دراستي ام البيت و الاطفال

رانيا1995 · 2014-07-29, 02:22

الالسلام عليكم ورحمة الله وبركاته وبعد انا سيدة متزوجة منذ سنتين اتفقت مع زوجي من الاول على عدم انجاب الاطفال حتى اكمل دراستي علما اني ادرس الطب حتى هو طبيب في الأول فكرت انه رح يتقبل الموضوع لانو جاز على هاد الطريق في الأول ماكاش يهدرلي على الانجاب الا بحكم عمله "طبيب اطفال" صار كل يوم يهدر على نفس الموضوع و انا راني في حيرة كيفاش نوفق في دراستي و الاطفال و شغل البيت
من فضلكم انصحوووووني

lyliane89 · 2014-07-29, 02:34

إذا كان سنك صغير يمكنك الانتظار قليلا أما إذا كان عمرك متقدم فالأفضل أن لا تتبطئي لأن الدراسة يمكنها الانتظار قليلا، لكنني أظن أنه عليك أن تلبي رغبة زوجكي في الأولاد فهم نعمة من عند الله و هم عماد البيت و نفسه كما أن عليك أن تجربي لأنه ربما يكون هناك مشكل في الأنجاب لا قدر الله سواء منكي أو من زوجكي فستضيعي الوقت إذا ما أردتي بعدها الانجاب في العلاج و إستخيري الله أحسن لن تندمي و أدعي أن يوفقكي في الدراسة و الأولاد، و اكتفي بطفل واحد حتى تكملي الدراسة و حاولي أنم تجدي حلا في السنة الأولى له و بعدها تضعيه في الحضانة أو عند مربية لكي الاختيار، يا أختي هناك الكثير من يتمنون ظفر طفل يملئ عليهم حياتهم. هم زينة الحياة

كريم35 · 2014-07-29, 06:36

من الاحسن ان تلب رغبة زوجك فعلا الولاد نعمة ولكن لو تتفقا على طفل واحد حتى تستطعين التوفيق بسن دراستك والطفل و زوجك بإذن الله تعالى واعانك الله
شكرا

hodahodahoda · 2014-07-29, 15:49

يمكنك الانجاب ان امكن في العطلة الصيفية
و لا اظن مشكلة بالنسبة لدراستك

رانيا1995 · 2014-07-29, 18:18

اقتباس:

المشاركة الأصلية كتبت بواسطة lyliane89

إذا كان سنك صغير يمكنك الانتظار قليلا أما إذا كان عمرك متقدم فالأفضل أن لا تتبطئي لأن الدراسة يمكنها الانتظار قليلا، لكنني أظن أنه عليك أن تلبي رغبة زوجكي في الأولاد فهم نعمة من عند الله و هم عماد البيت و نفسه كما أن عليك أن تجربي لأنه ربما يكون هناك مشكل في الأنجاب لا قدر الله سواء منكي أو من زوجكي فستضيعي الوقت إذا ما أردتي بعدها الانجاب في العلاج و إستخيري الله أحسن لن تندمي و أدعي أن يوفقكي في الدراسة و الأولاد، و اكتفي بطفل واحد حتى تكملي الدراسة و حاولي أنم تجدي حلا في السنة الأولى له و بعدها تضعيه في الحضانة أو عند مربية لكي الاختيار، يا أختي هناك الكثير من يتمنون ظفر طفل يملئ عليهم حياتهم. هم زينة الحياة

شكرااا اختاه على مرورك الطيب
عندي 24 سنة و الحقيقة انا جد متحمسة لانجاب طفل يملئ حياتي و حياة زوجي بالسعادة لكن عندي صديقة متزوجة و لازالت تدرس و انجبت العام الفارط طفلة لكنها المسكينة تعاني من الضغط اليومي لان الطفال لازملهم عناية خاصة هذا الذي اخافني حقيقة

رانيا1995 · 2014-07-29, 18:19

اقتباس:

المشاركة الأصلية كتبت بواسطة كريم35

من الاحسن ان تلب رغبة زوجك فعلا الولاد نعمة ولكن لو تتفقا على طفل واحد حتى تستطعين التوفيق بسن دراستك والطفل و زوجك بإذن الله تعالى واعانك الله
شكرا

شكرااا على مرورك الطيب اخي

"راجية الجنة" · 2014-07-29, 19:24

القضية قضية تنظيم فقط
ربي يوفقك لما فيه الخير

السي محمد · 2014-07-29, 20:23

اقتباس:

المشاركة الأصلية كتبت بواسطة hodahodahoda

يمكنك الانجاب ان امكن في العطلة الصيفية
و لا اظن مشكلة بالنسبة لدراستك

و كي يخرج الصيف

المولود هذا كيفاش يصرالو ؟؟؟

ترميه

و لا تبيعو

و لا تعاود ترجعو لبطنها حتى للصيف القادم يخرج يلعب شوية؟؟؟

سبحان الله

المشكل مش مشكل ولادة.................المشكل مشكل تربية و رعاية

و هذا انسان مخلوق كائن حي ضعيف لا حول و لا قوة له

مش قطعة اثاث او جهاز كهربائي يرمى في البيت لغاية الاستعمال القادم

آآآآآآآآآآآآآآو... هذا انسان

نعمة من عند الله...كاين اللي مستعدة تبيع عمرها و ربي يعطيها ولد او بنت

انسان

يلزم يرقد و يرضع حليب الام و ياكل و يشرب و يوسخ و يتنظف و يسيل لعابه و يتقيا و يتجشا.....

و يلزم أُم دائما معه ...تحبه و ترعاه و تحن عليه و يكبر في حضنها حتى يكون سليم النفس و العقل

الكائن هذا يمرض و تزداد حرارته و يضحك و يبكي و يطيح من الدوح و يحبي و يتعلم يمشي ...

....و في مواقف من هذه المواقف يلزم تكون الام حاضرة

كاين زوجة اخي عاملة كرهتها و كرهت العاملات بسبب عدم تربيتها لاولادها ...و كأنهم العاب او قطع اثاث في البيت للديكور

انا نقوللك حاجة

الطب حاجة مليحة تقراي و رايحة تنفعي الامة بعلمك و عملك ربي يوفقك و تكملي بسرعة

و لكن إذا ماكانش امرأة ناضجة يمكنها رعاية الطفل في غيابك ( جدتيه او خالته او عمته او قريبة تثقين فيها)

لا داعي للإنجاب اصلا

قبل الانجاب فكري في المُربّية و الحاضنة في غيابك

و كيما قال الاوائل

الام مش اللي تولد...الام هي اللي تربي

إذا كاين اللي تقدر تربي...يمكن تولدي عادي

و يكون لك نصيب من التربية و يكون عندك وقت

كما قلت في البداية
مش مشكل الانجاب....المشكل هو التربية و الرعاية

first first · 2014-07-29, 22:40

اختي انا نقولك استخيري..................والرد الاخ سي محمد واقعي.....لكن بالمقابل كون تبقاي تخممي هكا ماتنجبيش خلاص
لكان عندك عام صعب مثلا هدا العام....نصيحتي فوتيه ومن بعد انجبي.ولا اختي بعد النجاب بلوكي عام على الاقل ربي فيه ابنك ثم استانفي........هادي لازمة قعدة وتخميمة....................وماتنسايش تسالي ربي يدبرلك امورك ويجيبلك واش يخرج عليك
ربي يهدنيك ويسعدك

غربة أهل السنّة · 2014-07-29, 23:00

السّلام عليكم ورحمة الله وبركاته
الأمومة نعمة يا أختاه
والدّراسة ليس شرط أن تعملي،،
بإمكانك الإنجاب والعناية بطفلك و إكمال التّعليم عن يد زوجكِ
لأنك وبصراحة إذا أعطيت وقتا لطفلكِ ستهملين دراستك
وإذا أعطيت أهمية لدراستك ستهملين طفلك
لذلك اقول لكِ الطّب مهنة نبيلة و لكن الأمومة أهم منها
تستيقظين يوميا على صوته وتعتنين به و تنظفينه
وترينه يكبر امامك -والله - شيء لا يعوّض
رزقك الله الذرية الصالحة الطّيبة
وصلّى الله على سيّدنا محمّد وعلى آله وصحبه وأجمعين

رانيا1995 · 2014-07-29, 23:53

شكرااا على مروركم اخوتي و الله نحيتو عليا شوية بعد ما ضاقت بي الدنيا و استفدت جدا من نصائحكم القيمة ربي يفرحكم ان شاء الله

pomaria_aindefla · 2014-07-30, 01:28

في أي سنة أنت
تقدري جيبي طفل ثم بعد ستة سنوات جيبي الثاني أنا نعرف طبيبات داروا هكذا و إلى عندك عجزوتك معك في الدار و تريبلك جيبي الدراري و هي تربي

رانيا1995 · 2014-07-30, 02:16

انا في السنة السادسة يعني قعدلي عام و نكمل انا قلت كي نجيب الدكتوراه نحمل لكن المشكل راجلي راهو جد متحمس و كدلك نسكن وحدي حتى دار اهلي او اهلو بعاد :-(

هيبة الصمت · 2014-07-30, 02:25

وش قلتي طبيب ويفهم

طبيب ولا ماصو الراجل راجل يكون وش يكون

انا بني عمي انجبت في عامها قبل الاخير بصح امها لي رباتهولها حتى كملت

وفي الامتحانات تروح عند امها تحفظ وتقرا حتى كملت قراية

وانت دارك ودارهم بعاد خممي مليح

مدام بقالك عام واحد اعرفي كيفاش تجيبيهالو بالسياسة برك

على الاقل تكوني حامل في اواخر السنة ومبعد يرحمها ربي في التخصص

الله يعاونك اختى ويحفظك ويعاونك في قرايتك ويرزقك الذرية الصالحة

رانيا1995 · 2014-07-30, 02:46

اقتباس:

المشاركة الأصلية كتبت بواسطة هيبة الصمت

وش قلتي طبيب ويفهم

طبيب ولا ماصو الراجل راجل يكون وش يكون

انا بني عمي انجبت في عامها قبل الاخير بصح امها لي رباتهولها حتى كملت

وفي الامتحانات تروح عند امها تحفظ وتقرا حتى كملت قراية

وانت دارك ودارهم بعاد خممي مليح

مدام بقالك عام واحد اعرفي كيفاش تجيبيهالو بالسياسة برك

على الاقل تكوني حامل في اواخر السنة ومبعد يرحمها ربي في التخصص

الله يعاونك اختى ويحفظك ويعاونك في قرايتك ويرزقك الذرية الصالحة

شكرا اختي الفاضلة و الله كلامكم ريحني من جهة و فكرة الحمل في نهاية السنة فكرة جيدة ربي يحفظك