جارتي تطلب مني ومن اخوات اهل الجلفة المساعدة فمن تساعدها لوجه الله - الصفحة 2

hanane09 · 2014-09-25, 20:57

شكرا لكل الاخوات
اختي شامبوmarie rose لايضر بالطفلة
وما ي الطريقة الي عملت بها هي تقول اعمل اي شيء المهم تقضي عليى الصيبانولكن الطفلة لا تريد قص شعر اانتضر منك الرد

تسنيم مسلمة · 2014-09-25, 21:21

اقتباس:

المشاركة الأصلية كتبت بواسطة hanane09

شكرا لكل الاخوات
اختي شامبوmarie rose لايضر بالطفلة
وما ي الطريقة الي عملت بها هي تقول اعمل اي شيء المهم تقضي عليى الصيبانولكن الطفلة لا تريد قص شعر اانتضر منك الرد

السلام عليكم
هو الشامبو يوالم الصغار لي سنهم أكثر من 3 سنوات لأنو مخدوم بمواد طبيعية شوفي برك تاريخ الصلاحية و زيدي سقسي الصيدلي... بنت أختي كان عمرها 4 سنوات نظن... أما بالنسبة لطريقة الإستعمال فهي موجودة في العلبة ... على ما أعتقد دير شوية في شعرها تدلكو لمدة 3 دقائق و تشلل بماء و بعدها دير après shampoing باش يزلقو لقمل و السيبان و تمشط بمشط تلقاه داخل العلبة و تكرر العملية مرتين أو 3 مرات ما شفيتش، كل 24 ساعة ..... المهم التعليمات موجودة في العلبة

hanane09 · 2014-09-27, 05:14

مشكورة اختي جزاك الله كل خير

الماسة النادرة · 2014-10-08, 23:02

ادوها عند الطبيب هو الحل او الصيدلي

رانيا لوك · 2014-10-09, 10:55

انا ايظاا مريت بهده الحالة ابنتي كان عندها سيبان ولكن مع الغسل راح

أم ياسين الزهراء · 2014-10-09, 12:26

اختي صراتلي لبنتي اتععدات في السنة الاولى الصيبان والقمل اللي تقعد معاها عدات القسم الكل ديتها للحفافة وقلتلها باش دير حسابها قطعتلها شعرها ووليت كل يومين نغسللها شعرها ونشفهوللها بالسيشوار صح تعبت بزاف وزيد دخلي الشك قلت الدار كامل حكمها وشريتلها وحد البودرة من عند الصيدلي قوليلو برك وشمبوا خاص بيه والحمد لله وزيد قوليلها ماديريلهاش الريحة فيرقبتها راهي تجيب الصيبان يتندى الشعر

algerienour · 2014-10-09, 13:15

لا الجفيل يحرقها ديريلها الخل مع زيت الزيتون جد فعال و عصبيها راسها و خليها تبات به و من بعد اغسليهلها مليه روحي عند الصيدلية يمدلك غيول خاص بالصيبان والقمل/ بنت اخي كانت و ش نقولك كارثة طبيعية ههههههههه من بعد راحلها كامل الحمد لله يقولك بلي الصيبان والقمل ابتلاء من عند الله

Basketteuse · 2014-10-09, 16:29

نفس المشكل صاب ولدي الصغير ، وزاد عدااااني ، مافقتش حتى لقيت روحي نغلي بالقمل، وانا شعري طويل وزيد حامل، مانقدرش نلعب بروحي ،،، فتشت في الانترنت حتى لقيت وحد الحل سهل، بصح لازمو التكرار، هو المايوناز ،،خدمت مايوناز وعمرت راسي وراس. وليدي وانتظرت ساعتين ودخلت للدوش ، واستعملت السلاك الرقيق والله يطيحو ورا بعظاهم، وغسلت شعري وكملت نسلك ،عملتها يوم بعد يوم لمدة اسبوع والله راح كلش وزيد شعري ولا براق واملس من المايوناز،،،،،، المبيدات بعدي عليهم مضررررين بالصحة ، والجافيل حذاري

fatima.. · 2014-10-09, 16:42

ماهو السبيان?????????????????????????

أم ياسين الزهراء · 2014-10-10, 15:01

اقتباس:

المشاركة الأصلية كتبت بواسطة fatima..

ماهو السبيان?????????????????????????

بنتي الصيبان هو بيض تاع القمل وماتقوليليش ماتعرفش القمل ماعندهاش بزاف فرنسا تعمرت قمل في المدارس انتاعهم ههههههههههههههههه

~~hope of life~~ · 2014-10-10, 23:20

صح ...صراتلي مع بنتي دخلتها للاكراش نتاع النهار كامليعني يرقدو وقت القيلولة.....واش نقولك اكتشقتها بالصدفة خرجت القملة للشط ياعيني ادور......طليت على شعرها قليت بعض السيبان ....ونعلن الحرب عليه كل يوم نفل شعرها ونحي السيبان من كل شعرة.....طبعا بعد ما غسلتلها شعرها بالخل العادي......بعد الغسل نشللها شعرها بالخل مع الماء حتى تهنيت منو......خطرة جابتلي من لاكراش لي زوريون...وعداتلي ختها...كل مرو تجيبلي مرض.....ايا حبستها من لا كراش

امينة مناد · 2014-10-13, 09:17

انا عانيت بزاف من هذا المشكل جربت كل الادوية صدقيني كانت النتيجة ماشي مفرحة ايروح ويعاود اليولي
ولكن العذاب تلاقيت بوحدة اخبرتني بوصفة غريبة ولكنها فعالة راكي حاب تعرفي وشنوها .........................

hanane09 · 2014-10-16, 21:30

شكرا لكلن جميعا
واشنو هي الوصفة الغريبة يا اختي امينة انتضر الرد

hanane09 · 2014-10-16, 21:31

شكرا لكلن جميعا
واشنو هي الوصفة الغريبة يا اختي امينة انتضر الرد

hanane09 · 2014-10-17, 15:19

انتضر منك الوصفة يااختي امينة