شوفو واش جبتلكم اليوم

[blackTears]

السلام عليكم
اليوم حبيت نشاركم بحاجة نحبها بزاف و هي المبرجة
علابالي مازال الربيع بصح انا نحبها في كل وقت نخليكم مع الطريقة إنشاء الله تعجبكم
1- المقادير :
دقيق * غرس* زيت* ملح * شوي طيب مرحي* زبدة *
الطريقة :
ذوبي الزبدة تاعك و خليها تبرد مليح
و بالمقدار تاعك تاع الزبد ديري بيه 3 كيلات من الدقيق يفضل يكون خشين شوي
يعني 3 كيلات دقيق بكيلة من الزبدة تاعك.
حطي الدقيق و بسيه بالزبدة مليح و زيديلها شوي تاع زيت غطيها بالبلاستيك و خليها نصف ساعة تشرب زيتها .
روحي للغرس نظفيه و أعجنيه بشوي قرفة مرحية شوي ملح شوي زيت و شوي طيب مرحي متكثريش باه ينحي حريق تاع القلب من الزبدة .حطيه و ولي للدقيق تاعك قبل مانعجنوه نحي شوي منو و خبيه نسحقوه .
ديري شوي ملح و كبي ماء دافئ و أزربي لميها متعجنيهاش بزاف باه متيبسلكش و كيما تقولي ماما خلطيها مليح و متوليش ليها *كلي رانا في حرب *
ثم أقسميها على زوج قدقد .
وحدة حليها أكبر من الأخرى و النصف الكبير هو لي نحطو عليه الغرس و متنسايش تحت العجينة حطي الدقيق لي خبيتيه
SPM_A0128.jpg
وحلي الغرس تاعك وحطيه على العجينة و متخلي حتى فراغ
SPM_A0130.jpg
و حطي فوقها العجينة الأخرة الأقل حجما
SPM_A0131.jpg
و لمي العجينة تاعك من الأسفل إلى الأعلى لمي الحواشي تاعها مليح
SPM_A0132.jpg
و ذري من فوقها القليل من الدقيق لي خبيتيه و قلبيها يعني لي كانت في الأسفل تولي في الأعلى أعدليها مليح و حليها بالحلالة باه يمشي الغرس في جميع الجوانب حاولي ترقيها ثم قطعيها و أبداي تطيبي
و هذه هي الصورة الأخيرة تاعها إنشاء الله تعجبكم
Photo-0048.jpg