تطبيقاتي لأم رامي وأم يونس

[إلهام07]

المشاركة الأصلية كتبت بواسطة faizarbh

مممممممممم يعطيك الصحة الهام ربي يشافيك يا يما والله حسيت بيك

شكرا فيوزة ، ربي يخليك

المشاركة الأصلية كتبت بواسطة أم إياد أحمد أمين

ما شاء الله على التطبيق رائع

المشاركة الأصلية كتبت بواسطة الحركاتية

أولا : الحمد لله على سلامتك
هذه عين يا إلهام اقراي المعوذتين هههههههههههههه
مزية كي خرجت هكذا ولا أكثر كما يقولوا

ثانيا : الله يبارك تطبيق في منتهى الروعة و شكرا على النصيحة

يعطيك الصحة وعلى سلامتك عزيزتي مرة ثانية وهذه توصي على الجايات رانا نحتاجوك أوكي

أوكي ، ههههه ، والله يا أختي كاين شي ناس والله كلمة الله يبارك ما ينطقوهاش خلاص
واش راكي ، ماكيش تباني ، طلي علينا في قسم واش طيبتي اليوم نقرعجو على طيابك شوية هههههه

المشاركة الأصلية كتبت بواسطة kokotg

يعطييييييييييييييييك الصحة

الله يسلمك ، شكرا

[الحركاتية]

المشاركة الأصلية كتبت بواسطة إلهام07

أوكي ، ههههه ، والله يا أختي كاين شي ناس والله كلمة الله يبارك ما ينطقوهاش خلاص
واش راكي ، ماكيش تباني ، طلي علينا في قسم واش طيبتي اليوم نقرعجو على طيابك شوية هههههه

أولا : إن شاء الله تكوني لاباس وشفيت من يدك

ثانيا :صح يا أختي كاين ناس ربي يسترنا بصح ما يلحقنا غير الشيء الي كتبهولنا ربي

الحمد لله بخير حال ، الامتحانات وضغط نهاية الثلاثي هي الي كانت منعتني من التواجد اليومي هنا

راني لبيت الدعوة ونطل مرة على مرة على قسم واش طيبتي اليوم وانت الي راكي ماتبانيش هذا ليامات ياخي غير الخير

قوليلي إلهام : راني مافهمتش واش تعني نقرعجو احنا مانقولوهاش .. على حساب واش فهمت من سياق الجملة (مصطلح المعلمين هههههههه) أنه معناها نعلقو
أفيديني ربي يحفظك

لك خالص التحايا

[إلهام07]

المشاركة الأصلية كتبت بواسطة omghalia

ايعطيك الصحة اختى الهام وربى يشفيك ان شاء الله

شكرا عزيزتي

المشاركة الأصلية كتبت بواسطة ام عماد الدين

شكرا وربي يشافيك

الله يعافيك ويسلمك ، شكرا

المشاركة الأصلية كتبت بواسطة ouricia

ربي ستر حبيبتي والله ليك وحشة توحشتك بزاف انا نهار الجمعة رايحة لدارنا كي نرجع لازم تحكيلي عى العرس

ياحبيبتي ، أنا ثاني توحشتكم بزاف ، راني رجعت ، غدا إن شاء الله نطل عليكم ونحكيو ، مازلت شوية عيانة

المشاركة الأصلية كتبت بواسطة الحركاتية

أولا : إن شاء الله تكوني لاباس وشفيت من يدك

ثانيا :صح يا أختي كاين ناس ربي يسترنا بصح ما يلحقنا غير الشيء الي كتبهولنا ربي

الحمد لله بخير حال ، الامتحانات وضغط نهاية الثلاثي هي الي كانت منعتني من التواجد اليومي هنا

راني لبيت الدعوة ونطل مرة على مرة على قسم واش طيبتي اليوم وانت الي راكي ماتبانيش هذا ليامات ياخي غير الخير

قوليلي إلهام : راني مافهمتش واش تعني نقرعجو احنا مانقولوهاش .. على حساب واش فهمت من سياق الجملة (مصطلح المعلمين هههههههه) أنه معناها نعلقو
أفيديني ربي يحفظك

لك خالص التحايا

راني مانبانش لاخاطر راي كنت مشغولة في عرس أختي ، خلصتو ورجعت ، شكرا على السؤال.
أما على التقرعيج ، الشرح ، واحد يقرعج يعني يعمر القرع هههه ، يعني يكون فضولي ويحب يفهم الكبيرة والصغيرة ، كيما نقولو يحب يعرف البسباس واللي غرسو ، حنا نقرعجو غير على الطياب نتاع بعضانا لاخاطر حنا عاقلين هههههه