كيف تصبح طيارا

الفتى الامازيغي · 2014-07-24, 15:17

سلام علييكم

صحا رمضناكم ليجان

اريد ان اسأل عن مهنة الطيار المدني كم يشترط المعدل في الباك للحصول على التخصص

لاني سمعت منذ صغري اسمع انه يشترط معدل كبير جدا مثل 17

ولكني عند البحث لم اجد المعدل العالي مطلوب بل وجدت تكاليف الدراسة في اكاديمية في الخارج غالية جدا

اريد منكم ان تقولو لي كم يلزم المعدل في اي مجال طيران صوا عسكري صوا مدني صوا تدجاري

واكدولي على المدني

الفتى الامازيغي · 2014-07-24, 18:19

خواتي اني نستنا ولي كشما يعرف ما يبخلنيش يعيشكم

zoubidaas · 2014-07-24, 18:20

و عليكم السلام

حتى انا بحثت في هذا الموضوع و وجدت ان مهنة الطيار و متطلباتها مثل مهنة سائق السيارة لابسط الامر عليك

يعني تجيب رخصة بدراهمك و هنا الاشكال لان الرخصة غااالية و يقولو بلي التكوين للرخصة في باتنة

ثم بعدها فيها معارف باش تدخل تخدم ( مؤسسات الدولة هذا هو حالهم )

و كاين طريقة ثانية و هي الدخول لفرع الطيران كالبليدة مثلا و يقولو بلي مرة على مرة تدير الدولة اختبارات لاختيار احسن الطلاب و جعلهم طيارين ( هاذو تاع البليدة و ماشابهها يخرجوا منهم اعمال ثانية كالهندسة و المراقبة و غيرها و لكن ليس طيارا )

+

هذا موضوع اقرا كامل صفحاته لعلك تجد ما تريده

هنا

الفتى الامازيغي · 2014-07-24, 19:44

صافي الموايان ديال الباك ماشي لازم كبيرة

إكرام ملاك · 2014-07-25, 08:38

السلام عليكم

اخي هذا المجال راه فيه معريفة بشكل أساسي
وأعرف من دخلوا المجال ومعدلهم 11
وراهم الان طيارين

المهم ربي يوفقك

zoubidaas · 2014-07-25, 12:57

اقتباس:

المشاركة الأصلية كتبت بواسطة إكرام ملاك

السلام عليكم

اخي هذا المجال راه فيه معريفة بشكل أساسي
وأعرف من دخلوا المجال ومعدلهم 11
وراهم الان طيارين

المهم ربي يوفقك

لا اظن ان في هذا المجال المعارف فيه اساسية ( كاين مجالات باينين تاع معارف و كاين اللي مافيهمش اللعب )

لانه مجال خطير و فيه مؤهلات غير المعارف

يعني واحد طالع معريفة يروح يسوق طيارة ..... اول واحد تطفر فيه هو نفسه صاحب المعريفة لانو قادر يجيبها بروحو و بعدها يعتبر قاتل و يدي معاه حياة الناس

سطايفية بكل فخر · 2014-07-25, 22:05

لا توجد شعبة في الجزائر تخرج طيارين كاين شعبة طيران في البليذدة لكنها تخرج مهندس طيارة
الطيران في بلادنا تقراه بريفي ونظن كاين مع الخطوط الجزائرية وناس قالولي كاينة مدرسة خاصة في باتنة ولا اعلم ان كان هذا صحيح
بالتوفيق

إكرام ملاك · 2014-07-25, 22:17

هناك من يدرس في وهراان
وفي عند الدولة وليس خاص

سطايفية بكل فخر · 2014-07-25, 22:18

اقتباس:

المشاركة الأصلية كتبت بواسطة إكرام ملاك

هناك من يدرس في وهراان
وفي عند الدولة وليس خاص

لمن تابعة اكرم ماهيش جامعة نورمالمون للخطوط الجوية ولا راني غالطة

إكرام ملاك · 2014-07-25, 22:39

اقتباس:

المشاركة الأصلية كتبت بواسطة سطـايفية بكل فخر

لمن تابعة اكرم ماهيش جامعة نورمالمون للخطوط الجوية ولا راني غالطة

السلام عليكم
لا اعلم تحديدا لمن تابعة لكنها ليست خاصة

سطايفية بكل فخر · 2014-07-25, 22:43

اقتباس:

المشاركة الأصلية كتبت بواسطة إكرام ملاك

السلام عليكم
لا اعلم تحديدا لمن تابعة لكنها ليست خاصة

وعليكم السلام لي متاكدة منو انو مكانش في الجامعة
اذا سير راهي تاعبة للخطوط او حالينا معهد تاع دولة
شكرا ربي يوفقو ان شاء الله

الفتى الامازيغي · 2014-07-26, 02:10

من جيهة المعريفة عندي عمي جنرال منخافش

من جيهة المعدل نظن بلي مكانش تحت 12

من جيهة الدراهم مانيش عارف بالاك 500 مليون لمليار

مي انا حاب نعرف الى قريتها في الدزاير نقدر نخرج بيها للخارج

ويعترفو بيها دوليا ؟؟؟؟

chemseddine · 2014-07-26, 05:13

سلام اخي و رمضانك كريم
أخي أنا تحصلت على الباك سنة 92 قريب من الجيد ، وكان عندي نفس الحلم ، و بحثت عن الطريقة و وجدتها جد صعبة ، في ذلك الوقت ذهبت لأسأل في البليدة و هناك أخبروني أنهم يخرجون تقنيين سامين في ميكانيك الطيران و ليس طيارين و لكن أصحاب المراكز الأولى في البليدة مع الآخرين من الشرق الجزائري يأخذون الى طفراوي ليظيفوا سنتين أخرتين لدراستهم و بعد اكمال الدراسة ، تأتي الخطوط الجوية الجزائرية ( المدير العام ) لاختيار عدد قليل من الدفعة المتخرجة 4 أو 5 أو 7 من 30 لكي يتم ارسالهم الى بريطانيا أو كندا أو usa ، وطبعا الاختيار فيه الحك ، ففكرت من يضمن لي أن أكون من الأوائل في البليدة ؟ بعدها من يضمن لي أن أكون من الأوئل في وهران ؟ و في الأخير من يضمن لي أن أختير من طرف الخطوط الجوية الجزائرية لكي أبعث للخارج ، فأعدلت عن السماء و تركتها لناسها
بالتوفيق

spak1993 · 2014-07-26, 06:21

سلام عليم
الى الاخ الطيران العسكري معدل 12 فما فوق دخول لطفراوي و اذا جبت class medical قي عين النعجة تصبح طيار فرناس 3 سنوات تم التخصص حوامات .. قنص.. نقل
الطيران المدني باك + toefl .. ثم اكادمية في اي بلد من 0 حتى cpl حوالب 500 مليون + دراهم ليتعيش بهم
بعد ما تكمل يكون عندك 250 hours de vol اذا عاندك معريفة فالجوية الجزائرية غادي تعمل type rating pour appareill
tel que ATR 72-500 بمعرفتك تصبح first officer ...والا غادي تعمل time building في مدؤسة الطيران لي قريت فيها بدراهمك حتى تكمل 1500 hours de vol اي هكدا تجيب atpl و تقدر تعمل في شركات كثيرة حول العالم ...
الطيار حسين

تسهيل · 2014-07-30, 00:06

السلام عليكم
كلنا كان عندنا نفس الحلم
شوف صديقي المعجل مايهمش, عليك وعلى دراهمك تروح تقرا في الحارج كامريكا مثلا تسقاملك اكثر من500مليون او حتى اكثر
اما في الجزائر ماكانش مدارس حاصة بالطيران الا طافراوي تع العسكر ويديو عدد قليل من الاشحاص يبعتوهم يفراو في الحارج كيما قالك الاخ
اما المدارس تع باتنة وكاينة وحدة في الوادي ايضا وبسكرة على مااظن مجرد تمسحيرة, الرحصة لي تتحصل عليها للطائرات الشخصية ماعندك مادير بيها
موفق