سؤال محير ما وجدت له جواب موجه خاصة للعاملات

[ameur elkhalil]

المشاركة الأصلية كتبت بواسطة life is life

نحن يا اخي نتفق في بعض النقاط و لكن لا ارى ان عملالمرأة مشكلة اذا كان عمل يلائم المرأة في سلك التعليم أو الصحة فيما يخص بالنسائية

و انا يا اخي اقول انه كاين بزاااااااااف بنات الله يبارك خيّر و ختار
و الانسان موش مضطر يتناقش في هذه الامور

كاين ناس تسقسيو تشوف بعينك و تعرف اذاعاملة او ماكثة و اذا كانت عاملة اذا كانت منضبطة و ملتزمة او ... الله يهدي

و لا ارى انه ترك المرأة لعملها في صالحها إلا اذا كان الزوج قادرا على تحمل المسؤولية كاملة و توفير حاجيات بيته و هي بالتالي اذا كانت موافقة على ترك العمل أي انها كانت تعمل فقط لإعانة أهلها ووو """

هنا فقط يمكن للمرأة التخلي عن عملها

اما ان يكون مستقبل مجهول و ان تكون رغبة الزوج في ترك زوجته العمل فقط ليتفاخر و يقول انا ديتها خدامة و بطلتها ووو "" فهذا أمر تافه انا يحيرني هاد التخمام

و كأن كل النساء الجزائريات عاملات !!

كلام سليم من عضو رزين

[ameur elkhalil]

المشاركة الأصلية كتبت بواسطة في وجه المبتدعة

حجتك ضعيفة يا اخ ثم انت لست مكلفا انك توري للمراة مصلحتها ، عندها ابوها اخوها راه مسؤول عليها، شخص مثل هذا ما عليه الا ان يبحث عن ماكثة بالبيت وراهم كاينين بنات الفاميليا ثم هذه المسكينة تقول في قرارة نفسها تعبت و درست ثم ياتي احدهم و يقول لي اتركي العمل ؟؟؟
عذرا عن صراحتي حتى وان كنت ضد عمل المراة

المرأة مجبورة على طاعة ابيها ثم اذا ذهبت الى بيت زوجها تطيع زوجها أكثر من ابيها لان الزوج ورضاه باب من ابواب دخول هذه المرأة الجنة.اما حكاية ان الزوج يمنعها من العمل فمن حقه في بعض الاحيان ولكن ليس جورا او تعنتا.بغير سبب مقنع

[في وجه المبتدعة]

المشاركة الأصلية كتبت بواسطة ameur elkhalil

المرأة مجبورة على طاعة ابيها ثم اذا ذهبت الى بيت زوجها تطيع زوجها أكثر من ابيها لان الزوج ورضاه باب من ابواب دخول هذه المرأة الجنة.اما حكاية ان الزوج يمنعها من العمل فمن حقه في بعض الاحيان ولكن ليس جورا او تعنتا.بغير سبب مقنع

علاش يروح للخدامة يحوس يخطبها ثم يطلبها بالمكوث بالبيت و الماكثات في البيوت كثر

[لحن الحياة.]

المشاركة الأصلية كتبت بواسطة في وجه المبتدعة

علاش يروح للخدامة يحوس يخطبها ثم يطلبها بالمكوث بالبيت و الماكثات في البيوت كثر

يروح للخدامة لانها مش معصبة راسها ولابسة جبة تع دار والخدامة مزوقة و نصها ريحة ...يخي عجبتو كي عادت زينة و شنهي البربلام لازمها تقعد في الدار و تتزوق ليه وحدو برك و يتزوجو و يعيشو بسعادة

[زينب 83]

[طيور الجنان]

انا نقولكم كل امراة هي حرة اذا اشترطت العلم عندما تقدم زوجها لخطبتها ووافق فلماذا يجبرها على التوقف لاحقا و الرجل من لايريد العاملة فمن البداية يتوجه الى التي لاتعمل و لاتفكر في العمل .من تجربتي كنت اعمل ثم توقفت عن العمل عندما رزقني الله بابني و انشالله مانندمش و نستثمر في قرة عيني و لما لا كي تسمحلي الظروف نرجع.

[hodayena]

يا التعدد يا المرءة العاملة

[rafikabissa]

علاه هذا الدوامة اخطب وحدة ماكثة في الدار

[noriya]

الزواج مبنيى على حسن النية وليس على تامين أو تخطيط او حيلة. ومن يمكر يمكر الله به
بارك الله فيك

[AMINA.Z]

المشاركة الأصلية كتبت بواسطة سيرين 5

ممكن جوابي ما يقنعكش ؟ أو أكيد ما يقنعكش ، راح نحكي عن نفسي فقط
لما كنت أدرس في السنة الثالثة ابتدائي و بالتحديد في الفصل الأول تطلقت أمي مباشرة بعد وفاة جدي الله يرحمو ؟ لأنو الوالد رفض ذهابها للجنازة ، قالها تروحي راكي مطلقة هي راحت و ما ولاتش لأنو كانت القطرة التي أفظت الكأس، حملت سنين القهر الضرب الشتم لأنو كان يشرب لا يصلي لا يصوم ....
بعد شهور يعني في نفس السنة توفات والدتها الله يرحمها ، بعدها طردنا والدنا من البيت قالنا ديغاج، أتذكر الحادثة و كأنها اليوم رغم مرور سنوات عديدة عليها كنا كل جمعة نذب عند أمي و في المساء نعود و في احدى المرات عدنا فتح لنا الباب و قال لنا ديغاج روحو عند يماكم ؟؟؟
حنا عدنا عند يمانا و تصور كم كنا ؟؟؟ الصغيرة كانت رضيعة حديثة الولادة كانت من الأول مع أمي ، بعدها أنا كنت سنة ثالثة ابتدائي و أخت تكبرني سنة رابعة ابتدائي و أخ فوقها سنة خامسة ابتدائي و أخ آخر سنة ثانية ثانوي علمي و أخ آخر سنة ثانية ثانوي أدبي و أخت أكبر سنة أولى جامعي والأخت الكبرى جالسة بالبيت توقفت عن الدراسة و الأخ ال:بر أيضا لم يكن يدرس كان تكوين ميكانيك، كان هو الأول من خرج من المنزل بسبب الضرب و المشاكل و كان مستقر في بيت جدي و جدتي الله يرحمهم
رجعنا لعند الوالدة بثيابنا دون أوراق دون ملابس دون أي شيء ؟؟؟؟ جلسنا عدة شهور و الناس تتصدق علينا لا نملك حتى فرن نطيبو عليه ؟؟؟ توقفنا عن الدراسة جرينا باش جبنا أوراقنا الرسمية و بدلنا المدارس حتى 2 أخوالي الكبير ما كانش يحوس علينا يجمع مع أولادو ياكلو حنا نتفرجو والله باكي مقرون ما مدهولنا ؟ و خالي الأصغر ما عندوش الأولاد كان مع مرتو هجمو علينا سبان وعايرة و ظلم و حقرة .... قالنا جيتو تروثو و حنا ربي لي عالم بحالتنا ؟؟؟ أمي عادت عنيفة منهارة نفسيا ولات تعيط و تضارب و تدرب .... عشنا الجحيم حتى الناس كي تحقرنا ما نقدروش نرجعو إذا رجعنا ما تحوش تفهم تجري تضربنا حنا ؟؟؟
مستوانا الدراسي نزل كثبرا كنت من الخمسة الأوائل وليت ما قبل الأخيرة و اختي كانت الأولى تراجعت بزاف و أخي أيضا ما عادش يحب يروح يقرا، لي كانو في الليسي حبسو رغم أنو مستواهم كان جيد لي كان علمي كان عندو معدل 12 ولاو يخدمو عساسين في الليل و يقراو في النهار ما قدروش حبسو عيات معاهم يما قاتلهم أنا نخدم ما حبوش ولاو وين يلقو خدمة يخدمو يجبو مصروف للدار
بقينا بشويا وشيوا حتى هدنت الأوضاع و بدينا نوالفو حياتنا الجديدة
ماديا بدينا نتحسنو و بداو الخاوة يديرو مشاريع صغيرة بداو بجيسانك يخدمو بيه الطرونسبور رهنت يما ذهبها و سلفو شويا دراهم و شراوه و بداو يخدمو بيه موراها شراو ج 9 من بعد كارزان من بعد فورغون كبير مرسوداس شدو خويا تحت الكبير يخدم بيه الطرونسبور تاع السلعة و الكبير شد كارزان تاع صاحبو خلاهولو يخدم بيه و يخلصو و أخي الثالث لي كان علمي شرا طونوبيل و ولا يخدم مع لي قروسيست يليفري السلعة
حنا دراسيا بدينا نتحسنو شويا شويا مي ما وليناش من الأوائل كيما كنا ؟ أخي لي كان سنة خامسة كمل حتى للثامنة و حبس ما قدرش ، بعدها دار ستاج باتيسري و بدا يخدم
و أختي الجامعية كملت دراستها و سوتنات و بدات تخدم، تقري أدب عربي في الليسي، و عاونت أختي الأكبر و دارت ستاج تاع خياطة و ولات تخدم مرة على مرة ؟
أنا و اختي لي كنا في البريمار كملنا حتى جبنا الباك حنا الاثنين في العام لي تزوجت فيه اختي لي تقري كانت أول فرحة تدخل للدار تاع الصح
أحوالنا الآن الحمد لله ما لا نهاية مرة تحسنت بزاااااااااااااااااااااف الحمد لله
نبدا بيما راحت عمرة مرة ليها و مرة لماني الله يرحمها و راهي ناوية تزيد تروح لجدي الله يرحمو ، الله يرحمهم و يوسع عليهم سترونا و هوما حيين و سترونا حتى و هوما ميتين
أخي الكبير كان طايش شويا و ويدارب بزاف ز يدير المشاكل ليما بصح ملي تزوج استعقل الحمد لله ولا انسان وحداخر راه متزوج و عندو طفل و مرتو راهي أونسانت بالثاني الله يبارك راه دركا شريك بفي كافيتيريا الحمد لله و عندو دار بنا الطابق تاعو بعد ما كان كاري كي تزوج.
أختي الكبيرة مازال ما تزوجتش ربي يبعتلها وليد الحلال ان شاء الله و يرزقها بالذرية الصالحة ان شاء الله راهي تخدم في الدار البراج، المقروط، الكسرة ..... تخدم و تبيع لخاوتي راهي الله يبارك مدخولها أحسن منا حنا لي قرينا هههههههه ربي يزيدلها ان شاء الله
أختي لي تحتها لي ولات تقري في الليسي ترسمت و دارت بلاصتها و ولات أستاذة معروفة يقولو عليها واعرة و مزيرة ههههههه دارت كتب و نجحولها راهي الآن متزوجة و عندها ولدين و بنت ربي يحفظهوملها
أخي لي تحتها راه قدام خويا الكبير شريك في بيتزيريا متزوج و عندو ولدين و بنت و مرتو راهي أونسانت و باني الطابق تاعو بعد ما كان كاري هو أيضا الحمد لله
و أخي لي تحتو دركا عندو محل تاع مطلوع و متزوج و عندو ولدين و بالطابق تاعو لي بناه بعد ما كان كاري أيضا الحمد لله
و أخي لي تحتو لي دار ستاج باتيسري أيضا بمحلو تاع المطلوع و راه يبني في الطابق تاعو باش يتزوج قريبا ان شاء الله
و أختي لي تحتو كملت دارت تخصص علم النفس التربوي و راهي تقري في الابتدائي مازال ما جاهاش مكتوبها ربي يبعتلها وليد فاميليا و يرزقها ربي بالذرية الصالحة ان شاء الله
و بعدها أنا كملت أيضا دراستي ليسانس في إدارة أعمال و راني نخدم في شركة خاصة و تزوجت العام لي فات و راني قريب نزيد ان شاء الله
و آخر العنقود دارت كملت أيضا و تحصلت على ماستر في العلوم السياسية تخصص علاقات دولية و راهي تخدم في النهار ههههه ما عندهاش بزاف ملي بدات ربي ينجحها و يرزقها بالزوج الصالح و الذرية الصالحة ان شاء الله
الوالد في الأعوام الأخيرة حب يعاود يردنا بشتى الطرق في الأول كان رفض قاطع دون نقاش الآن رانا نزوروه مرة على مرة عاود تزوج و عندو 3 أولاد و بنت وليدو الكبير فيهم تحصل هاذ العام على شهادة الباكالوريا كي رحت في العيد لعندهم قالي الوالد أنتوما البنات نجحتو في القرايا بصح الذكورة ما نجحوش عندي غير هاذا نجحلي أنا زعفت بزاف من الهدرة هاذي و قلتلو هوما كانو يخدمو علينا و يقراو ما قدروش يكملو حبسو علاجال الظروف و قلتلو لوكان ما هوما ما نجحو حنا علاجال هوما لي كانو يخدمو علينا
كان النفقة بسيف لا يبعتها كل شخص يبعت 1000 دج و الذكورة غير يلحقو سن 18 ينقص هذيك 1000 دج و ما كانش يبعثها كل شهر ؟؟؟ ما كانش مخصوص كان لاباس بيه ماديا و كان ربي سبحانو يزيد يغرقو في الدراهم حتى عاد غني عندو فيلا ب4 طوابق كل طابق قاسمو ل 2 و كاريه بلا الخدمة تاعو لي كان يجيب منها الله يبارك وليدو الكبير من مرتو الثانية قبل ما يقفل 18 سنة شرالو طونوبيل بولو ؟؟؟
المهم الانسان ما يقدرش يينسى بالاك يتناسى و يسامح باش يقدر يعيش مرتاح نفسيا
عن نفسي نشجع اي امرأة تكون متعلمة و تعرف تسلك خيوطها علاجال هذي دنيا غدارة ما تعرفش بين ليلة و ضحاها واش يقدر يصرالك ؟ و عن الاختلاط و الحلال و الحرام بخصوص عمل المرأة ، كل شخص يعرف نفسو و يعمل حدود لنفسو في التعامل مع الناس على حساب الحلال و الحرام أنا عن نفسي الحمد لله عمري ما لحقت واحد من خاوتي يقولي غلطتي نعرف حدودي مليح و حتى خياتي الناس كامل تشهد بتربيتنا و أخلاقنا سواء الذكور أو الاناث الحمد لله رغم الظروف القاسية و واحد أو وحدة خرجو طريق أو جبنا العار ليمانا بالعكس رفعنالها راسها و نجحنا كامل كيما رانا الحمد لله يا ربي

الله يبارك
من قصتك حسيت بالفخر
العمل و النجاح يعطي للمراة قيمة و هيبة

ربي يحفظكم

[سهيلة2013]

الخدمة ماراهاش ساهلة هي راها تعبت باه لقاتها ومن بعد تسمح فيها وهي مراهاش متاكدة من الزواج ادا ينجح و لا لا
و اللي ميبغيش اللي تخدم معنده قاع علاه يروح يخطب

[AMINA.Z]

ببساطة لان المجتمع الجزائري و خاصة الرجل(اغلبهم) يحتقر المراة و يستضعفها و لا يبالي ان قام باذلالها اذا طلبت منه مالا لتشتري شيئا اشتهته لنفسها او لبيتها

لكل انسان كرامة و لا يحق لاي كان المساس بها و قد ذاقت المراة ذرعا من هذا الظلم فاصبحت تعتمد على نفسها و تحافظ على كرامتها و امنت بقدراتها و اكتشفت انها ليست مجرد عاملة نظافة و طباخة في البيت و كثيرات عانين من هذا التهميش ( سمعت باذني رجلا و هو من اقربائي عندما كنا نشاهد التلفاز بدات زوجته في ابداء رايها حول قضية اضراب الاساتذة لكنه اسكتها و اصبح يسخر منها قائلا هاذ الشيء كبيير عليك التهاي بالنشاف و البرمة خيرلك ) المسكينة طاطات راسها خجلا منا بعد هذه الاهانة و الدموع في عينيها
لا تحترمون المراة و نظرتكم لها محدودة
لقد اكتفينا من هذه النظرة و من هاته المعاملة .

[موسى عبد الله]

المشاركة الأصلية كتبت بواسطة amina.z

ببساطة لان المجتمع الجزائري و خاصة الرجل(اغلبهم) يحتقر المراة و يستضعفها و لا يبالي ان قام باذلالها اذا طلبت منه مالا لتشتري شيئا اشتهته لنفسها او لبيتها https://www.djelfa.info/vb/images/editor/menupop.gif

لكل انسان كرامة و لا يحق لاي كان المساس بها و قد ذاقت المراة ذرعا من هذا الظلم فاصبحت تعتمد على نفسها و تحافظ على كرامتها و امنت بقدراتها و اكتشفت انها ليست مجرد عاملة نظافة و طباخة في البيت و كثيرات عانين من هذا التهميش ( سمعت باذني رجلا و هو من اقربائي عندما كنا نشاهد التلفاز بدات زوجته في ابداء رايها حول قضية اضراب الاساتذة لكنه اسكتها و اصبح يسخر منها قائلا هاذ الشيء كبيير عليك التهاي بالنشاف و البرمة خيرلك ) المسكينة طاطات راسها خجلا منا بعد هذه الاهانة و الدموع في عينيها
لا تحترمون المراة و نظرتكم لها محدودة
لقد اكتفينا من هذه النظرة و من هاته المعاملة .

النبي -صَلَى الله عَلَيْهِ وَسَلَّم- عندما سمع من بعض الصحابة ، جاء بعض النساء تشكو من بعض أزواجهن النبي -صَلَّى الله عَلَيْهِ وَسَلََّم- « وَقَالَ : إِنَّهُ قَدْ طَافَ بِآلِ مُحَمَّدٍ نِسَاءٌ كَثِيرَات ، وَأَنَّهُنَّ يَشْكِينَ أَزْوَاجَهُنَّ قَالَ : أُولَئِكَ لَيْسُوا بِخِيَارِكُمْ »
هؤلاء ما هم خياركم ، أي بمعنى شراركم ، مفهوم الكلام أن هؤلاء شراركم ليسوا بخياركم ، فهذه المعاملة السيئة لا تجوز ، فالمؤمن إن أحب المرأة أكرمها ، وإن أبغضها لا يظلمها ؛ بل يعاملها المعاملة الطيبة ، المعاملة الحسنة التي ترضي -رَبّ الْعَالَمِيْنَ- سُبْحَانَه ، إذا كان لا يطيقها وسيظلمها لا يتزوج بها من أول يوم ولا يلتفت اليها اصلا و عليهان لا يقدم على خطبتها من اول يوم والناس معادن

[همس المشاعر*]

في هاد الوقت لازم تدي مرا خدامه والبطاطا اكبر مثال على الغلاء

[AMINA.Z]

المشاركة الأصلية كتبت بواسطة موسى عبد الله

النبي -صَلَى الله عَلَيْهِ وَسَلَّم- عندما سمع من بعض الصحابة ، جاء بعض النساء تشكو من بعض أزواجهن النبي -صَلَّى الله عَلَيْهِ وَسَلََّم- « وَقَالَ : إِنَّهُ قَدْ طَافَ بِآلِ مُحَمَّدٍ نِسَاءٌ كَثِيرَات ، وَأَنَّهُنَّ يَشْكِينَ أَزْوَاجَهُنَّ قَالَ : أُولَئِكَ لَيْسُوا بِخِيَارِكُمْ »
هؤلاء ما هم خياركم ، أي بمعنى شراركم ، مفهوم الكلام أن هؤلاء شراركم ليسوا بخياركم ، فهذه المعاملة السيئة لا تجوز ، فالمؤمن إن أحب المرأة أكرمها ، وإن أبغضها لا يظلمها ؛ بل يعاملها المعاملة الطيبة ، المعاملة الحسنة التي ترضي -رَبّ الْعَالَمِيْنَ- سُبْحَانَه ، إذا كان لا يطيقها وسيظلمها لا يتزوج بها من أول يوم ولا يلتفت اليها اصلا و عليهان لا يقدم على خطبتها من اول يوم والناس معادن

اكييد فاهانة و استضعاف النساء لا يمت للاسلام بصلة و هو براء من هذا
نعلم جيدا حقوقنا التي حفظها لنا الاسلام
لكن هل هناك من يطبقها ¿¿¿¿!!!!!!!