سلام عليكم ورحمة الله وبركاته
هذه الوصفة جربتها اليوم وعجبتني بزاف بزاف وحبيت نفيدكم بها
بسم الله
نأخذ 2 صدور دجاج نقطعهم قطع صغيرة ونتبلهم ب: الملح والفلفل الأحمر والأسود والزنجبيل و قليل من الكمون و الرند والزعتر والزعيترة والإكليل قليل من الزيت عصير نصف ليمونة و2 ملاعق كبيرة من الخردل وخليهم يباتوا ليل كامل وفي الصباح إن شاء الله قطعي 2 حبات الطرشي فلفل حلوا (1لون أحمر و1 لون أخضر )والمعدنوس رقيق وخلطي الكل في خلاط كهربائي
خذي حبة بصل وذبليها فوق النار جيدا مع قليل من الزيت الملح والفلفل الأسود وضعيه مع الخليط الأول وأعيدي شعل الخلاط
ضفي صفار بيضة مع الخليط السابق والجبن المبشور وأخلطي جيدا شكلي كرة بداخلها جبن رمديها في الفرينة ثم البيض ثم الخبز يابس .
وأنا اليوم شكلتها على شكل كريات و غمدتها في الفرينة البيض ثم الخبز اليابس المرحي وأعدت تشكيلها على شكل أفخاذ الدجاج وتركتها في الثلاجة مدة قليلة حتى تتماسك وأقليتها وقدمتها مع الروز
نتمنى تكون عجبتكم الوصفة وتجربوها حقيقة هي لذيذة وبنينة بزاف
أختكم فاطمة