وفقكم الله للمعدلات التي تريدونها

DjameLSecurity · 2014-06-11, 00:05

لن تحتاجي لأي كراس

هنالك الكثير من الملفات والوثائق التي تفي بالغرض وأكثر وزيادة ....

مثلا موقع: dzbac.net

فيه دروس وتمارين .. إلخ في جميع المواد

فريال العلمية · 2014-06-11, 09:22

يا خاوتي نتاع باك 2015 علاش التقلاق نصيحة من عندي انا ختكم بديت نقرا مالصيف و ما صبت حتى فايدة والله كيما انا كيما لخرين
اباي من سبتمب خي يا اختي والله غير تعياي مع تالي اسك يولي ميفدش كيما صرالي
اختي ادعيلنا نجيبوه ان شاء الله و انا و اعضاء المنتى والله منخلوكم انا عليا نفهمكم اي حاجة متعرفوهاش في العلوم و الفلسفة
اعملي بنصيحتنا و متقراي والو دوكا
و لراكي خايفا منن لحفاضة والله كن تنظمي وقتك برك تكمل و المواد الادبية هما الساهلين و الفلسفة والله غير كي الماء امتع ماة
المشكلة هي الفيزياء و المات لزم تقرايهم مليح
انتوما ديرو حاجا مليحة ادعولنا برك
و حنايا ان شاء الله ندعولكم العام الجاي
سلااااااااااام

O.o°• جُمَانَة •°o.O · 2014-06-11, 12:40

شكرا على مروركم اخوتي و نصائحكم المفيدة جزاكم الله خيرا

انا لن ادرس هذا الصيف احتاج كراريس لاتابع بها الدروس العام المقبل و اقصد الدروس المفصلة لانها في الانترنت ملخصات فقط

وفقكم الله لما يجبه و يرضاه

ريحآنة الوفآء · 2014-06-11, 13:05

ا

ستمتعوووو بالعطلة شوي بعد رمضان انطلقي

معندك ماديري بكراريسنا ظرك تولهي بكراريسك تاع الاولى و الثانية و مبعد تولهي بكراريسنا

و لكان مكيش قادرة تصبري روحي ركزي على الامور الي مافهمتيهاش في الفيزياء تاع الاولى و الثانية لان الباك متعلقة بدروس الاولى و الثانية ياسر

و كيما تفهميهم ركزي على الميكانيك تاع الباك افهميها من اليوتيوب كاين اساتذة هايلين يفهموك مليح لانو الميكانيك اكثر حاجة لازمتها ممارسة لتعدد

افكارها و مستحيل تفهميها وحدك من كراس لازم استاذ و باقي الوحدات نورمال تقريها مع العام عادي

و بعد الباك ظرك نحطولكم اهم الوثائق والنصائح بلآ تطلبو المساعدة وحدنا نفهمو رواحنا هههـ

ربي يوفقكــْ

و دًعًوًآتٍكــــْ لًنًـــآ

O.o°• جُمَانَة •°o.O · 2014-06-11, 19:40

ربي يوفقكم للمعدلات الللي حابينها

اخوتي اكرر انا لن ادرس في الصيف انا احتاج الكراريس للعام المقبل