السلام عليكم و رحمة الله و بركاته
أختي معاك تلميذ متحصل على البكالوريا 2015 معدل 13.88
المعدل صح ماهوش شباب مي نقولك امور تفيدك
انا كنت في السنة الثانية مليح في العلوم و الفيزياء و كانت الرياضيات احدى نقاط ضعفي ما كنتش ندي فيها نقاط مليحة
طلعت للتارمينال و بديت معاها راسي و راسها موراها موراها
بدون دروس خصوصية و بدون اي شيئ فقط بكتاب المغني و واش يقرينا الأستاذ في القسم
جبت 16.5 في الباك الموضع الثاني ولات نقطة قوة عندي ديت أفضل من اللي كانو يقراو دروس خصوصية المهم حطي راسك برك الرياضيات تاع التارمينال ماهيش مرتبطة بشكل وثيق بتاع السنة الثانية
غير ما تقلقيش روحك و نزيدك حاجة عندك وقت كافي باه تقراي و تدي فيها نقطة هايلة انا بديتها من جانفي و حطمتها تحطيم
ما تقوليش قاع الوقت فاتني كاين ناس راجعو شهر قبل الباك و داوه بنقطة ما شاء الله
وما تبقايش تهبطي في المورال لنفسك بالهدرة تاع فاتني الوقت و راني ضايعة و الفقدت الأمل
ياو العقل الباطني لا يفرق بين الحقيقة و الخيال
هو يخليك تطبقي برك
قوليلو راني مليحة و كون نزيد نراجع نفهمها أكثر
اياك و العبارات المحبطة فهي عدوك اللدود
ان تضيئي شمعة خير لك من ان تمضي حياتك تلعنين الظلام
كل التوفيق لك و لباقي الأعضاء وان احتجت اي شيئ انا في الخدمة
مع تحياتي max8
( تقرير عن مشاركة سيئة )، و الموجودة أسفل كل مشاركة .
2015-09-26, 19:23
العرض العادي
