فراشات تنطلق من جديد نحو نفسية راضية مسترخية همتها من حديد

[غزالة1]

السلام عليكم
حبيت نقولكم انو هناك حملة للجمال في قسم العرائس
الموضوع للاخت klodia26 و لقد وضعت مواضيع عدة للشعر و الجسم
يالا يا فراشات نرجعو شوية جمال و اناقة
سلام

[الوردة الندى]

مميزة بكل ما تحمله الكلمة من معنى

[نور 13]

كلام في الصميم نتمنى تقبليني معاكم في هذه الدورة خاصة انني محتاجة للالتزام

[amel...]

مساء الخير عليكم ... ان شاء الله راكم ملاح و الصحة بخير

انا راني مزلت حايرة في البرنامج الاسبوعي و اليومي و مقدرتش نوتر عليه خاصة مع الاجواء قبل العيد

ربي يقدرني و يقدركم ان شاء الله

[الوردة الندى]

هذه اول مشاركة لي معكمhttps://www.dztu.be/watch?v=xVEhv0BW3P4

[منال100]

صباح الخير للجميع
واش راهم الشطورات على بالي راكم نحلات من زهرة الى أخرى يعطيكم الصحة
ان شاء الله راكم كامل لباس خاصة مع أجواء العيد السعيد يا رب
حنا الخدمات لما يكون عندنا مناسبات هكذا نتقطعو من التعب والدار ما يبان عليها والو ونعودو خايفين من الضيوف ليجيو على غفلة خاصة لعندو الضيق ما يقدرش يغلق غرفة الاستقبال وبالتالي لازم طول ينفض
المهم كاش كباش ولا مازال
حنا شرينا الحمد لله وكنشري نرتاح نفسيا لخاطر صعبت الشرية مع الغلاء الفاحش وراكم كامل معروضين نديرو شواء بصح الشواية عليكم مازال ماشريتهاش بلاك غدا ان شاء الله لكفاني الوقت نخرج نشري واحدة كبيرةشوية تكفينا كامل
ام نسيبة واش راك والعرس كملتيه والقفطان لبستيه ان شاء الله تكوني بخير مارانيش نشوفك ورقية الناجحة هذا شحال ماشفتهاش باه نسألها على وليدها وبنياتها الشطورات رب يحفظهم
ام صابرين بصحتك واش شريتي دائما كالعادة مرا ونص
حبيبة الحبوبة طال غيابك ان شاء الله خير
سلامي الحار لكل الفراشات صغيرات وكبيرات قديمات وجديدات

[om wassim]

هدا كبشي هههه جا يشوفكم

[افكار خياطة]

بـــــآرك الله فيك

[أمة الله 84]

السلام عليكم
صباح الخير على كل الفرشات
إن شاء الله تكونو كامل بخير خاصة لحبيبة القلوب "حبيبة " يارب تكون بخير و عافية و ترجع تحينا هذه الدورة بطلعتها البهية أحبكن في الله و الله متشرفة بزززززززززززززاف بمعرفتكم و لو عن بعد.

[أم ريتاج زهرة]

صباح النور حبيبات قلبي الغاليات كيف الأحوال مع أجواء العيد و الحمد لله لقينا منتدانا اللي لمنا و في دورتنا عندنا كل يوم عيد بهذه اللمة الشيقة راني مع شوية حلويات للعيد درت القاطو الإسباني و ليوم ندير مول الشاش و غدا بإذن الله الكعك لبابا حبيبي ربي يخليهلي ربي يخلينا ديما ملمومين و التنظيف عندي عادي لأنو منعيدش في داري نروح عند شيخي ربي يخليه

[ام مؤمن]

مساء الخيرات عليكم اشتقت لكم كثيرا و لهذه اللمة الطيبة و أخيرا كملنا عرس سلفتي ربي يهنيها واش نحكيلكم راهي فوضى كبيرة في البيت ككل ربي يعينني باش نرجع كل شيء لمكانه و نحضر نفسي للعيد
راني متشوقة نعرف كل مافاتني و نتمتع بقراءة ابداعات حبوبة الفراشات و نعرف اخباركم حبيباتي و الله توحشتكم بزاف
أن شاء الله تكون عودة موفقة لي و لكل من تطمح الى التغيير الايجابي فهل مازال مكاني محفوظ بينكم

[hafidha20010]

مرحبا بالجميع
ام وسيم مبارك عليكم الكبش راه يبان هايل ان شاء الله يتقبل الله منا الاضاحي وبصحتكم اللحم
شكرا منال100 على الدعوة راني نوجد في الموس باه ندي اكبر قطعة
نحن ايضا اشترينا والحمد لله
العاقبة للجميع

[om wassim]

الله يسلمك اختي حفيظة
ربي يجعل عيدنا هدا كله فرحة يا رب
وينكم لبنات واش راكم ديرو كاش تجهيزات للعيد
انا كملت القاطو و راني مع التنظيفات
نظفت الصبح الثلاجة و رتبت خزانتي و خملت الشامبرة و مسحت الغبرة و سيقتها
هيا ديرولنا شوية حماس

[oum sabrin]

مساؤكم سعيد يا أحلى فراشات و أغلى صحبة على قلبي واش راكم واش احوالكم
انا مازالني مع الميناج اليوم درت الصالون غدا ان شاء الله نكمل غرفتي و ندير شويا قاطو اليوم راني صايمة راني نصوم الاثنين و الخميس من هذه الايام المباركة و اذا ما زارتنيش راني نصوم وقفة عرفة يوم الاربعاء ان شاء الله
منال واش راكي حبيبتي ربي يقدرك صح ماشي ساهل على المراة العاملة و خاصة اذا كان الضيق ربي يفتح عليك بسكن واسع ان شاء الله و على كل محتاج
اختي ام وسيم و حفيظة مبارك عليكم لأاضحية ربي يتقبل منا و منكم جميعا الاضحيات و صالح الأعمال امين بصحتكم
نا مازال ما جبناهش راح خير زوجي بلاك غدا او الاربعاء ان شاء الله يجيبو
ام مؤمن واش راكي حبيبتي ليك وحشة كبيرة مبارك على سلفتك ربي يهنيها و يسعدها امين
طبعا مكانك محفوظ في قلوبنا قبل بستاننا من بعد احكيلنا على الكواليس
بلعقل برك كل شي يرجع لمكانو ان شاء الله تلحقي مع العيد

ام ريتاج واش راكي حبيبتي يعطيك الصحة راكي فحلة له
ربي يحفظلك الوالد و اب الوزج و كل العائلة بصحتكم
ام امة الله اهلا بك واش راكي ربي يخلينا دايما مطمومين في الخير

تحياتي للجميع اتمنى التحاق كل الغائباتام نسيبة ام سلمى ام فاطمة بعيدة المنال ... لا تحضرني كل الاسماء ما تزعفوش عليا توحشتكم كامل راكم كامل في قلبي

[ام مؤمن]

واش راكي حبيبتي ام صابرين لكي وحشة كبيرة و الله حتى أنت و كل حبيباتي مكانكم محفوظ في قلبي و دائما نذكركم و ندعيلكم الدعوات الطيبة و الله يبارك فيك العاقبة صابرين تشوفها عروسة
راني تفكرت صابرين في الدخول المدرسي ربي يوفقها و تشوفيها من ااممتازين ان شاء الله اكيد كانت وردة منورة ربي يحميها
و تفكرت ايضا منال الغالية و بعيدة المنال و الله توحشتكم ام نسيبة و ام رتاج و ام فاطيمة و رقية و ام ياسين و ام سلمى و ام ايوب و القائمة طويلة عريضة
و توحشت طلة حبيبة الباهية
واتشوق للتعرف على الفراشات الجديدات نتشرف و الله
مبروك عليكم الأضاحي احنا غدوة نشريو أن شاء الله كننا لاتيين بالعرس
غدوة ندير تنظيف عميق للصالون و عملت ترتيب خفيف للخزاءن و المواعين مؤقتا كي يجوز العيد تعاود الفرز و الترتيب
رآني من الهاتف فقط نطل عليكم كي يجوز العيد نرجع للميكرو ناخد راحتي في الكتابة و نحكيلكم شوية كواليس تاع العرس و شوية صور
تصبحون على خير