12 في الانجليزية نقدر ندير التخصص هذا

[شيمومة1997]

السلام عليكم خاوتي مبروووووووووك عليكم الباك
انا نجحت في الباك بمعدل 10.78 ماهوش نتاعي مي الحمد لله وكي هبطت الكشف نتاعي لقيت روحي جبت في الانجليزية اكثر من 11 اي 12 يعني نقدر ندير تخصص لغة انجليزية ؟؟؟ انا شعبة علوم تجريبية

[شيمومة1997]

هل من مسسسسسسسساعدة

[نجمة المستقبل]

السلام عليكم
اختي انا العام اللي فات ديت فيها 16 و كنت حابة نديرها مي تأخرت ف تقديم الطعن
في امل انهم يمدوهالك مي الاولوية لاصحاب اللغات و الادبيين مثلا العام الماضي انا ديت 13 في الفرنسية لكن ما مدوهاليش لانوا كان معدل القبول فيها اكبر من معدلي
اضيفك شيئا معدل القبول يختلف من جامعة لأخرى لنفس التخصص مثلا انا العام الماضي معدلي مخلانيش نقرا اونجلي و لا فرونسي في ولايتي لكن عندما رأيت معدلات القبول فكان بامكاني تغيير الجامعة فقط
خلاصة القول توقعي كل شيئ و لتكن ثقتك بالله كبيرة و صلي استخارة
اي استفسار انا هنا
وفقك الله

[Maïssa B.]

نحن اللغات لازم 15 او اكثر

بودّي مساعدتك لكن شوفي واش يمدولك

[amel miral]

أختي هوما ايشوفو للنقطة مي اذا كنتي علمية العام لي فات كان معدل القبول فيها 12.27 يعني ديزولي بلاك مايمدوهالكش مي اذا كنتي ادبية ان شاء الله ايمدوهالك

[شيمومة1997]

لكن راني لقيتها في الشعب المسموحة لي يعني نقدر نديرها

[اسماء 05]

سلاام

انا ديت 11.42 علوم و12 في الانجليزية ان شاء الله يعطونا في زوج
صحبتي العام لي فات دات الباك ب 10 عطوها اونجلي يعني عندنا امل

[شيمومة1997]

لكن الانجليزية مافيهاش ماستر عادي نقراو 3 سنين بلا ماستر؟؟؟؟؟؟

[zizou b]

اختي مش حابه نهبطلك معنوياتك بصح انا العام لي فات ديت الباك12.43وجبت في الانجليزية16.5 شعبة علوم تجريبية وما صحتليش حبيت نقراها وجريت ياسر باش يمدوهالي بصح قدر الله وما شاء فعل المهم ان شاء الله يمدوهالك والله انو تخصص مليح بصح كل جامعه وكيفاه ممكن يمدوهالك حسب الجامعه لي رايح تسجلي فيها

[شيمومة1997]

انا جامعة الوادي ونظنش كاين ياسر لي يديرو انجليزية والله اعلم اختي صح مافيهاش ماستر؟

[toulay]

المشاركة الأصلية كتبت بواسطة شيمومة1997

لكن الانجليزية مافيهاش ماستر عادي نقراو 3 سنين بلا ماستر؟؟؟؟؟؟

لا لا فيها ماستر
تقرا 3 سنين وتدي ليسانس تاعك ان شاء الله
وبعدها يديرو classement اذا كان معدلك مليح والترتيب تاعك مليح راح تكمل الماستر
لانو يشوفو معدل المسار الدراسي
بالتوفيق

[شيمومة1997]

اختب هذا في كل الجامعات ؟؟؟

[toulay]

المشاركة الأصلية كتبت بواسطة شيمومة1997

اختب هذا في كل الجامعات ؟؟؟

طبعا
الا اذا مكانش ماستر فالولاية تاعك تروح تقراه في جامعة اخرى
بالتوفيق

[Help_Me]

سلام عليكم
سقسيني أنا نخبرك هههههه، أنا في 2013 ديت الباك بـ 11 شعبة العلوم التجريبية والإنجليزية ديت فيها 17,5، ودرتها، مي ما عطاوهانيش prcq معدل القبول كان فيها 14,52، وسييت نبدل الجامعة prcq في بعض الولايات معدلات القبول ناقصة، رحت لمعسكر (أنا من تيارت)، قالولي لازم يكون عندك résidence هنا في معسكر، ومن بعد حاولت معاهم، قاتلي وحدة ديرلنا شهادة طبية بلّي ما طيقش تقرا في تيارت، درتها مي لا فايدة ما قبلونيش، 4 خطرات وأنا رايح وجاي عندهم، دفعت دوسي تاعي عندهم، مي ما قبلونيش -_-

[شيمومة1997]

هههه بلاك انتي معندكش الزهر انا نظن يكون معدل القبول عندنا ناقص في واد سوف ياربي برك يقبلوني