اذا لم تكني صريحة لا تقرئي موضوعي

[أريج لرجام]

السلام عليكم

بكل صراحة كنت نلبس السروال في صغري حتى السنة ثانية ثانوي مرة كنت لابسة سروال ضيق ونوضني أستاذ الانجليزية لأجيب على سؤاله حشمت بزاف حسيت روحي بزاف بزاف وبديت نفكر في تغيير لباسي بديت نلبس تنورة لرج وخمار عادي وحد المرة قلت لأخي شرالي حجاب ولبستو ولحد الآن راني مخبياتو عندي ذكرى ومن بعد بديت نلبس الحجابات فقط وكي دخلت الجامعة دايرة حجاب وخمار عادي ما نكذبش عليكم كي شفت الخمار الشرعي ضرب في قلبي بزاف بديت كي نشوف خماري العادي نحس بلي راني عريانة رحت وشريت خمار شرعي وخبيتو في الخزانة ما درتوش وحد النهار قررت ودرتو بكل صراحة حسيت بفرحة نقولك الباك كي تحصلت عليه ما فرحتش كما ذيك الفرحة أما بالنسبة للحجاب راني نلبس حجاب عادي وبكل صراحة ما أمرني حتى واحد الحمد لله اللهم اهدي نساء المسلمين

[تنهنان تي تي]

انا عن نفسي البس حجاب عادي ومستور ولكن المشكل هي ان امهات اليوم حتى وان كانت محجبة تجد بناتها غير محجبات او محجبات مودارن وهذا خطا كبير علينا الحذر وعلينا نحن الامهات نكونوا احرس من امهاتنا لان زمننا غير زمن بناتنا وهذا بسبب التطور والتكنولوجيا الحديثة الهاتف النقال والانترنات وكل هذه الاشياء التي تفسد اخلاق بناتنا واولادنا وتخرب عقولهم قديما كانت الام هي التي تربي اما انا اقول انا التكنولوجيا لها دور كبير في تكوين شخصية الاطفال لهذا علينا دائما التمسك بديننا

[محبّة الخير]

انا البس الحجاب لاني اراه يسترني ولست بخارقة جمال حتى ارتدي الحجاب الشرعي اي الجلباب