حصري و لأول مرة ربما في الجزائر وصول طرد مملوء بمختلف أنواع الحلوة من اليابان

[أستغفرك ربي]

السلام عليكم
و دائماً بهدف التفتح عن العالم و اكتشاف اشياء جديدة أقدم لكم مشاركة ربما هي الاولى في الجزائر و المنتدى
و هي عبارة عن وصول طرد ضخم مملوء بالحلويات و الشكولاتة و الشيبس..الخ من اليابان من موقع CandySan

هذا الموقع يقدم مجموعة من المأكولات تباع حصرياً و فقط في اليابان

العلبة وصلت بدون مشاكل خلال 25 يوم تقريباً و كانت فيها حوالي 25 منتوج من حلوة و شيكولاته و شيبس بالشيكولاته همممممم
قهوة في canette و كذالك فنتا بذوق العنب hummm

الموقع معروف عالمياً و يشحن للجزائر على حسب وزن الطرد و يمكن شراء بكميات معتبرة أو كميات صغيرة للتجريب

انصحكم بزيارة الموقع و كذالك الذهاب للـYouTube و كتابة candysan لتكون عندكم فكرة حول المنتوجات

لكن قبل الشراء يجب قراءة معلومات المنتجات لتفادي بعض المحرمات

للاشارة كل مايوجد في الموقع لا يباع إلا في اليابان و لن تجده في بلد آخر

[أستغفرك ربي]

نبذة عن بعض المنتوجات : بصراحة الاذواق رائعة و غير مألوفة و لم يسبق لي رؤيتها من قبل

[أستغفرك ربي]

[nabil.novi]

مبروك عليك أخي
بالصحة و الهناء
كم كلفتك السلع ؟؟ و كم سعر الشحن ؟

[chemseddine]

السلام عليكم

ألف مبروك ، بالصحة و العافية
تجربة ممييزة

[Eminem_Jano]

bsahték hhhh .bah makhdouma had l halwa yakhi machi b gélatine tahh lhalouf hachak bark

[تسوق الكتروني]

بالعافية على قلبك،

تاكد جيدا من الحلويات خاصة الجيلي، قد ومحتمل جدا تحتوي على مشتقات او دهون خنزيرية

[islam887]

بصحتك أقترح أن تفتح كشك ياباني للحلوة والشوكلاطة خخخخخخ

[أستغفرك ربي]

المشاركة الأصلية كتبت بواسطة nabil.novi

مبروك عليك أخي
بالصحة و الهناء
كم كلفتك السلع ؟؟ و كم سعر الشحن ؟

السلعة + الشحن جاتني 46 يورو

[أستغفرك ربي]

الله يسلمكم جميعاً خاوتي

[الحاج انطوان]

بصحتك الكرطون الشهي
ما بعثوش معاهم كاش سمارت فون ولا طابلات ولا حتى ميكروبورطابل. اليابانيين مشهورين بالكرم زعمة
ههههههه

[hak4]

بصحتك خو تاكد فقط من عدم احتوائها على مشتقات دهون الخنزير التي لها عدة اشكال خاصة الجيلاتين وحاجة اخرى كشما ذاقو منها قطاع طرقنا ؟؟؟واقيلا انتا خاطي ناحية قسنطينة كون سيزاوهالك وقالولك انت تاجر حلويات ههههههههه هم يضحك وهم يبكي

[hak4]

المشاركة الأصلية كتبت بواسطة mokiste25

نبذة عن بعض المنتوجات : بصراحة الاذواق رائعة و غير مألوفة و لم يسبق لي رؤيتها من قبل

حبيت نسقسيك برك وين جات جزر السيشل في الجزائر راني حاب نعدي ايامات السخانة في الصيف عندكم قالولي لبحر عندكم رووعة هههههههههههههههه

[أستغفرك ربي]

بصراحة لقيت علبة حلوة ناقصة اتصلت بالموقع قالولي بعثناها مي بصحتو لي داها بالاك سخف و كي جات في علبة وحدة ماشي الطرد كامل هههههههههههه

يمكنك الاتصال بالموقع و تسقسيهم عن المنتوجات لي فيهم الكحول او دهون الخنزير المهم العبد يتفادى الشبوهات كاين كذالك حلوة مصنوعة باللحم المجفف هههههه مهابل الشناوة تاع اليابان mdrrrrrrrrr

لكن كي يوصلوك كلشي مكتوب باليابانية ماتفهم والو

[omar meb]

بالعافية على قلبك شكراااااااااااااااااا