فكرة هايلة لتسريع التخمير

امونة الشاوية · 2013-02-24, 12:49

السلام عليكم يا البنات هاذيك النهار و بالصدفة اكتشفت اختراع في الكوزينة هههههه قولو واش هو ...
....غسالة الاطباق .....لالا الميكرو اوند لالالا انا انا احب اختراعات كبار ما نقبلش بهاذو
المهم قالك قالك امونة دارت الغداء بطاطا في الكوشة وطفيت الكوشة و وجدت الطاولة تاع الغداء و انا سخفت على سفنج قلت نديرو و نحطو يطلع حتى نكملو الغداء وانا راح نغطيه بالبلاستيك و جاتني فكرة جهنمية وهي اني نحطو في الكوشة و هي سخونة غطيتو بالبلاستيك و حطيتو فيها واش نقولكم فاض ماش غير طلع و من تم و انا الحاجة اللي نديرها و هي تحب تطلع وسيرتو كي نكون مزروبة نشعل الكوشة نخليها تسخن ما نجي نخدم هاذيك الحاجة نطفي و نحطها المحيط يكون مغلق و دافئء تطلع تم تم
و كي لقيت الفكرة هاذي تهنيت من بنتي لما نحط الحاجة تتطلع امام المدفاة تروح تلبزفيها
ها عندكم ل تسرقو الفكرة او الاختراع ******* :1 9:
لالا راني غير امزح بصحتكم اللي يحب يجرب

it's me · 2013-02-24, 14:14

هههههههههههههههه يعجبني اسلوبك في الحديث
صحيتي ربي يعيشك امونة الشاوية

امونة الشاوية · 2013-02-24, 14:48

اقتباس:

المشاركة الأصلية كتبت بواسطة it's me

هههههههههههههههه يعجبني اسلوبك في الحديث
صحيتي ربي يعيشك امونة الشاوية

شكرا لكي اختي حتى انت اسلوبك رائع متبعة كل مواضيعك في غرفة المتزوجات

دعاء القلوب · 2013-02-28, 21:53

يعطيك الصحة على الفكرة

ام نسمة · 2013-02-28, 22:25

مرحبا ههههه وانا دخلت نجري قلت سيرمو هادي اخترعت كاش الة تخمر بسرعة علاش ما تقوليليش اكتشفتي هاد الاختراع عن طريق الصدفة هههههههههههههههههه لاهاا معروفة من بكرررررررررررررررررررررررررررررري يا امونة الامورة

دلوعة أبيها · 2013-02-28, 22:31

والله فكرة مليحة خاصتافي البرد متزربش الحاجة تتطلع
ماخطرتليش على البال يا الشاف كونان ههههههههههههه ههههههههههههههه

امونة الشاوية · 2013-03-02, 16:28

اقتباس:

المشاركة الأصلية كتبت بواسطة زهورالفل

مرحبا ههههه وانا دخلت نجري قلت سيرمو هادي اخترعت كاش الة تخمر بسرعة علاش ما تقوليليش اكتشفتي هاد الاختراع عن طريق الصدفة هههههههههههههههههه لاهاا معروفة من بكرررررررررررررررررررررررررررررري يا امونة الامورة

فلة حبيبتي انا عمري شفت احد دار الفكرة او قريت عليها اكتشفتها صدفة والله انا كنت لما نحب نخمر حاجة نحطها امام الفورنو او فوقو وهو فيوزة و لا لما ندير خبز الدار نحط فوق الكويزنيار وهي اي شاعلة تسخن المهم على العموم انا عاودت اخترعت الفكرة و ما عليش المرة الجاية ان شء الله اخترع حاجة لم تكن قولي امين ************

الحركاتية · 2013-03-02, 20:27

الله يبارك يا أمونة
نعطوك براعة الاختراع
أنا قبل ما نشري ميكو وند كنت نستعمل هذه الطريقة باه تبقالي الماكلة سخونة خاصة لما نجهزها في الأطباق ونزينها

بصحتك يعني ولدك ماراحش بعيد جاب الاكتشاف من أمه